Gálatas 3:5 - Tupanaarü Ore

⁵ Rü yexguma Tupana pexna namuxgu ga Naãxẽ ya Üünexü̃, rü petanüwa naxüãgu ga taxü̃ ga mexü̃gü ga norü poramaxã naxüxü̃, ¿rü ta̱xacügagu nixĩ ga naxüaxü̃ ga yema? ¿Pexca̱x rü mugü nax pingu̱xẽẽxü̃gagu yixĩxü̃ ga Tupana naxüxü̃ ga yema? Tama yemagagu nixĩ. Tupana rü petanüwa nanaxü ga yema taxü̃ ga mexü̃gü yerü nüxü̃́ peyaxõgü ga norü ore ga nüxü̃ pexĩnüexü̃.

Gálatas 3:5 Referans Kwoze

Gálatas 3:2

Rü ñu̱xma rü pexna chaca, rü chanaxwa̱xe nax choxü̃ pengaxü̃xü̃. ¿Ẽ̱xna yema mugü nax pingu̱xẽxẽgüxü̃gagu yixĩxü̃ ga penayaxuxü̃ ga Tupanaãxẽ ya Üünecü, rü ẽ̱xna ngẽma ore i mexü̃ ga nüxü̃ pexĩnüexü̃ rü pixõgüxü̃gagu yixĩxü̃ ga penayaxuxü̃?

2 Corintios 13:3

Rü pema rü ñu̱xma nax naxca̱x pedaugüxü̃ i wüxi i cua̱xruxü̃ nax nüxü̃ pecuáxü̃ca̱x rü aixcüma Cristu chowa idexaxü̃, rü nüma ya Cristu rü taxũtáma nüxü̃ naxüpetümare i perü chixexü̃. Rü petanüwa tá nanango̱xẽxẽ i norü pora.

Ngechuchuarü ngúexü̃gü ga yamugüxü̃arü puracüchiga 14:3

Natürü muxü̃ma ga ngunexü̃ yexma narüchooma ga Pauru rü Bernabé. Rü Corina nayoü̃ãcüma rü tama namuü̃eãcüma duü̃xü̃gümaxã nüxü̃ nixugüeama ga Cori ya Tupanaarü ore ga norü ngechaxü̃chiga. Rü nüma ga Cori rü namaxã nataãẽxü̃ ga yema ore ga Pauru rü Bernabé nüxü̃ ixugüexü̃, rü yemaca̱x nüxna nanaxã ga pora nax naxügüã̱xü̃ca̱x ga cua̱xruü̃gü rü mexü̃gü ga Tupanaarü poramaxã naxügüxü̃.

2 Corintios 12:12

Rü yexguma petanüwa chayexmagu, rü yáxna pemaxã chaxĩnüãcüma pexü̃ nüxü̃ chadauxẽxẽ nax aixcüma Cristu choxü̃ muxü̃ nax nüxü̃ chixuxü̃ca̱x ga norü ore. Rü cua̱xruü̃gümaxã rü mexü̃gü ga Tupanaarü poramaxã üxü̃ pexü̃ nüxü̃ chacua̱xẽxẽ nax aixcüma Cristu choxü̃ muxü̃.

2 Corintios 10:4

Erü ngẽma toxne i namaxã ítanapoxü̃xü̃ i Tupanaarü ore rü tama ñoma i naanecüã̱x namaxã ãxnexü̃ nixĩ. Erü toma rü toxü̃́ nangẽxma i Tupanaarü pora nax ngẽmamaxã itayanaxoxẽẽxü̃ca̱x i Chatanáarü pora rü itayanaxoxẽẽxü̃ca̱x i guxü̃ma i ngẽma ore i duü̃xü̃güaxü̃́ naguxchaxẽẽxü̃ nax tama Tupanaaxü̃́ yaxõgüãxü̃ca̱x. Rü guxü̃ma i ta̱xacü i nagu naxĩnüexü̃ i ngẽma duü̃xü̃gü i chixexü̃, rü Cristuna tanaxuaxü̃ nax nüma namaxã inacuáxü̃ca̱x.

2 Corintios 3:8

Natürü yema Moichéarü mugüarü yexera narümemaexü̃chi i ngẽma Tupanaarü uneta i ngexwaca̱xü̃xü̃ i Naãxẽ ya Üünexü̃ tamaxã nüxü̃ ixuxü̃.

1 Corintios 12:10

Rü toguxe rü tüxna nanaxã i pora nax itanawéxü̃ca̱x i cua̱xruü̃gü i Tupanaarü poramaxã üxü̃. Rü toguxe rü tüxü̃́ nanatauxchaxẽxẽ nax nüxü̃ tixuxü̃ca̱x i Tupanaarü ore. Rü toguxe rü tüxna nanaxã i cua̱x nax nüxü̃ tacuáxü̃ca̱x i ta̱xacü yixĩxü̃ i ngo̱xogüarü ixĩxü̃ rü ta̱xacü yixĩxü̃ i Tupanaãxẽ i Üünexü̃arü ixĩxü̃. Rü toguxe rü tüxna nanaxã i tauxcha nax ngẽma tama nüxü̃ tacuáxü̃ i nagawa tidexaxü̃ca̱x. Rü toguxe rü tüxna nanaxã i cua̱x nax tanango̱xẽẽxü̃ca̱x nax ta̱xacüchiga yixĩxü̃ nax tidexaxü̃ ya yíxema to i nagawa idexaxe.

Romanos 10:17

Dücax, rü ngẽma orexü̃ nax ixĩnüxü̃gagu nixĩ i yaxõxü̃. Rü ngẽma ore rü Cristuarü ore nixĩ.

2 Corintios 9:10

Tupana nixĩ ya tüxna naxãcü ya nanetüchire nax inatoxü̃ca̱x, rü tüxna naxãcü i õna nax nangṍxü̃ca̱x. Rü nüma tá nixĩ i pexna naxããxü̃ ya guxü̃nema ya nanetüchire ya penaxwa̱xene nax ipenatoxü̃ca̱x. Rü nüma tá nanaxüxẽxẽ rü nanayaxẽxẽ ya ngẽma nanetüchire. Rü tá nanamuxẽxẽ i norü o, nax muxũchixü̃ nawa peyaxuxü̃ca̱x nax ngẽmamaxã togüxü̃ perüngü̃xẽẽgüxü̃ca̱x.