Gálatas 3:21 - Tupanaarü Ore

²¹ ¿Rü ñuxũ ñapegüxü̃ i ñu̱xmax? ¿Pexca̱x ẽ̱xna rü yema Moiché ümatüxü̃ ga mugü rü inayanaxoxẽxẽ i Tupanaarü unetagü? Rü dücax, tama ngẽmaãcü nixĩ. Yerü yexguma chi naporagu ga yema mugü nax tüxna naxããxü̃ i maxü̃ i taguma gúxü̃, rü chi Tupanape̱xewa time i ngẽxguma meama yanguxẽẽgu i ngẽma mugü.

Gálatas 3:21 Referans Kwoze

Gálatas 2:21

Rü tama nüxü̃ chaxoxchaü̃ i Tupanaarü ngechaü̃. Rü yexguma chi yema mugügu ixĩxü̃gagu Tupanape̱xewa imexgu, rü natüca̱xmamare chi nixĩ nax nayuxü̃ ga Cristu.

Romanos 9:31

Natürü yema Iraétanüxü̃ ga nagu ĩxü̃ ga yema Moichéarü mugü nax Tupanape̱xewa yamexü̃ca̱x, rü tama aixcüma nape̱xewa nayamexẽxẽ ga norü maxü̃.

Gálatas 2:19

Yerü yexguma yema mugüwa changu̱xgu, rü düxwa nüxü̃ chicua̱xãchi nax tama yanguxü̃ ga yema mugü nax choxü̃ namexẽẽxü̃ Tupanape̱xewa. Rü ngẽmaca̱x i ñu̱xma rü Cristuaxü̃́ chayaxõ nax Tupanape̱xewa chamexü̃ca̱x rü naxca̱xicatama chamaxü̃xü̃ca̱x. Rü Cristu rü curuchagu nayu nax iyanaxoxü̃ca̱x ga nũxcümaü̃xü̃ ga chorü maxü̃ ga choxü̃́ yexmaxü̃ ga yexguma yema mugügu chixũxgu.

Gálatas 2:17

Rü ñu̱xma i yixema rü Cristuaxü̃́ tayaxõgü, rü ngẽmaca̱x nixĩ i Tupanape̱xewa imexü̃. Natürü ngẽxguma chi wüxi i ngunexü̃gu rü yixema nagu rüxĩnüegu rü Cristugagu nüxna taxĩgachi i ngẽma mugü rü ngẽmaca̱x tipecaduã̱xgü, rü ngürüãchi tá nagu tarüxĩnüe nax Cristu tüxü̃ pecaduã̱xẽẽxü̃. Natürü tama ngẽmaãcü nixĩ, erü Cristu rü tagutáma texéxü̃ napecaduã̱xẽxẽ.

Romanos 3:31

Rü ñu̱xma nax Cristuaxü̃́ yaxõgüxü̃, rü bexmana nagu perüxĩnüe nax taxuwama namexü̃ i ngẽma mugü ga Moiché ümatüxü̃. Natürü tama ngẽmaãcü nixĩ. Erü ñu̱xma nax Cristuaxü̃́ yaxõgüxü̃ rü aixcüma tayanguxẽxẽ i ngẽma mugü.

Romanos 3:4

Rü tama ngẽmaãcü nixĩ. Erü woo guxü̃ i duü̃xü̃gü rü yadorata̱a̱xgügu, natürü Tupana rü taguma nidora rü guxü̃guma nayanguxẽxẽ i ngẽma nüma tamaxã inaxunetaxü̃. Rü yemaca̱x norü ore ga Dabí ümatüxü̃wa rü ñanagürü: “Cumax, Pa Tupanax, rü aixcüma nixĩ i curü ore i nüxü̃ quixuxü̃. Rü ngẽxguma cuxü̃ tangugügu rü nüxü̃ tadaugü nax aixcüma cuyanguxẽẽxü̃ i ngẽma nüxü̃ quixuxü̃”, ñanagürü.

