Gálatas 3:17 - Tupanaarü Ore

¹⁷ Rü ngẽmaãcü pemaxã chanango̱xẽxẽ nax Tupana rü Abraáü̃maxã namexẽẽãxü̃ rü namaxã inaxunetaxü̃ nax Cristugagu tá yixĩxü̃ i duü̃xü̃güxü̃ nangü̃xẽẽxü̃. Rü ngẽmaca̱x i ñu̱xma rü yema Moiché ümatüxü̃ ga mugü ga 430 ga taunecü yema unetawena ínguxü̃, rü taxucürüwama inayanaxoxẽxẽ ga yema Tupanaarü uneta ga Abraáü̃maxã nüxü̃ yaxuxü̃.

Gálatas 3:17 Referans Kwoze

Naanearü ügüchiga 15:13

Rü yexguma ga Cori ya Tupana rü ñanagürü nüxü̃: —Cumaxã nüxü̃ chixu rü ngẽma cutaagü rü to i nachixü̃anewa tá namaxẽ. Rü ngémacüã̱xgü rü tá norü puracütanüxü̃ nayaxĩgüxẽxẽ. Rü ngẽmaãcü tá chixri namaxã nachopetü i 400 ya taunecü.

2 Corintios 1:20

Rü Cristu nixĩ ya yimá yanguxẽẽcü ga guxü̃ma ga yema unetagü ga Tupana nũxcüma nüxü̃ ixuxü̃. Rü ngẽmaca̱x ngẽxguma Tupanaxü̃ icua̱xüü̃gügu, rü Ngechuchuégagu: “Ameü̃”, ñatagürügü.

Romanos 3:3

¿Rü ta̱xacü tá ngupetüxü̃ i ñu̱xmax ega ñuxre i tatanüxü̃ i Yudíugü rü tama mea yanguxẽxẽgüãgu i ngẽma Tupana tüxü̃ muxü̃? ¿Rü pexca̱x rü ngẽmaca̱x taxũtáma yanguxẽẽãxü̃ ya Tupana i ngẽma tamaxã inaxunetaxü̃?

Colosenses 2:4

Rü pemaxã nüxü̃ chixu i ngẽma, erü tama chanaxwa̱xe nax texé pexü̃ womüxẽẽgüxü̃ namaxã i ta̱xacürü ore i chixexü̃wa pexü̃ gagüxü̃.

Gálatas 5:4

Rü pema i nagu rüxĩnüexe nax Tupanape̱xewa pimexü̃ ega nagu pexĩxgu i ngẽma mugü, rü pemaxã nüxü̃ chixu rü marü Cristuna pixĩgachi. Rü ngẽxgumarüxü̃ ta nüxü̃ pexoe i ngẽma ngechaü̃ ga Tupana namaxã pexü̃ ngechaü̃xü̃.

Gálatas 3:15

Pa Chauenexẽgüx, ñu̱xma rü tá pemaxã nüxü̃ chixu i wüxi i cua̱xruxü̃. Rü ngẽxguma wüxi ya yatü rü texémaxã ta̱xacüca̱x inaxunetagu, rü wüxi i poperagu nanaxümatü rü ñu̱xũchi naéga nagu naxümatü, rü ngẽmaãcü taxucürüwa texé itayanaxoxẽxẽ rü ẽ̱xna tanaxüchicüü i ngẽma norü uneta.

1 Corintios 1:17

Yerü nüma ga Cristu rü tama choxü̃ namu nax duü̃xü̃güxü̃ íchabaiü̃xẽẽxü̃ca̱x, natürü choxü̃ namu nax duü̃xü̃gümaxã nüxü̃ chixuxü̃ca̱x i norü ore i mexü̃. Rü nanaxwa̱xe i tauxchaxü̃ i oremaxã nüxü̃ chixu i ngẽma ore. Erü ngẽxguma chi ñoma nüxü̃ cua̱xüchixü̃rüxü̃ nüxü̃ chixuxgu i ngẽma ore, rü ngürüãchi i duü̃xü̃gü rü tá chauguama narüxĩnüe rü tá nüxü̃ inayarüngümae nax Cristu yixĩxü̃ ga tüxü̃ maxẽxẽẽcü ga yexguma curuchagu nayu̱xgux.

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Ichaía 14:27

Rü nüma ya Cori ya Tupana ya Guxãétüwa Ngẽxmacü rü aixcüma tá nayanguxẽxẽ i ngẽma naxüxchaü̃xü̃. Rü taxúetama texé tá nüxna tachogü nax tama naxüaxü̃ca̱x i ngẽma naxüxchaü̃xü̃.

