Gálatas 3:16 - Tupanaarü Ore

¹⁶ Rü dücax, rü yexgumarüü̃tama nixĩ ga nangupetüxü̃ ga yexguma Tupana rü Abraáü̃maxã rü Abraáü̃taamaxã inaxunetagu. Rü Tupanaarü ore i ümatüxü̃wa rü tama “Abraáü̃taagü”, ñanagürü, yerü tama muxü̃ma ga duü̃xü̃güchiga nidexa. Natürü yema ore rü “Abraáü̃taxa”, ñanagürümare, yerü wüxitama ga duü̃xü̃chiga nixĩ ga yadexaxü̃. Rü yema rü Cristuchiga nixĩ.

Gálatas 3:16 Referans Kwoze

Romanos 4:13

Rü Tupana rü Abraáü̃maxã inaxuneta nax nüma ya Abraáü̃ rü guxü̃ma i nataagü rü tá nax nayauxgüãxü̃ i ñoma i naane nax noxrü yixĩxü̃ca̱x. Natürü tama yema nax Abráü̃ mugü inguxẽẽxü̃ca̱x nixĩ ga Tupana Abraáü̃maxã ixunetaxü̃. Natürü namaxã inaxuneta yerü Abraáü̃ nayaxõ, rü yemaca̱x Tupanape̱xewa name.

Ore i mexü̃ ga Luca ümatüxü̃ 1:55

Yerü yemaacü inaxuneta namaxã ga tórü o̱xigü rü Abraáü̃ rü nataagü nax guxü̃gutáma nüxü̃́ nangechaü̃tümüxü̃güxü̃ —ngĩgürügü ga María.

Romanos 4:16

Rü yexguma Tupana Abraáü̃maxã ixunetagu nax nüxü̃ tá nangü̃xẽẽxü̃, rü Abraáü̃arü õgagu nixĩ ga namaxã inaxunetaxü̃. Rü ngẽmaca̱x i guxãma i yixema nax Abraáü̃rüxü̃ yaxõgüxü̃ rü taxca̱x ta nixĩ ga yema Tupanaarü uneta ga Abraáü̃maxã nüxü̃ yaxuxü̃. Rü ngẽmawa nüxü̃ tacua̱x rü tama yíxema mugü auregüxeca̱xicatama nixĩ i ngẽma Tupanaarü uneta, natürü guxãma ya yíxema Abraáü̃rüxü̃ Tupanaaxü̃́ yaxõgüxeca̱x ta nixĩ. Rü ñu̱xma rü guxãma i yixema nax Abraáü̃rüxü̃ mea yaxõgüxü̃ rü Abraáü̃xacügü tixĩgü rü nüma rü tanatü nixĩ i Tupanape̱xewa yerü nüxíra nayaxõ.

Naanearü ügüchiga 12:7

Rü yema nachicawa rü Cori ya Tupana rü Abráü̃ca̱x nango̱x. Rü ñanagürü nüxü̃: —Ñaa naane tá nixĩ i cutaagüna chaxãxü̃ —ñanagürü. Rü yexguma ga Abráü̃ rü yexma Tupanaégagu nanaxü ga wüxi ga ãmarearü guruxü̃ yerü yéma nixĩ ga naxca̱x nangóxü̃.

Gálatas 3:8

Rü Tupanaarü ore i ümatüxü̃wa rü nüxü̃ nixu nax Tupanape̱xewa yamexü̃ i ngẽma duü̃xü̃gü i yaxõgüxü̃ i woo tama Yudíugü ixĩgüxü̃. Rü yemaca̱x ga Tupana rü Abraáü̃maxã nüxü̃ nixu ga ñaa ore i mexü̃ i ñaxü̃: “Rü cugagu tá nüxü̃ charüngü̃xẽxẽxü̃ i guxü̃ma i nachixü̃anecüã̱x i duü̃xü̃gü”, ñaxü̃.

Naanearü ügüchiga 12:3

Rü mexü̃ namaxã tá chaxuegu i ngẽma duü̃xü̃gü i mexü̃ cumaxã uegugüxü̃. Rü chixexü̃ tá namaxã chaxuegu i ngẽma duü̃xü̃gü i chixexü̃ cumaxã uegugüxü̃. Rü cugagu tá nixĩ i mexü̃ namaxã chaxueguxü̃ i guxü̃ma i duü̃xü̃gü i ñoma i naanewa ngẽxmagüxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 3:25

Rü nũxcümaxü̃chima ga Tupana rü tórü o̱xi ga Abraáü̃maxã nüxü̃ nixu rü ñanagürü: “Wüxi i cutaxa tá nixĩ i nüxü̃ rüngü̃xẽẽxü̃ i guxü̃ma i duü̃xü̃gü i ñoma i naanecüã̱x”, ñanagürü. Rü yemaacü ta Tupana inaxuneta nawa ga nũxcümaü̃güxü̃ ga norü orearü uruü̃gü. Rü pemaxã nüxü̃ chixu i ñu̱xma, rü pexca̱x nixĩ ga yema unetagü ga nũxcümaü̃güxü̃ ga orearü uruü̃güwa tórü o̱xigümaxã nüxü̃ yaxuxü̃ ga Tupana.

Naanearü ügüchiga 21:12

Natürü ga Tupana rü Abraáü̃maxã nüxü̃ nixu rü ñanagürü: —¡Taxṹ i cuxoegaãẽxü̃ naxca̱x ya curü bucü rü ngĩxca̱x i ngẽma cuxü̃taxü̃! ¡Rü naxü i ngẽma Chára cumaxã nüxü̃ ixuxü̃! Erü cutaagü ga cumaxã chaxueguxü̃ rü Ichaáwa tá nixĩ i ne naxĩxü̃.