Romanos 3:6

Natürü ngẽma ñaxü̃gu nax naxĩnüexü̃ i duü̃xü̃gü rü poraãcü ínatüe, erü tama ngẽmaãcü nixĩ. Erü ngẽxguma chi tama yaxaixcümagu ya Tupana, ¿rü ñuxãcü chi i duü̃xü̃güna yacagüxü̃ i naanearü gu̱xgu?

Popera ga Yudíugü ga yaxõgüxü̃ca̱x ümatüxü̃ 11:7

Rü yexguma Noémaxã yadexaxgu ga Tupana, rü nüma ga Noé rü nayaxõ rü naga naxĩnü. Rü Tupana rü namaxã nüxü̃ nixu rü tá ínanguxü̃ ga mucü ga taxüchicü ga taguma duü̃xü̃gü nüxü̃ daucü rü tá guxü̃wama inanguanexẽẽcü. Rü Tupana namaxã nüxü̃ nixu nax naxüaxü̃ca̱x ga wüxi ga wapuru ga taxü̃ne nax tama nayuexü̃ca̱x ga nüma rü naxma̱x rü nanegü rü naneã̱xgü. Rü Tupanaga naxĩnü ga Noé, rü nanaxü ga gumá wapuru, rü yemaacü tama nayue ga nüma rü napatacüã̱x yerü Tupanaaxü̃́ nayaxõ. Natürü yema togü ga duü̃xü̃gü rü tama Noérüxü̃ nayaxõgü, rü yemaca̱x Tupana nanapoxcue. Rü nüma ga Tupana rü Noéxü̃ nixu nax nape̱xewa namexü̃, yerü nüxü̃́ nayaxõ.

Ore i mexü̃ ga Luca ümatüxü̃ 20:16

Rü ngéma tá naxũ rü tá nanadai i ngẽma puracütanüxü̃, rü togüna tá nanaxã i norü naane —ñanagürü ga Ngechuchu. Rü yexguma yemaxü̃ naxĩnüegu ga duü̃xü̃gü rü ñanagürügü: —Chierüx Tupana toxü̃ ípoxü̃ nax tama toxü̃ naxüpetüxü̃ca̱x i ngẽma —ñanagürügü.

2 Corintios 3:7

Rü yema Moichéarü mugü ga yuwa tüxü̃ gaxü̃, rü nutagu nixĩ ga naxümatüxü̃. Rü yexguma Moiché nayaxugu ga yema mugü, rü poraãcü niya̱xaurachiwecüxü. Rü yemaca̱x ga yema Iraétanüxü̃ rü taxucürüwama Moichéchiwegu narüdaunü yerü yema norü ya̱u̱xrachiwe rü naporaxüchi woo nixochigü.

Gálatas 6:14

Natürü i choma rü chaugü chicua̱xüxü̃ erü nüxü̃́ chayaxõ ya tórü Cori ya Ngechuchu ya Cristu ga curuchagu yucü. Rü ngẽmaca̱xicatama nixĩ i chaugü chicua̱xüüxü̃. Rü ñu̱xma nax Cristu ga curuchagu yucüaxü̃́ chayaxõxü̃, rü marü tama nagu charüxĩnü i ñoma i naane rü norü ngẽmaxü̃gü. Rü ngẽxgumarüxü̃ ta i ñoma i naane rü marü tama choxü̃ nacuáxchaü̃.

Popera ga Yudíugü ga yaxõgüxü̃ca̱x ümatüxü̃ 7:18

Rü yemaca̱x ga yema nüxíraxü̃xü̃ ga mugü ga Moiché ümatüxü̃ rü narüxo, yerü natura rü taxuwama name, yerü tama aixcüma Tupanape̱xewa tüxü̃ nimexẽẽgü. Rü ñu̱xma rü yema mugüchicüxü tüxü̃́ nangẽxma i wüxi i ngü̃xẽxẽ i yexera mexü̃ i tüxü̃́ natauxchaxẽẽxü̃ nax Tupanaxü̃tawa ingugüxü̃.