Gálatas 3:1 - Tupanaarü Ore

¹ Pa Chauenexẽgü i Gárataanecüã̱x, pema rü tama peãẽxü̃ pecua̱x. Rü yexguma petanüwa tayexmagügu rü meama guxãpe̱xewa pemaxã nüxü̃ tixu nax curuchagu taxca̱x nayuxü̃ ga Ngechuchu ya Cristu. ¿Rü texé pexü̃ tawomüxẽxẽ i ñu̱xma nax tama naga pexĩnüexü̃ca̱x i ngẽma ore i aixcüma ixĩxü̃ ga pemaxã nüxü̃ tixuxü̃?

Gálatas 3:1 Referans Kwoze

2 Corintios 11:3

Natürü chaxoegaãxẽ erü yema ãxtape norü doramaxã Ébaxü̃ nawomüxẽẽxü̃rüxü̃, ngürüãchi tá ta texé pexü̃ tawomüxẽxẽ nax nüxü̃ perüxoexü̃ca̱x nax Cristugu perüxĩnüexü̃ rü naxca̱xicatama nax pemaxẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:20

Natürü nangẽxma i wüxi i cuxüxü̃ i tama chorü me ixĩxü̃. Rü ngẽma nixĩ nax ngéma cunangexmaxẽẽechaü̃ i ngẽma ngexü̃ i Yechabé i nügü ixuxü̃ nax Tupanaarü orearü uruxü̃ nax yixĩxü̃. Natürü norü ngu̱xẽẽtaemaxã chorü duü̃xü̃güxü̃ nawomüxẽxẽ, rü nüxü̃́ nangũchaü̃xẽxẽ nax ngexü̃gü i naxü̃nemaxã taxexü̃maxã namaxẽxü̃ca̱x, rü nangõ̱xgüãxü̃ca̱x i ngẽma õnagü i tupananetachicüna̱xãgüca̱x daixü̃.

Gálatas 1:6

Rü Cristuaxü̃́ pengechaü̃tümüxü̃gü, rü yemaca̱x nixĩ ga pexna naxuxü̃ ya Tupana nax penayaxuxü̃ca̱x i maxü̃ i taguma gúxü̃. Rü ñu̱xma rü poraãcü chaba̱i̱xãchiãxẽ, erü paxaxüchi Tupanana pixĩgachi, nax nawe perüxĩxü̃ca̱x i to i ngu̱xẽẽtae i nagu perüxĩnüegu rü tá pexü̃ maxẽxẽxẽxü̃.

Nüxíraxü̃xü̃ ga popera ga Pedru ümatüxü̃ 4:17

Rü ñu̱xma rü marü nawa nangu nax Tupana tüxna ca̱xaxü̃ i yixema nax naxacügü ixĩgüxü̃. Rü ngẽxguma tawa inaxügüãgu, rü ¿ñuxãcü tá nüxü̃ naxüpetü i ngẽma duü̃xü̃gü i tama naga ĩnüexü̃ i Tupanaarü ore i mexü̃?

Norü taxre ga popera ga Pedru ümatüxü̃ 2:18

Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

Popera ga Yudíugü ga yaxõgüxü̃ca̱x ümatüxü̃ 11:8

Rü gumá tórü o̱xi ga Abraáü̃, rü Tupanaaxü̃́ nayaxõ. Rü yexguma Tupana naxca̱x caxgux rü naga naxĩnü rü ínaxũxü̃ nawa ga yema naane ga nawa nayexmaxü̃ nax nawa naxũxü̃ca̱x ga yema naane ga Tupana nüxna ãxü̃ nax noxrü yixĩxü̃ca̱x. Rü yemaacü ga Abraáü̃ rü ínaxũxü̃ ga yema naane ga nawa nayexmaxü̃ woo tama nüxü̃ nax nacuáxü̃ ga ngextá tá nax naxũxü̃.

Efesios 4:14

Rü taũtáma ñoma buxü̃gürüxü̃ tixĩgü i tórü õwa. Rü ngẽxguma ta̱xacürü to i ngu̱xẽẽtaexü̃ ixĩnüegu rü taxũtáma naga taxĩnüe nax tama ñoma buanecü ngextámare cuecürüxü̃ tüxü̃ yaxĩgüxẽẽxü̃ca̱x. Rü taxũtáma nawe tarüxĩ i ngẽma duü̃xü̃gü i norü doramaxã tüxü̃ womüxẽẽgüxü̃ rü norü ngu̱xẽẽtaemaxã tüxü̃ ítüexẽẽchaü̃xü̃.

Gálatas 4:9

Natürü i ñu̱xma nax Tupanaxü̃ pecuáxü̃ rü nüma nax pexü̃ nacuáxü̃, rü ¿tü̱xcüü̃ wena naxca̱x pewoeguchaü̃ i ngẽma mugü i ñoma i naanemaxã icua̱xgüxü̃? ¿Rü tü̱xcüü̃ penaxwa̱xe nax wena natüü̃wa pegü pengẽxmagüxẽẽxü̃ i ngẽma mugü i tama aixcüma poraexü̃ i natüca̱xmamare ixĩgüxü̃?

