Gálatas 3:19 - Tupanaarü Ore

¹⁹ Rü ñu̱xma rü ¿ta̱xacüwa namexü̃ i ngẽma mugü ga Moiché ümatüxü̃? Rü dücax, Tupana rü marü Abraáü̃maxã inaxunetaguwena nixĩ ga inaxããxü̃ ga yema mugü, nax yemaacü duü̃xü̃güxü̃ nüxü̃ nadauxẽẽxü̃ca̱x ga norü pecadugü. Rü yemaacü nixĩ ñu̱xmata ínangu ga gumá Abraáü̃taxa ya Cristu. Rü gumáchiga nixĩ ga Abraáü̃maxã inaxunetaxü̃ ga Tupana ga noxrix. Rü yema mugü, rü Tupana rü norü orearü ngeruü̃gü ga daxũcüã̱xmaxãxíra nüxü̃ nixu. Rü yemagü nixĩ ga nüxĩ́ Moichémaxã nüxü̃ ixugüxü̃, rü nüma ga Moiché rü duü̃xü̃gümaxã nüxü̃ nixu.

Gálatas 3:19 Referans Kwoze

Ngechuchuarü ngúexü̃gü ga yamugüxü̃arü puracüchiga 7:53

Rü pema rü Tupanaarü orearü ngeruü̃gü ga daxũcüã̱xü̃tawa penayaxu ga Tupanaarü mugü, natürü tama naga pexĩnüe —ñanagürü ga Estébaü̃.

Popera ga Yudíugü ga yaxõgüxü̃ca̱x ümatüxü̃ 2:2

Rü yexguma tauta Nane ya Cristuxü̃ núma namuxgu ga Tupana, rü norü orearü ngeruü̃gü ga daxũcüã̱xgüwa duü̃xü̃gümaxã nüxü̃ nixu ga norü mugü nax naga naxĩnüexü̃ca̱x. Rü yema mugü rü aixcüma napora yerü guxü̃ma ga yema tama naga ĩnüexü̃, rü yema mugü nüxü̃ ixuxü̃ãcüma Tupana nanapoxcue.

Gálatas 3:16

Rü dücax, rü yexgumarüü̃tama nixĩ ga nangupetüxü̃ ga yexguma Tupana rü Abraáü̃maxã rü Abraáü̃taamaxã inaxunetagu. Rü Tupanaarü ore i ümatüxü̃wa rü tama “Abraáü̃taagü”, ñanagürü, yerü tama muxü̃ma ga duü̃xü̃güchiga nidexa. Natürü yema ore rü “Abraáü̃taxa”, ñanagürümare, yerü wüxitama ga duü̃xü̃chiga nixĩ ga yadexaxü̃. Rü yema rü Cristuchiga nixĩ.

Romanos 4:15

Nüxü̃ tacua̱x rü ngẽma mugü ga Moiché ümatüxü̃ rü poxcuwa tüxü̃ naga erü taxúema aixcüma mea tayanguxẽxẽ. Natürü yexguma chi nataxuxguma ga yema mugü rü tataxuchima nax texé chixri yanguxẽẽxü̃.

Romanos 2:13

Erü tama Tupanape̱xewa nime i ngẽma duü̃xü̃gü i nüxü̃ ĩnüemarexü̃ natürü tama nagu maxẽxü̃ i norü mugü. Natürü ngẽma duü̃xü̃gü i Tupanaarü mugüga ĩnüexü̃ nixĩ i aixcüma Tupanape̱xewa imexü̃.

Ngechuchuarü ngúexü̃gü ga yamugüxü̃arü puracüchiga 7:38

Rü nümatama ga Moiché nixĩ ga nũxcümaü̃güxü̃ ga tórü o̱xigümaxã nangutaque̱xexü̃ ga yema chianexü̃wa. Rü tórü o̱xigümaxã nayexma ga Chinaí ga ma̱xpǘnewa ga yexguma namaxã yadexaxgu ga Tupanaarü orearü ngeruxü̃ ga daxũcüã̱x. Rü nümatama ga Moiché nixĩ ga naya̱u̱xãxü̃ ga Tupanaarü ore i maxẽxẽẽruxü̃ nax nüxĩ́ tüxna naxããxü̃ca̱x.