Colosenses 3:11

Rü ñu̱xma rü Tupanape̱xewa rü nüetama nixĩ ega Yudíu quixĩxgu rü ẽ̱xna tama. Rü nüetama nixĩ ega ícuwiecha̱xmüxü̃pe̱xechiraü̃gu rü ẽ̱xna tama. Rü nüetama nixĩ ega ta̱xacürü nachixü̃anecüã̱x i duü̃xü̃ quixĩxgu, rü ẽ̱xna duü̃xü̃ i tama poperaxü̃ icuáxü̃ quixĩxgu. Rü nüetama nixĩ ega wüxi i mugüruxü̃ quixĩxgu, rü ẽ̱xna taxúxearü duü̃xü̃ quixĩxgu. Erü ñu̱xma rü guxü̃arü yexera tüxü̃́ mexü̃ nixĩ nax Cristu rü guxü̃arü yora yixĩxü̃ rü guxü̃wa nangẽxmaxü̃.

Naanearü ügüchiga 15:5

Rü ñu̱xũchi ga Cori ya Tupana rü düxétüwa Abráü̃xü̃ naga, rü ñanagürü nüxü̃: —¡Dücax, mea daxũgu nadawenü rü yaxugü ya ẽxtagü ega cuxü̃́ natauxchagu nax cuyaxugüxü̃! Rü ngẽxgumarüxü̃ tá ta nixĩ nax namuxü̃ i cutaagü —ñanagürü.

1 Corintios 12:27

Rü ñu̱xma i wüxichigü i pemax, rü Cristuxü̃nearü üye pixĩgü, rü wüxichigü rü naxü̃newa pexügü.

1 Corintios 12:12

Rü duü̃xü̃xü̃ne rü woo muxü̃gu nixüye, natürü wüxitama i naxü̃ne nixĩ. Rü ngẽxgumarüxü̃ ta i ngẽma Cristuaxü̃́ yaxõgüxü̃ rü woo namu, natürü wüxitama i naxü̃newa naxügü.

Romanos 12:5

Rü ngẽxgumarüxü̃ ta i yixema nax yaxõgüxü̃, rü woo nax imuxü̃ natürü Cristugagu wüxitama i natücumü tixĩgü. Rü ngẽmaãcü wüxichigü i yixema rü yigümücügü tixĩgü, erü wüxitücumü tixĩgü.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Colosenses 2:19

Natürü i nümagü rü tama aixcüma naga naxĩnüe ya yimá taeru ixĩcü ya Cristu. Rü nüma ya Cristu nixĩ i tüxü̃ yamuxẽẽxü̃ rü tüxü̃ naporaexẽẽxü̃ ya guxãma ya yíxema nüxü̃́ yaxõgüxe nax guxãma wüxigu tarüxĩnüexü̃ca̱x ngẽma Tupana naxwa̱xexü̃rüxü̃.

Efesios 5:32

Rü ngẽma orewa nango̱x i ngẽma ẽxü̃guxü̃ ga noxri Tupanaxicatama nüxü̃ cuáxü̃. Rü ngẽmagu chanangu nax Cristu rü ngẽma yaxõgüxü̃ rü wüxitama yaxĩgüxü̃.

Ore i mexü̃ ga Matéu ümatüxü̃ 1:1

Ñaa nixĩ ga yema nũxcümaü̃güxü̃ ga duü̃xü̃gü ga Ngechuchu ya Cristu natanüwa ngóxü̃. Rü yematanüwa rü Dabí nixĩ ga wüxi, rü Abraáü̃ nixĩ ga to.

Romanos 9:4

Rü nümagü rü chauxrüxü̃ Iraétanüxü̃ nixĩgü. Rü Tupana rü nũxcümaxü̃chima namaxã inaxuneta nax naxacügü yixĩgüxü̃ca̱x. Rü Tupana rü norü üünemaxã natanüwa nayexma rü namaxã inaxuneta rü tá nüxü̃ narüngü̃xẽxẽ ega naga naxĩnüegu. Rü nüxna nanaxã ga yema mugü ga Moiché ümatüxü̃. Rü nanangúexẽxẽ nax nüxü̃ yacua̱xüü̃güxü̃ca̱x. Rü namaxã inaxuneta ga norü unetagü.

2 Corintios 11:22

Nümagü rü nügü yaxugügu rü Yudíugü nixĩgü. Natürü choma rü ta Yudíu chixĩ. Rü nümagü nügü yaxugügu rü Iraétanüxü̃ nixĩgü. Natürü choma rü ta rü Iraétanüxü̃ chixĩ. Rü nümagü rü nügü yaxugügu rü Abraáü̃tanüxü̃ nixĩgü. Natürü choma rü ta Abraáü̃tanüxü̃ chixĩ.

Gálatas 3:19

Rü ñu̱xma rü ¿ta̱xacüwa namexü̃ i ngẽma mugü ga Moiché ümatüxü̃? Rü dücax, Tupana rü marü Abraáü̃maxã inaxunetaguwena nixĩ ga inaxããxü̃ ga yema mugü, nax yemaacü duü̃xü̃güxü̃ nüxü̃ nadauxẽẽxü̃ca̱x ga norü pecadugü. Rü yemaacü nixĩ ñu̱xmata ínangu ga gumá Abraáü̃taxa ya Cristu. Rü gumáchiga nixĩ ga Abraáü̃maxã inaxunetaxü̃ ga Tupana ga noxrix. Rü yema mugü, rü Tupana rü norü orearü ngeruü̃gü ga daxũcüã̱xmaxãxíra nüxü̃ nixu. Rü yemagü nixĩ ga nüxĩ́ Moichémaxã nüxü̃ ixugüxü̃, rü nüma ga Moiché rü duü̃xü̃gümaxã nüxü̃ nixu.