Nüxíraxü̃xü̃ ga popera ga Pedru ümatüxü̃ 1:20

Rü nüma ga Tupana rü woetama nũxcümaxü̃chima tauta naane ixügügu, rü marü Cristuxü̃ naxuneta nax pexca̱x nayuxü̃ca̱x. Natürü ñomaü̃cüü nixĩ ga nangóxü̃ ga gumá Cristu nax pexü̃ nangü̃xẽẽxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:13

Natürü nümagü ga Abráü̃ rü Ichaá rü Acóbu rü nayue, rü tama nüxü̃ nadaugü ga guxü̃ma ga yema Tupana namaxã ixunetaxü̃. Natürü Tupanaaxü̃́ nayaxõgü, rü yemaca̱x yáxü̃wama nüxü̃ nadau nax Tupana yanguxẽẽxü̃ ga yema norü uneta. Rü yemaca̱x nataãẽgü woo nüxü̃ nacua̱xgü nax ñoma to i nachixü̃anecüã̱xrüxü̃ paxaãchimare ñoma ga naanewa nayexmagüxü̃.

Popera ga Yudíugü ga yaxõgüxü̃ca̱x ümatüxü̃ 7:18

Rü yemaca̱x ga yema nüxíraxü̃xü̃ ga mugü ga Moiché ümatüxü̃ rü narüxo, yerü natura rü taxuwama name, yerü tama aixcüma Tupanape̱xewa tüxü̃ nimexẽẽgü. Rü ñu̱xma rü yema mugüchicüxü tüxü̃́ nangẽxma i wüxi i ngü̃xẽxẽ i yexera mexü̃ i tüxü̃́ natauxchaxẽẽxü̃ nax Tupanaxü̃tawa ingugüxü̃.

Efesios 4:17

Rü ñu̱xma rü Cristuégagu pexü̃ chaxucu̱xẽ nax tama nagu pexĩxamaxü̃ca̱x i ngẽma nacümagü i ngẽma duü̃xü̃gü i tama Tupanaxü̃ cua̱xgüxü̃ i naechitamare maxẽxü̃.

Gálatas 3:21

¿Rü ñuxũ ñapegüxü̃ i ñu̱xmax? ¿Pexca̱x ẽ̱xna rü yema Moiché ümatüxü̃ ga mugü rü inayanaxoxẽxẽ i Tupanaarü unetagü? Rü dücax, tama ngẽmaãcü nixĩ. Yerü yexguma chi naporagu ga yema mugü nax tüxna naxããxü̃ i maxü̃ i taguma gúxü̃, rü chi Tupanape̱xewa time i ngẽxguma meama yanguxẽẽgu i ngẽma mugü.

2 Corintios 9:6

¡Rü nüxna pecua̱xãchie i ngẽma dexa i ñaxü̃: “Rü yíxema noxretama i nanetüchire itoxe, rü noxretama i norü o tayaxu. Natürü yíxema muxü̃ i nanetüchire itoxe, rü muxü̃ma i norü o tayaxu”, ñaxü̃!

1 Corintios 10:19

Rü ñu̱xma nax ngẽma ñachaxü̃, rü tama chanaxwa̱xe i nagu perüxĩnüe nax ta̱xacüwa namexü̃ i ngẽma tupananetachicüna̱xãgü rü ta̱xacüwa namexü̃ i ngẽma namachi i tupananetachicüna̱xãgüca̱x daixü̃.

1 Corintios 7:29

Pa Chauenexẽgüx, pemaxã nüxü̃ chixu rü tama muxü̃ i ngunexü̃ tüxü̃́ nangẽxma nax naxüxü̃ca̱x i Tupanaarü puracü. Rü ngẽmaca̱x ya yíxema ixãma̱xgüxe rü name nixĩ i mea tanaxügü i Tupanaarü puracü ñoma tangema̱xgüxü̃rüxü̃.

1 Corintios 1:12

Rü pemaxã nüxü̃ chixu i ngẽma erü ñuxre i pema rü ñaperügügü: “Choma rü Pauruwe charüxũ”, ñaperügügü. Rü togue rü: “Choma rü Apóruwe charüxũ”, ñaperügügü. Rü togue rü: “Choma rü Pedruwe charüxũ”, ñaperügügü. Rü togue rü: “Choma rü Cristuwe charüxũ”, ñaperügügü.

