Gálatas 4:17 - Tupanaarü Ore

¹⁷ Rü ngẽma duü̃xü̃gü i pexü̃ ngúexẽẽxü̃ nax Yudíugücümagu pexĩxü̃ca̱x, rü tama mexü̃ i ĩnümaxã pexü̃ nangúexẽxẽ, erü nümagü rü toxna pexü̃ nixĩgachixẽẽchaü̃ nax ngẽmaãcü naga pexĩnüexü̃ca̱x.

Gálatas 4:17 Referans Kwoze

Romanos 16:18

Erü ngẽma duü̃xü̃gü rü tama tórü Cori ya Ngechuchu ya Cristuarü ngúchaü̃ naxügü, natürü noxrütama ngúchaü̃ nixĩ i naxügüxü̃. Norü dexa ga maixcuraxü̃maxã nayaxucu̱xẽgü i duü̃xü̃gü, rü ngẽmaãcü nanawomüxẽẽgü i ngẽma duü̃xü̃gü i tama mea nüxü̃ cua̱xgüxü̃.

Norü taxre ga popera ga Pedru ümatüxü̃ 2:3

Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.

1 Corintios 4:8

Rü pegügu perüxĩnüegu rü marü pexü̃́ nangẽxma i guxü̃ma i penaxwa̱xexü̃ nax Tupanape̱xewa pimexü̃ca̱x. Rü pegügu perüxĩnüegu rü ñoma ãẽ̱xgacügü i taxü̃rüxü̃ pixĩgü, rü taxuxü̃ma i ngü̃xẽxẽ toxü̃tawa penaxwa̱xe. ¡Chierüx aixcüma Tupanape̱xewa ãẽ̱xgacügü pixĩgügu nax toma rü ta wüxigu pemaxã ãẽ̱xgacügü nax tixĩgüxü̃ca̱x!

Romanos 10:2

Rü pemaxã nüxü̃ chixu, rü nümagü i Yudíugü rü aixcüma nanaxügüchaü̃ i Tupanaarü ngúchaü̃. Natürü ínatüe erü tama Cristuaxü̃́ nayaxõgüchaü̃ nax ngẽmaãcü Tupanape̱xewa yamexü̃ca̱x.

Ore i mexü̃ ga Matéu ümatüxü̃ 23:15

Pa Ngúexẽxẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x erü guxü̃wama pexĩ nax naxca̱x pedauxü̃ nax wüxitama ya duü̃xẽ pexrüxü̃ ixĩxü̃ca̱x. Rü ngẽxguma marü pexü̃ tanguxü̃xgu, rü tüxü̃ pechixexẽxẽ nax düxwa taxree̱xpü̱xcüna perü yexera ãũcümaxü̃wa tangexmaxü̃ca̱x.

Norü taxre ga popera ga Pedru ümatüxü̃ 2:18

Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

Filipenses 2:21

Erü guxü̃ma i togü rü naxca̱x nadaugü i noxrütama ngúchaü̃gü, rü tama aixcüma nagu narüxĩnüe i ngẽma Ngechuchu ya Cristuarü ngúchaü̃.

2 Corintios 11:3

Natürü chaxoegaãxẽ erü yema ãxtape norü doramaxã Ébaxü̃ nawomüxẽẽxü̃rüxü̃, ngürüãchi tá ta texé pexü̃ tawomüxẽxẽ nax nüxü̃ perüxoexü̃ca̱x nax Cristugu perüxĩnüexü̃ rü naxca̱xicatama nax pemaxẽxü̃.

1 Corintios 11:2

Pa Chauenexẽgüx, pemaxã chataãxẽ erü guxü̃guma chaugu perüxĩnüe rü nagu pexĩ ga yema ngu̱xẽẽtae ga pexü̃ changúexẽẽxü̃.

1 Corintios 4:18

Rü ñuxre i pemax rü pegü picua̱xüü̃gü, erü nagu perüxĩnüe nax tagutáma pexü̃tawa íchayadauxü̃.

Gálatas 4:16

¿Rü ñu̱xmax rü pexca̱x rü perü uanü chixĩ, erü aixcüma chanango̱xẽxẽ i ngẽma guxchaxü̃gü i pexü̃́ ngẽxmaxü̃?

Gálatas 4:18

Rü ngẽma orearü uruü̃gü rü marü name nax pegu naxĩnüexü̃, natürü nanaxwa̱xe nax perü mexü̃ca̱x nadaugüxü̃ i guxü̃guma. Rü tama name nax petanüwa changexmaguxicatama perü mexü̃ca̱x nax nadaugüxü̃ i ngẽma duü̃xü̃gü.