Gálatas 4:14 - Tupanaarü Ore

¹⁴ Rü yema da̱xawe ga choxü̃́ yexmaxü̃, rü woo pexca̱x rü wüxi ga guxchaxü̃ nixĩ, natürü tama choxü̃ pexo rü tama choxü̃ ípeta̱xüchi. Rü meama choxü̃ peyauxgü ñoma wüxi ga Tupanaarü orearü ngeruxü̃ i daxũcüã̱xrüxü̃. Rü ñoma Ngechuchu ya Cristu chixĩxü̃rüxü̃, meama choxü̃ peyauxgü.

Gálatas 4:14 Referans Kwoze

Ore i mexü̃ ga Matéu ümatüxü̃ 10:40

Rü texé ya mea pexü̃ yaxúxe rü choxü̃ nixĩ i tayaxuxü̃. Rü texé ya choxü̃ yaxúxe rü yimá núma choxü̃ mucü ya Chaunatüxü̃ nixĩ i tayaxuxü̃.

1 Tesalonicenses 2:13

Rü ngẽmaca̱x guxü̃guma Tupanana moxẽ taxã, yerü yexguma noxri nüxü̃ pexĩnüegu ga yema norü ore ga pemaxã nüxü̃ tixuxü̃, rü mea penayauxgü, yerü nüxü̃ pecua̱xgü rü aixcüma Tupanaarü ore nixĩ rü tama duü̃xü̃güarü oremare nixĩ. Rü yema Tupanaarü ore nixĩ ga naxüchicüüxü̃ ga perü maxü̃ i pema nax peyaxõgüxü̃.

Popera ga Yudíugü ga yaxõgüxü̃ca̱x ümatüxü̃ 13:2

Tama name nax nüxü̃ ipeyarüngümaexü̃ nax meama penayaxuxü̃ i ngẽma duü̃xü̃gü i pepatawa ngugüxü̃. Erü nüxü̃ tacua̱x rü nümaxü̃ ga yemaacü naxügüxü̃ rü ñuxguacü tama nüxü̃ nacuáãcüma bexma Tupanaarü orearü ngeruü̃gü i daxũcüã̱xü̃ mea nayauxgü.

2 Corintios 5:20

Rü ngẽmaãcü Cristuarü orearü ngeruü̃gü tixĩgü, rü towa nixĩ ya Tupana pexü̃ ca̱a̱xü̃xü̃ nax namaxã iperüngüxmüexü̃ca̱x. Rü ngẽmaca̱x Cristuégagu pexü̃ taca̱a̱xü̃gü nax Tupanamaxã iperüngüxmüexü̃ca̱x.

Maraquía 2:7

Rü wüxi i chacherdótearü puracü nixĩ nax duü̃xẽgü tüxü̃ nangúexẽẽxü̃ nax choxü̃ tacua̱xgüxü̃ca̱x. Rü ngẽmaca̱x name nax guxü̃ma i duü̃xü̃gü naxü̃tawa ĩxü̃ nax tüxü̃ nangúexẽẽxü̃ca̱x, erü choma nax guxãétüwa changexmaxü̃ rü nüxü̃ chaxuneta nax chorü orearü uruü̃gü yixĩgüxü̃ca̱x.

Chacaría 12:8

Rü choma i Cori nax chixĩxü̃ rü tá nüxna chadau i guxü̃ma i ngẽma duü̃xü̃gü i Yerucharéü̃wa maxẽxü̃. Rü ngẽma duü̃xü̃gü i turaexü̃ rü tá nipora ñoma ãẽ̱xgacü ga Dabírüxü̃. Rü ngẽma Dabítanüxü̃ rü tá ñoma Tupanarüxü̃ naporae rü ñoma Cori ya Tupanaarü orearü ngeruxü̃ i ngẽma duü̃xü̃güpe̱xegu ixũxü̃rüxü̃ tá naporae.

2 Chamué 19:27

Rü cuxü̃tawa naxũ nax chauchiga doraxü̃ cumaxã yaxuxü̃ca̱x. Natürü cumax, Pa Ãẽ̱xgacüx, rü ñoma wüxi i Tupanaarü orearü ngeruü̃rüxü̃ i dauxü̃cüã̱xrüxü̃ quixĩ. Rü ngẽmaca̱x ẽcü ¡naxü i ngẽma cuxca̱x rümemaexü̃!

2 Chamué 14:17

Rü chomax nax curü duü̃xü̃ chixĩxü̃ rü íchayanguxẽxẽ i ngẽma curü ngãxü̃, Pa Ãẽ̱xgacüx, nax choxü̃ nataãẽxẽẽxü̃ca̱x, erü cumax, Pa Ãẽ̱xgacüx, rü ñoma wüxi i daxũcüã̱x i Tupanaarü orearü ngeruxü̃rüxü̃ nüxü̃ cucua̱x nax ngexü̃rüüxü̃ yixĩxü̃ i mexü̃ rü chixexü̃. ¡Rü Cori ya Tupana cuxü̃tawa ngexma̱x, Pa Ãẽ̱xgacü! —ngĩgürügü.

1 Tesalonicenses 4:8

Rü ngẽmaca̱x ega texé tama naga ĩnügu i ñaa ngu̱xẽẽtaegü, rü tama wüxi i duü̃xü̃ga nixĩ i tama taxĩnüxü̃, natürü Tupanagatama nixĩ i tama taxĩnüxü̃. Rü gumá nixĩ ga pexna namucü ga Naãxẽ ya Üünexü̃.