Gálatas 3:3

Pema rü tama peãẽxü̃ pecua̱x. Noxri rü Cristuaxü̃́ peyaxõgü yerü Tupanaãxẽ ya Üünecü pewa napuracü. ¿Rü ñuxãcü i ñu̱xma i nagu perüxĩnüexü̃ nax wena naxca̱x pewoeguxü̃ i ngẽma duü̃xü̃güarü ĩnümare ixĩxü̃?

Nüxíraxü̃xü̃ ga popera ga Pedru ümatüxü̃ 1:22

Rü ñu̱xma nax naga pexĩnüexü̃ i Tupanaarü ore i aixcüma ixĩxü̃ rü pexü̃́ natauxcha nax pegü pengechaü̃güxü̃ erü Tupana rü marü pexü̃́ inayanaxoxẽxẽ i perü chixexü̃gü. Rü ngẽmaca̱x penaxwa̱xe i guxü̃ i perü ngúchaü̃maxã aixcüma pegü pengechaü̃gü.

Popera ga Yudíugü ga yaxõgüxü̃ca̱x ümatüxü̃ 5:9

Rü yemaacü Tupanaga naxĩnü rü curuchagu nayu nax tümaarü maxẽxẽẽruxü̃ yixĩxü̃ca̱x ya guxãma ya yíxema naga ĩnüexe.

Efesios 5:15

Rü ngẽmaca̱x name nixĩ i pegüna pedaugü rü mea pemaxẽ. ¡Rü taxṹ i ngẽma duü̃xü̃gü i naechitamare maxü̃xü̃ãcü pemaxẽxü̃! Rü name nixĩ i duü̃xü̃gü i mea naãxẽxü̃ cuáxü̃ãcü pemaxẽxü̃.

Gálatas 2:14

Natürü yexguma nüxü̃ chada̱u̱xgu nax tama Tupanaarü ore i mexü̃ tüxü̃ ngu̱xẽẽxü̃ãcüma namaxẽxü̃ ga yema yatügü, rü guxü̃ ga yaxõgüxü̃pe̱xewa Pedruxü̃ nüxü̃ chaxĩnüxẽxẽ. Rü ñacharügü nüxü̃: “Dücax i cuma nax Yudíuchire̱x quixĩxü̃, rü ngẽma tama Yudíugü ixĩgüxü̃ãcü cumaxü̃. ¿Rü ñuxãcü i ñu̱xma i cunaxwa̱xexü̃ nax Yudíugücümagu naxĩxü̃ i ngẽma duü̃xü̃gü i tama Yudíugü ixĩgüxü̃?” ñacharügü nüxü̃.

1 Corintios 11:26

Rü guxü̃guma i ngẽxguma penangõ̱xgu i ñaa paũ rü peyaxaxgügu ya daa bínu rü ngẽmawa tá duü̃xü̃güxü̃ nüxü̃ pecua̱xẽxẽ nax tórü pecaduca̱x nayuxü̃ ga tórü Cori. Rü ngẽmaãcü tá penaxü ñu̱xmatáta wena nataegu i nümax.

1 Corintios 2:2

Yerü yexguma petanüwa chayexmagu, rü Cristuchigaxü̃xicatama nixĩ ga pemaxã chixuxü̃. Rü taxuxü̃ma ga ta̱xacü ga to ga orexü̃ pemaxã chixu. Rü Ngechuchu ya Cristu ga curuchawa ipotacüchigaxicatama nixĩ ga pemaxã nüxü̃ chixuxü̃.

Romanos 6:17

Natürü Tupanana moxẽ chaxã, yerü woo pecaduga nax pexĩnüexü̃ ga noxri, natürü i ñu̱xma rü aixcüma naga pexĩnüe i ngẽma ngu̱xẽẽtae i marü pexü̃ tangúexẽẽxü̃ i Cristuchiga.

Romanos 2:8

Natürü Tupana tá tümamaxã nanu rü tá tüxü̃ napoxcu ya yíxema tama naga ĩnüechaü̃xü̃ i ore i aixcüma ixĩxü̃ rü naxca̱x daugüxe nax chixexü̃ taxügüxü̃.

