Erü ñu̱xma rü nangẽxma i ñuxre i duü̃xü̃gü i norü doramaxã petanügu chocuxü̃. Rü ngẽma duü̃xü̃gü i chixexü̃gu maxẽxü̃ rü ñanagürügü: “Tupana rü namecümaxüchi rü ngẽmaca̱x taxũtáma pexü̃ napoxcue ega woo chixexü̃gu pemaxẽgu”, ñanagürügü. Rü naétü tama nüxü̃ nacua̱xgüchaü̃ ya tórü Cori ya Ngechuchu ya Cristu ya tórü yora ixĩcü. Natürü ngẽma duü̃xü̃gü i ngẽmaãcü maxẽxü̃, rü woetama nũxcümama Tupanaarü ore i ümatüxü̃wa rü marü nüxü̃ nixu nax Tupana tá napoxcuexü̃.
Gálatas 2:4 - Tupanaarü Ore4 Natürü nayexma ga ñuxre ga taenexẽgüneta ga bexmamare totanügu chocuxü̃. Rü yemagü nixĩ ga naxwa̱xegüxü̃ nax ínawíü̃cha̱xmüü̃pe̱xechiraü̃xü̃ i ngẽma yaxõgüxü̃ i tama Yudíugü ixĩgüxü̃. Yerü nanangugüchaü̃ rü aixcüma yixĩ nax Cristu nüxna tüxü̃ ínguxü̃xẽẽxü̃ ga yema mugü ga Moiché ümatüxü̃. Rü nanaxwa̱xegü nax wenaxarü nagu ixĩxü̃ ga yema mugü ga guxchaxü̃ ga Moiché ümatüxü̃. Gade chapit la |
Gálatas 2:4
29 Referans Kwoze
Rü mue̱xpü̱xcüna tóxnamana chaxũ, rü natügü ga ãũcümaxü̃wa chayexma, rü ãũcümaxü̃ ga ngĩ́ta̱xagüxü̃ íyexmagüxü̃wa chayexma. Rü woo Yudíugütanüwa, rü woo yema tama Yudíugü ixĩgüxü̃tanüwa, rü woo ĩanegüwa, rü woo namagüwa, rü woo márwa rü ãũcümaxü̃wa chayexma. Rü woo yema yaxõgünetaxü̃tanüwa rü ãũcümaxü̃wa chayexma.
Pa Chauenexẽgü ya Pexü̃ Changechaü̃güxe, ¡Taxṹ i nüxü̃́ peyaxõgüxü̃ i guxü̃ma i ngẽma nügü ixugügüxü̃ nax Tupanaarü orearü uruü̃gü yixĩgüxü̃! Rü name nixĩ i penangugü i norü ore nax nüxü̃ pecuáxü̃ca̱x rü aixcüma Tupanaãxẽ yixĩxü̃ i nawa idexaxü̃, rüe̱xna tama. Erü guxü̃wama i ñoma i naanewa rü nangẽxma i muxü̃ma idorata̱a̱xgüxü̃ i nügü ixugüxü̃ nax Tupanaarü orearü uruü̃gü yixĩgüxü̃.
Rü tümamaxã nüxü̃ nixu rü ngẽxguma nawe tarüxĩxgu rü tá tüxü̃ ínanguxü̃xẽxẽ nax tüma tanaxwa̱xexü̃ãcüma tamaxẽxü̃ca̱x. Natürü ngẽma ngu̱xẽẽruü̃netagü i ngẽmaãcü chixri idexagüxü̃, rü nümagütama rü norü chixexü̃tüxü̃wa nangẽxmagü. Erü guxü̃ma i duü̃xü̃gü, rü ngẽma nüxü̃ rüyexeramaexü̃tüü̃wa nügü nangẽxmagüxẽxẽ.
Erü ngẽma duü̃xü̃gütanüwa nangẽxmagü i nümaxü̃ i ĩpatagu ichocuetanüxü̃. Rü norü ngu̱xẽẽtaemaxã nayawomüxẽẽgü i ngẽma ngexü̃gü i ngéma ngẽxmagüxü̃ i tama naãẽxü̃ icuáxü̃ rü chixri maxẽxü̃. Rü ngẽma ngexü̃gü, rü norü ngúchaü̃gütama chixexü̃wa nanagagü, rü woo guxü̃guma nangúe natürü taguma aixcüma nüxü̃ nacua̱xgü i ngẽma ore i aixcüma ixĩxü̃.
Rü yexgumaü̃cüxü rü nayexma ga ñuxre ga duü̃xü̃gü ga Yudéaanewa ne ĩxü̃ ga Antioquíawa ngugüxü̃. Rü nümagü inanaxügüe ga tüxü̃ nax nangúexẽẽxü̃ ga guxema yaxõgüxe ga Antioquíacüã̱x, rü ñanagürügü: —Ngẽxguma tama pegü ípewiü̃cha̱xmüü̃pe̱xechiraü̃gu yema Moiché tüxü̃ muxü̃rüxü̃ rü taxuacüma pexü̃́ nangẽxma i maxü̃ i taguma gúxü̃ —ñanagürügü.
Rü ñu̱xma nax Cristu pexü̃ ínguxü̃xẽẽxü̃, rü name nixĩ i duü̃xü̃gü i aixcüma ínguxü̃xü̃rüü̃ãcü mea pemaxẽ. Natürü ñu̱xma nax ípenguxü̃xü̃ rü tama name nax ngẽmamaxã pegü ípepoxü̃xü̃ nax ta̱xacürü chixexü̃ pexügüxü̃ca̱x. Erü ñu̱xma nax Tupanaarü duü̃xü̃gü pixĩgüxü̃, rü name nixĩ i norü ngúchaü̃ pexügü.
¡Ẽcü wena cha̱u̱xca̱x natáeguxẽxẽ i ngẽma taãxẽ ga noxri choxü̃́ yexmaxü̃ ga yexguma chixexü̃wa choxü̃ ícunguxuchixẽxẽgu! ¡Rü choxü̃ naporaxẽxẽ nax cuga chaxĩnüxü̃ca̱x! ¡Rü ngẽxguma i choma rü tá chanangúexẽxẽ i ngẽma tama cuga ĩnüexü̃ nax nümagü rü ta cuga naxĩnüexü̃ca̱x rü aixcüma cuxü̃́ yaxõgüãxü̃ca̱x!
Piblisite