Romanos 3:25

Rü Tupana nanamu ga Cristu nax nayuxü̃ca̱x rü yemaacü tórü pecadu naxütanüxü̃ca̱x. Rü ngẽxguma Cristuaxü̃́ yaxõgügu rü Tupana tüxü̃́ nüxü̃ narüngüma i tórü pecadugü. Rü ngẽmaãcü Tupana tüxü̃ nüxü̃ nadauxẽxẽ nax Cristugagu yixĩxü̃ i tüxü̃ yamexẽẽgüxü̃. Rü nüma ya Tupana rü tüxü̃́ nüxü̃ narüngüma ga tórü pecadugü ga ü̃pa ixügüxü̃ yerü yáxna tamaxã naxĩnü. Rü ñu̱xma rü tüxü̃ nanawéxchaü̃ nax Cristugagu yixĩxü̃ nax tüxü̃ yamexẽẽgüxü̃ nax nape̱xewa imexü̃ca̱x. Nüma rü aixcüma mecü nixĩ rü tüxü̃ nimexẽẽgü ya guxãma ya yíxema Ngechuchuaxü̃́ yaxõgüxe.

Ngechuchuarü ngúexü̃gü ga yamugüxü̃arü puracüchiga 7:6

Rü Abraáü̃xü̃ ñanagürü ga Tupana: “Ngẽma cutaagü rü to i nachixü̃ane i tama noxrü ixĩxü̃wa tá nangẽxmagü. Rü ngẽma nachixü̃anecüã̱x i duü̃xü̃gü rü norü mugüruxü̃ tá nayaxĩgüxẽxẽ. Rü ngẽma nachixü̃anecüã̱x rü 400 ya taunecü tá chixri namaxã inacua̱x i cutaagü.

Ichaía 28:18

Rü ngẽxguma pexca̱x tá ínangugügu i perü uanüarü churaragü i ãũcümaxü̃, rü tá pexü̃ narüporamaegü. Rü ngẽxma tá narüxomare i ngẽma perü uneta i Equítuanemaxã pexüxü̃ rü perü uanü tá pexü̃ nadai.

Wiyaegü 33:10

Rü nüma ya Cori ya Tupana rü nagu nayanaxoxẽxẽ i ngẽma nagu naxĩnüexü̃ i ngẽma duü̃xü̃gü i tama nüxü̃́ yaxõgüxü̃.

Yox 40:8

¿Ẽ̱xna chomaxã nagu curüxĩnü nax choma rü wüxi i dorata̱xáxü̃ chixĩxü̃ rü chaugagu yixĩxü̃ nax guxchaxü̃ cuxca̱x ínguxü̃ nax ngẽmaãcü i cuma rü cugü quixuxü̃ca̱x nax taxuxü̃ma i chixexü̃ cuxüxü̃?

Iraétanüxü̃arü muxchiga 30:8

Natürü ngẽxguma ngĩte nüxü̃ cua̱xgu rü tama nanaxwa̱xegu nax yanguxẽẽãxü̃ i ngẽma ngĩrü uneta rüe̱xna ngẽma ngĩrü üga, rü ngẽxguma i ngĩma i ngẽma nge rü marü taxũtáma yanguxẽxẽ i ngẽma ngĩrü uneta rüe̱xna ngẽma ngĩrü üga, rü nüma ya Cori ya Tupana rü taxũtáma ngĩxü̃ nanaxwa̱xe nax yangu̱xẽẽãxü̃.

Iraétanüxü̃arü muxchiga 23:19

Rü Tupana rü tama duü̃xü̃gü nagu rüxĩnüxü̃gu narüxĩnü, rü taguma nidora rü taguma nanaxüchicüxü i norü ĩnü. Rü ngẽxguma ta̱xacüxü̃ yaxuxgu rü aixcümama nanaxü. Rü ngẽxguma ta̱xacüca̱x inaxunetagu rü aixcümama nayanguxẽxẽ.

Naanearü ügüchiga 17:19

Rü Tupana nanangãxü̃ rü ñanagürü nüxü̃: —Pa Abraáü̃x, aixcüma nixĩ i ngẽma cumaxã nüxü̃ chixuxü̃, rü cuxma̱x i Chára rü tá cuxü̃́ ixãxacü. Rü cuma rü Ichaágu tá cunaxüéga. Rü yimáwa tá ningu ga yema cumaxã nüxü̃ chixuxü̃, rü ngẽmaãcü tá guxü̃gutáma nüxü̃ curüngü̃xẽxẽ i nataagü.

Naanearü ügüchiga 15:18

Tupana rü yematama ngunexü̃gu Abráü̃maxã inaxuneta rü ñanagürü nüxü̃: —Choma tá cutaagüna chanaxã i guxü̃ma i ñaa naane i Equítuanearü natüwa inaxügü rü ñu̱xmatáta ngẽma natü i Eufrátewa nangu.

Gálatas 5:16

Rü ñu̱xma rü pemaxã nüxü̃ chixu, rü name nixĩ i Tupanaãxẽ ya Üünecü naxwa̱xexü̃ãcüma pemaxẽ. Rü ngẽxguma ngẽmaãcü pemaxẽgu, rü taxũtáma pexenearü ngúchaü̃ pexügü.