Gálatas 3:7 - Tupanaarü Ore

⁷ Rü ngẽmawa nüxü̃ pecua̱x rü ngẽma duü̃xü̃gü i Tupanaaxü̃́ yaxõgüxü̃ nixĩ i aixcüma Abraáü̃tanüxü̃ ixĩgüxü̃ i Tupanape̱xewa.

Gálatas 3:7 Referans Kwoze

Gálatas 3:9

Rü ngẽmaca̱x i ñu̱xma rü Tupana nüxü̃ nixu nax nape̱xewa namexü̃ i guxü̃ma i duü̃xü̃gü i yaxõgüxü̃, yexgumarüxü̃ ga Abraáü̃ rü norü õgagu Tupanape̱xewa namexü̃.

Romanos 4:24

Natürü guxãma i yixema nax yaxõgüxü̃chiga ta nixĩ i ngẽma ore. Erü Tupana rü tórü õgagu tüxü̃ nade nax nape̱xewa imexü̃ i yixema i nüxü̃́ nax yaxõgüxü̃ ya yimá yuwa tórü Cori ya Ngechuchuxü̃ írüdaxẽẽcü.

Wiyaegü 100:3

¡Rü nüxna pecua̱xãchie nax nüma ya Cori rü Tupana yixĩxü̃! Rü nüma nixĩ i tüxü̃ nango̱xẽẽxü̃ rü tama yigütama tango̱xẽxẽ. Rü norü duü̃xü̃gü tixĩgü, ñoma carnérugü i norü yoraarü nachitaxü̃wa ngẽxmagüxü̃rüxü̃.

Ore i mexü̃ ga Cuáü̃ ümatüxü̃ 8:39

Rü nümagü rü Ngechuchuxü̃ nangãxü̃ rü ñanagürügü: —Torü o̱xi nixĩ ga Abráü̃ —ñanagürügü. Natürü Ngechuchu nanangãxü̃ rü ñanagürü nüxü̃: —Ngẽxguma chi aixcüma Abraáü̃taxa pixĩgügu rü chi Abráü̃ üxü̃rüxü̃ penaxü.

Ore i mexü̃ ga Luca ümatüxü̃ 19:9

Rü Ngechuchu rü ñanagürü nüxü̃: —Ñoma i ngunexü̃gu cupatawa nangu i maxü̃ i taguma gúxü̃, erü cuma rü ta rü Abraáü̃rüxü̃ cuyaxõ.

Ore i mexü̃ ga Luca ümatüxü̃ 21:31

Rü ngẽxgumarüxü̃ ta i ngẽxguma nüxü̃ peda̱u̱xgu nax nangupetüxü̃ i ngẽma pemaxã nüxü̃ chixuxü̃, rü ngẽmawa tá nüxü̃ pecua̱x nax paxa tá ínanguxü̃ ya Tupana nax ãẽ̱xgacü yixĩxü̃ca̱x.

Popera ga Yudíugü ga yaxõgüxü̃ca̱x ümatüxü̃ 13:23

Rü chanaxwa̱xe nax nüxü̃ pecuáxü̃ rü taenexẽ ya Timutéu rü marü ínanguxuchi ga nax napoxcuxü̃. Rü ngẽxguma tá paxa nua chauxü̃tawa nanguxgu, rü tá ngéma petanüwa chanaga i ngẽxguma pexü̃ íchayada̱u̱xgu.

Gálatas 6:16

Rü Tupanana naxca̱x chaca nax pexü̃ nataãẽxẽẽgüxü̃ca̱x rü nüxü̃́ pengechaü̃tümüxü̃güxü̃ca̱x i guxãma i pema i aixcüma yanguxẽẽgüxe i ngẽma pemaxã nüxü̃ chixuxü̃, rü guxãma ya yíxema aixcüma Tupanaarü duü̃xü̃gü ixĩgüxe.