Gálatas 4:11 - Tupanaarü Ore

¹¹ Rü ngẽmaca̱x poraãcü chaxoegaãxẽ, erü ngürüãchi natüca̱xmamare tá nixĩ ga yema puracü ga petanüwa chaxüxü̃.

Gálatas 4:11 Referans Kwoze

1 Tesalonicenses 3:5

Rü yemaca̱x ga yexguma marü tama yáxna namaxã chaxĩnügu nax tama pechigaxü̃ chacuáxü̃, rü yemaca̱x düxwa Timutéuxü̃ yéma petanüwa chamu nax pexna yacaxü̃ca̱x rü aixcüma yixĩx nax peyaxõgüamaxü̃ i Tupanaarü ore. Yerü chaxoegaãxẽ rü bexmana Chataná rü chixexü̃gu pexü̃ nayixẽxẽ, rü yemaca̱x natüca̱xmamare chi nixĩ ga torü puracü ga petanüwa taxüxü̃.

Gálatas 2:2

Rü yéma chaxũ yerü Tupana choxü̃ nanawe̱x nax nanaxwa̱xexü̃ nax yéma chaxũxü̃. Rü yéma Yerucharéü̃wa, rü yema yaxõgüxü̃arü ãẽ̱xgacügümaxã changutaque̱xe. Rü meama namaxã nüxü̃ chixu nachiga ga yema Tupanaarü ore i mexü̃ ga yema duü̃xü̃gü i tama Yudíugü ixĩgüxü̃maxã nüxü̃ chixuxü̃. Rü yexguma chaxica namaxã chayexmagu ga yema yaxõgüxü̃arü ãẽ̱xgacügü ga yexera nüxü̃ rücua̱xmaegüxü̃ rü meama namaxã nüxü̃ chixu ga chorü ngu̱xẽẽtaechiga, yerü tama chanaxwa̱xe nax nagu naxĩnüexü̃ nax natüca̱xmamare yixĩxü̃ i ngẽma puracü i chaxüxü̃.

Norü taxre ga popera ga Cuáü̃ ümatüxü̃ 1:8

¡Pexũãẽgü nax taxúema pexü̃ womüxẽxẽgüxü̃ca̱x nax tama natüca̱xma yixĩxü̃ca̱x i torü puracü i petanüwa taxüxü̃! Rü name nixĩ i peyaxõgüama nax penayaugüxü̃ca̱x i ngẽma ãmare ya Tupana pexna ãxchaü̃xü̃.

Gálatas 4:20

Rü chierü petanüwa changexmagu i ñu̱xma nax mea pemaxã chidexaxü̃ca̱x. Erü ñu̱xma nax pexna chayáxü̃guxü̃ rü tama nüxü̃ chacua̱x nax ñuxãcü tá pexü̃ charüngü̃xẽxẽxü̃.

1 Corintios 15:58

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.

Ngechuchuarü ngúexü̃gü ga yamugüxü̃arü puracüchiga 16:6

Rü Áchiaanewa naxĩxchaü̃ nax yéma nüxü̃ yaxugüxü̃ca̱x ga ore i mexü̃. Natürü Tupanaãxẽ ya Üünecü rü nüxna nanachu̱xu ga yema. Rü yemaca̱x Fríquiaanewa rü Gárataanewaama nachopetü.

Ichaía 49:4

Natürü ga choma rü nagu charüxĩnü rü chaugümaxã ñachagürü: —Natüca̱xmamare poraãcü chapuracü rü chipa, rü taxuxü̃ma i chorü natanüxü̃ chadau —chaugümaxã ñachagürü. Natürü guxü̃ma i ngẽma chaxüxü̃ rü Tupaname̱xẽwa nangẽxma, rü norü poramaxã chanaxü. Rü ngẽma chorü natanü rü nüma rü marü ínanamexẽxẽ.

Gálatas 4:10

Rü dücax i pemax, rü ñu̱xma rü ta rü ngẽma nũxcümaü̃güxü̃ i Yudíugücümagu pexĩãma woo Cristuaxü̃́ nax peyaxõgüxü̃. Rü penaxaure i ñuxre i ngunexü̃gü rü ñuxre ya tauemacügü rü ñuxre ya taunecügü rü ñuxre i petagü, erü nagu perüxĩnüe nax ngẽmaãcü Tupanape̱xewa tá pimexü̃.

Gálatas 4:12

Pa Chauenexẽgüx, pexü̃ chaca̱xaxü̃ nax chauxrüxü̃ tama nagu pexĩxü̃ i ngẽma nacümagü i chixexü̃. Rü ngẽxgumarüxü̃ nax pema nüxü̃ perüxoexü̃ i pecümagü i chixexü̃, rü choma rü ta nüxü̃ charüxo nax ngẽma Yudíugüarü mugügu chixũxü̃. Rü dücax, yexguma noxri petanüwa chayexmagu rü tama choxü̃ pexo, rü ngẽmaca̱x chanaxwa̱xe i ñu̱xma rü ta chauga pexĩnüe.