Ore i mexü̃ ga Cuáü̃ ümatüxü̃ 15:22

Rü ngẽxguma chi choma tama namaxã chanango̱xẽẽgu nax chixri namaxẽxü̃, rü taxũchima nüxü̃ nacua̱xgü ga pecadu nax naxügüxü̃. Natürü ñu̱xma namaxã nüxü̃ nax chixuxü̃ nax chixri namaxẽxü̃, rü ngẽmaca̱x i ñu̱xma rü taxuacüma nüxü̃ nixugü nax yangearü pecaduã́xü̃.

Wenaxarü naxümatü ga Tupanaarü mugü 5:5

Rü yexguma ga choma rü Cori ya Tupanape̱xewa chayexma nax yemaacü pemaxã nüxü̃ chixuxü̃ca̱x ga yema norü ore. Yerü ga pema rü nüxü̃ pemuü̃xe nüxü̃ ga guma üxüema rü yemaca̱x tama nagu pexĩgü ga guma ma̱xpǘne. Rü yexguma ga Cori ya Tupana rü ñanagürü:

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Popera ga Yudíugü ga yaxõgüxü̃ca̱x ümatüxü̃ 2:5

Rü ngẽma naane i tá ínguxü̃ i pemaxã nüxü̃ tixuchigaxü̃, rü Tupana rü taguma daxũcüã̱x ga norü orearü ngeruü̃güna naxãga nax namaxã inacua̱xgüxü̃ca̱x.

Ore i mexü̃ ga Luca ümatüxü̃ 16:31

Natürü Abraáü̃, rü ñanagürü nüxü̃: “Ngẽxguma tama naga naxĩnüegu ga yema ore ga Moiché ümatüxü̃ rü yema ore ga nũxcümaü̃güxü̃ ga Tupanaarü orearü uruü̃gü ümatüxü̃, rü woo chi wüxi i marü yuwa írüdaxü̃ i duü̃xü̃ ngéma ũxgu, rü namaxã nüxü̃ yanaxuxgu i ore, rü taxũchima nüxü̃́ nayaxõgü” —ñanagürü.

Wiyaegü 106:23

Rü nüma ga Tupana rü nüxü̃ nixu rü tá nanadai ga yema duü̃xü̃gü. Natürü ga nüma ga Moiché rü naétüwa nachogüama rü yemaca̱x narüngüxmü ga Tupana rü tama nanadai.

Wenaxarü naxümatü ga Tupanaarü mugü 33:2

—Cori ya Tupana rü ma̱xpǘne i Chinaíwa ne naxũ. Rü yexguma máxpü̱xanexü̃ i Cheíwa tachopetügu rü tüxü̃ nibáixmaxü̃. Rü yema norü nangóonexü̃ rü máxpüxanexü̃ i Paráü̃wa nanguema, rü ñu̱xmata Meribá-cadéwa nangu. Rü norü tügüneme̱xẽgu nayange i norü mugü i ya̱u̱xracüüxü̃. Rü 10,000 i dauxü̃cüã̱x i norü duü̃xü̃gümaxã ngéma ne naxũ.

Lebítanüxü̃arü puracüchiga 15:32

Rü ngẽmagü nixĩ i ucu̱xẽgü naxca̱x i ngẽma yatügü i naxpe̱xechiraü̃wa ida̱xaweexü̃, rü ngẽma yatügü i ibamügüxü̃ rü ngẽmagagu chope̱xewa ãũãchigüxü̃. Rü ngẽma nixĩ i ucu̱xẽgü naxca̱x i ngexü̃gü i norü da̱xawe nüxna ngugüxü̃, rü ngẽma yatü i ngĩmaxã maxü̃xü̃ i wüxi i nge i ngẽxguma ngĩrü da̱xawewa nangẽxmayane.