Gálatas 4:12 - Tupanaarü Ore

¹² Pa Chauenexẽgüx, pexü̃ chaca̱xaxü̃ nax chauxrüxü̃ tama nagu pexĩxü̃ i ngẽma nacümagü i chixexü̃. Rü ngẽxgumarüxü̃ nax pema nüxü̃ perüxoexü̃ i pecümagü i chixexü̃, rü choma rü ta nüxü̃ charüxo nax ngẽma Yudíugüarü mugügu chixũxü̃. Rü dücax, yexguma noxri petanüwa chayexmagu rü tama choxü̃ pexo, rü ngẽmaca̱x chanaxwa̱xe i ñu̱xma rü ta chauga pexĩnüe.

Gálatas 4:12 Referans Kwoze

2 Corintios 2:5

Rü yema yatü ga choxü̃ ngechaü̃xẽẽxü̃, rü tama choxü̃xicatama nangechaü̃xẽxẽ, natürü pexü̃ rü ta nangechaü̃xẽxẽ i guxãma i pemax. Natürü tama chanaxwa̱xe nax yexerawa chananguxẽẽxü̃ nax pemaxã nüxü̃ chixuxü̃ i ngẽmachiga.

Nüxíraxü̃xü̃ ga popera ga ãẽ̱xgacügüchiga 22:4

Rü yexguma ga nüma ga Acáx rü ãẽ̱xgacü ga Yochapána naca rü ñanagürü: —¿Ẽ̱xna tama choxü̃ íquixümücüchaü̃xü̃ nax yanapuxü̃ca̱x ya yima ĩane ya Ramóx ya Garaáxanewa ngẽxmane? —ñanagürü. Rü nüma ga Yochapáx rü nanangãxü̃ rü ñanagürü: —Choma rü chorü churaragü rü ítamemare nax pexü̃ tarüngü̃xẽẽgüxü̃.

Naanearü ügüchiga 34:15

Natürü ngẽxguma chi guxãma i pema nax piyatüxü̃ rü toxrüxü̃ pixĩgügu rü ípewíü̃cha̱xmüü̃pe̱xechiráü̃gügu rü chi cuxna ngĩxü̃ tamu i toeya̱x.

Gálatas 6:14

Natürü i choma rü chaugü chicua̱xüxü̃ erü nüxü̃́ chayaxõ ya tórü Cori ya Ngechuchu ya Cristu ga curuchagu yucü. Rü ngẽmaca̱xicatama nixĩ i chaugü chicua̱xüüxü̃. Rü ñu̱xma nax Cristu ga curuchagu yucüaxü̃́ chayaxõxü̃, rü marü tama nagu charüxĩnü i ñoma i naane rü norü ngẽmaxü̃gü. Rü ngẽxgumarüxü̃ ta i ñoma i naane rü marü tama choxü̃ nacuáxchaü̃.

Gálatas 2:14

Natürü yexguma nüxü̃ chada̱u̱xgu nax tama Tupanaarü ore i mexü̃ tüxü̃ ngu̱xẽẽxü̃ãcüma namaxẽxü̃ ga yema yatügü, rü guxü̃ ga yaxõgüxü̃pe̱xewa Pedruxü̃ nüxü̃ chaxĩnüxẽxẽ. Rü ñacharügü nüxü̃: “Dücax i cuma nax Yudíuchire̱x quixĩxü̃, rü ngẽma tama Yudíugü ixĩgüxü̃ãcü cumaxü̃. ¿Rü ñuxãcü i ñu̱xma i cunaxwa̱xexü̃ nax Yudíugücümagu naxĩxü̃ i ngẽma duü̃xü̃gü i tama Yudíugü ixĩgüxü̃?” ñacharügü nüxü̃.

2 Corintios 6:13

Rü dücax, Pa Chauenexẽgüx, choma rü ñoma wüxi i papa naxacügüxü̃ ca̱a̱xü̃xü̃rüxü̃ pexü̃ chaca̱a̱xü̃ nax choxü̃ pengechaü̃güxü̃ca̱x ngẽma choma pexü̃ changechaü̃xü̃rüxü̃.

Ngechuchuarü ngúexü̃gü ga yamugüxü̃arü puracüchiga 21:21

Natürü ga togü rü marü namaxã nüxü̃ nixugügü nax cuma rü cunangúexẽẽxü̃ i guxü̃ma i Yudíugü i togü i nachixü̃anewa ngẽxmagüxü̃, nax tama naga naxĩnüexü̃ca̱x i ngẽma mugü ga Moiché ümatüxü̃. Rü marü namaxã nüxü̃ nixugügü nax cunangúexẽẽxü̃ nax tama tüxü̃ ínawiü̃cha̱xmüü̃pe̱xechiraü̃xü̃ca̱x ya nanegü, rü tama naga naxĩnüexü̃ca̱x i tacümagü ga Moiché tüxü̃ muxü̃.

Gálatas 6:18

Pa Chauenexẽgüx, chanaxwa̱xe i tórü Cori ya Ngechuchu ya Cristu pexü̃ narüngü̃xẽxẽ rü pexü̃ nangechaü̃ i guxãma i pemax. Rü ngẽmaãcü yixĩ.

2 Corintios 6:11

Pa Chauenexẽgü Pa Coríntiucüã̱xgüx, ngẽma ore i pemaxã nüxü̃ tixuxü̃ rü aixcüma nixĩ. Rü toma rü aixcüma pexü̃ tangechaü̃gü i torü maxü̃newa.

Gálatas 4:11

Rü ngẽmaca̱x poraãcü chaxoegaãxẽ, erü ngürüãchi natüca̱xmamare tá nixĩ ga yema puracü ga petanüwa chaxüxü̃.

Gálatas 4:13

Rü pema rü marü nüxü̃ pecua̱x rü yexguma noxri pemaxã nüxü̃ chixuxgu ga Tupanaarü ore i mexü̃, rü yema nax chida̱xawexü̃gagu nixĩ ga petanügu charüxã́ũxü̃ rü pemaxã nüxü̃ chixuxü̃ ga Tupanaarü ore.