Gálatas 4:13

Rü pema rü marü nüxü̃ pecua̱x rü yexguma noxri pemaxã nüxü̃ chixuxgu ga Tupanaarü ore i mexü̃, rü yema nax chida̱xawexü̃gagu nixĩ ga petanügu charüxã́ũxü̃ rü pemaxã nüxü̃ chixuxü̃ ga Tupanaarü ore.

1 Corintios 4:10

Rü ñu̱xma rü Cristugagu taxuxü̃ma icuáxü̃ toxü̃ nawogü i duü̃xü̃gü, natürü i pema rü Cristugagu pegu narüxĩnüe nax duü̃xü̃gü i nüxü̃ icuáxü̃ pixĩgüxü̃. Rü duü̃xü̃güca̱x rü taturae, natürü i pema rü peporae. Rü duü̃xü̃gü toxü̃ naxo, natürü i pema rü pexü̃ nangechaü̃gü.

1 Corintios 1:28

Rü Tupana nanade ga yema duü̃xü̃gü ga togü nüxü̃ oexü̃, rü ñoma i naanewa taxuxü̃ma ixĩgüxü̃ rü taxuxü̃ma nüxü̃́ ngẽxmagüxü̃. Rü yemaacü Tupana nanaxãneexẽxẽ i ngẽma duü̃xü̃gü i ñoma i naanewa tachigagüxü̃.

Ore i mexü̃ ga Cuáü̃ ümatüxü̃ 13:20

Aixcüma pemaxã nüxü̃ chixu rü texé mea tüxü̃ yaxúxe ya yíxema choma ngéma tüxü̃ chamuxẽ, rü choxü̃ nixĩ i tayaxuxü̃. Rü texé ya choxü̃ yaxúxe, rü Chaunatü ga núma choxü̃ mucüxü̃ nixĩ i tayaxuxü̃ —ñanagürü ga Ngechuchu.

Ore i mexü̃ ga Luca ümatüxü̃ 10:16

Rü ñu̱xũchi norü ngúexü̃güxü̃ ñanagürü: —Rü yíxema pega ĩnüexe, rü chauga rü ta taxĩnüe. Natürü yíxema tama pega ĩnüexe, rü chauga rü ta tama taxĩnüe. Rü yíxema tama chauga ĩnüexe, rü tama naga taxĩnüe ya Chaunatü ya núma choxü̃ mucü —ñanagürü ga Ngechuchu.

Ore i mexü̃ ga Matéu ümatüxü̃ 25:40

Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.

Ore i mexü̃ ga Matéu ümatüxü̃ 18:5

Rü texé ya chauégagu mea nayaxúxe i wüxi i buxü̃ i ñaarüxü̃ ixĩxü̃ rü choxü̃ nixĩ i tayaxuxü̃.

Ngu̱xẽẽtaeruü̃arü ore 9:16

Rü choma rü nüxü̃ chixu rü ngẽma yigü nax írüporaxü̃arü yexera rümemaexü̃ nixĩ nax cua̱x tüxü̃́ ngẽxmaxü̃, woo ega tama naga naxĩnüegu i ngẽma norü cua̱x ya yimá yatü ya ngearü diẽruã́cü, rü tama nüxü̃ naxĩnüechaü̃gu i norü ore.

Wiyaegü 119:141

Pa Tupanax, choma i cupe̱xewa rü taxuxü̃ma chixĩ rü duü̃xü̃gü rü choxü̃ naxoe. Natürü tama nüxü̃ charüngüma i curü mugü.

Yox 12:5

Rü yíxema tama ta̱xacü tüxü̃ ngupetüxe rü tüxü̃́ natauxcha nax yíxema guxchaxü̃ tüxü̃ ngupetüxexü̃ tixuxü̃. Rü tüxü̃́ natauxcha nax tanayexeraẽẽxü̃ i tümamücüarü guxchaxü̃.

Gálatas 3:26

Rü ñu̱xma nax Ngechuchu ya Cristuaxü̃́ peyaxõgüxü̃, rü Tupanaxacügü pixĩgü i guxãma i pemax.

Gálatas 3:28

Rü ñu̱xma rü Tupanape̱xewa rü nüetama nixĩ ega woo Yudíugü pixĩgügu rü ẽ̱xna tama. Rü nüetama ega woo wüxi i coriarü duü̃xü̃gü pixĩgügu rü ẽ̱xna taxúearü duü̃xü̃gü pixĩgügu. Rü nüetama ega woo piyatügu rü ẽ̱xna pingexgu. Erü ñu̱xma nax Ngechuchu ya Cristuarü duü̃xü̃gü nax pixĩgüxü̃, rü wüxitama i duü̃xü̃ pixĩgü i guxãma i pemax.

Gálatas 4:15

¿Natürü ta̱xacü ẽ̱xna nangupetü namaxã ga yema perü taãxẽ ga noxri pexü̃́ yexmaxü̃? Erü pemaxã nüxü̃ chixu rü noxri petanüwa chayexmagu rü poraãcü chomaxã petaãẽgü. Rü yexguma chi pexü̃́ natauxchagu, rü chi pexetü peyaxu nax choxna penaxãxü̃ca̱x, yerü yemaacü poraãcü chomaxã petaãẽgü ga yexguma.