Ngechuchuarü ngúexü̃gü ga yamugüxü̃arü puracüchiga 6:7

Rü yema Tupanaarü ore rü yexeraãcü tóxnamana ninguchigü. Rü poraãcü nimuetanü ga yema yaxõgüxü̃ ga Yerucharéü̃wa. Rü woo muxü̃ ga chacherdótegü rü ta nayaxõgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:3

Rü guxü̃ma ga nachixü̃anecüã̱xgü, rü guma ĩanearü chixexü̃ca̱x nadauxü̃taegü. Rü yema togü ga nachixü̃anegüarü ãẽ̱xgacügü, rü guma ĩanearü chixexü̃gu namaxẽ. Rü guxü̃ma ga yema to ga nachixü̃anegüarü taxetanüxü̃, rü nügü namuarü diẽruã̱xẽẽgü namaxã ga yema ĩanearü yemaxü̃gü ga tatanüxü̃”, ñanagürü.

2 Tesalonicenses 1:8

Rü núma tá naxũ i nüma ya tórü Cori ya Ngechuchu nax napoxcueãxü̃ca̱x i ngẽma duü̃xü̃gü i tama Tupanaxü̃ cua̱xgüchaü̃xü̃ rü tama naga ĩnüexü̃ i ngẽma ore i mexü̃ i tórü Cori ya Ngechuchu ya Cristuchiga.

Efesios 3:8

Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.

1 Chamué 13:13

Rü Chamué nanangãxü̃ga rü ñanagürü: —Ngẽma cuxüxü̃ rü wüxi i ngeãẽmare nixĩ, erü tama naga cuxĩnü ya Cori ya Tupanaarü mu. Rü ngẽxguma chi naga cuxĩnügu i ngẽma Cori ya Tupana cumaxã nüxü̃ ixuxü̃, rü nüma rü guxü̃guchima Iraétanüxü̃arü ãẽ̱xgacü cuxü̃ nixĩxẽxẽ.

Romanos 10:16

Natürü tama guxü̃ma i duü̃xü̃gü nayaxõgü i ngẽma ore i mexü̃. Rü Ichaía nüxü̃ ixuxü̃rüxü̃ nixĩ, rü ñanagürü: “Pa Corix, ¿texé yaxõxü̃ ga yema ore ga nüxü̃ ixuxü̃?” ñanagürü.

Wenaxarü naxümatü ga Tupanaarü mugü 32:6

¿Rü ñuxãcü i ñu̱xma i pema rü chixexü̃maxã Cori ya Tupanaaxü̃́ penaxütanüxü̃? Pa Duü̃xü̃gü i Peechitamare Maxẽxe rü Ngearü Cuáã̱xgüxex ¿tama ẽ̱xna nüxü̃ pecua̱x nax yimá yixĩxü̃ ya penatü ya pexü̃ ngóexẽẽcü? Rü aixcüma yimá nixĩ ya pexü̃ ngóexẽẽcü, rü pexna naxãcü i perü maxü̃ nax ñu̱xma duü̃xü̃gü pixĩgüxü̃.

Ore i mexü̃ ga Luca ümatüxü̃ 24:25

Rü yexguma ga Ngechuchu rü ñanagürü nüxü̃: —Pema rü petaieru nax nüxü̃ pecuáxü̃ rü peyaxõgüxü̃ i ngẽma ore ga nũxcümaü̃güxü̃ ga Tupanaarü orearü uruü̃gü nüxü̃ ixugüexü̃.

Ore i mexü̃ ga Matéu ümatüxü̃ 24:24

Erü Cristunetagü rü Tupanaarü orearü uruü̃netagü tá ínangugü. Rü tá nanaxügü i muxü̃ma i cua̱xruü̃gü i taxü̃gü. Rü ngẽxguma nüxü̃́ natauxchagu, rü ngẽmamaxã tá tüxü̃ nawomüxẽẽgü rü woo ya yíxema duü̃xẽgü ya Tupana tüxü̃ dexe.

Ore i mexü̃ ga Matéu ümatüxü̃ 7:26

Natürü yíxema choxü̃ ĩnüxẽ rü tama naxǘxe i ngẽma choma tüxü̃ chamuxü̃, rü wüxi ga yatü ga tama naãẽxü̃ cuácü ga naxnücügumare üpatacürüxü̃ tixĩ.

Ngechuchuarü ngúexü̃gü ga yamugüxü̃arü puracüchiga 16:6

Rü Áchiaanewa naxĩxchaü̃ nax yéma nüxü̃ yaxugüxü̃ca̱x ga ore i mexü̃. Natürü Tupanaãxẽ ya Üünecü rü nüxna nanachu̱xu ga yema. Rü yemaca̱x Fríquiaanewa rü Gárataanewaama nachopetü.

Gálatas 5:11

Rü dücax, Pa Chauenexẽgüx, rü ngẽxguma chi pexü̃ changúexẽẽgu nax pegü ípewíü̃cha̱xmüü̃pe̱xechiraü̃xü̃, rü ngẽma Yudíugü rü taxũchima chauxchi naxaie rü taxũchima chowe ingẽxü̃tanü, erü taxũchima naãxẽwa nangu̱x i ngẽma ore i nüxü̃ chixuxü̃ nachiga ya Cristu ga curuchagu taxca̱x yucü.