Gálatas 2:21 - Tupanaarü Ore

²¹ Rü tama nüxü̃ chaxoxchaü̃ i Tupanaarü ngechaü̃. Rü yexguma chi yema mugügu ixĩxü̃gagu Tupanape̱xewa imexgu, rü natüca̱xmamare chi nixĩ nax nayuxü̃ ga Cristu.

Gálatas 2:21 Referans Kwoze

Romanos 11:6

Rü ñu̱xma nax Tupana tüxü̃ ngechaü̃xü̃gagu tüxü̃ nadexü̃, rü taxucürüwama texé nüxü̃ tixu nax ta̱xacürü mexü̃ nax ixügüxü̃gagu yixĩxü̃ i tüxü̃ nadexü̃. Erü ngẽxguma chi ta̱xacürü mexü̃ ixügüxü̃gagu yixgu nax tüxü̃ nadexü̃, rü natüca̱xmamare chi nixĩ nax nüxü̃́ ingechaü̃tümüxü̃güxü̃.

Gálatas 3:21

¿Rü ñuxũ ñapegüxü̃ i ñu̱xmax? ¿Pexca̱x ẽ̱xna rü yema Moiché ümatüxü̃ ga mugü rü inayanaxoxẽxẽ i Tupanaarü unetagü? Rü dücax, tama ngẽmaãcü nixĩ. Yerü yexguma chi naporagu ga yema mugü nax tüxna naxããxü̃ i maxü̃ i taguma gúxü̃, rü chi Tupanape̱xewa time i ngẽxguma meama yanguxẽẽgu i ngẽma mugü.

Popera ga Yudíugü ga yaxõgüxü̃ca̱x ümatüxü̃ 7:11

Rü nũxcümaü̃güxü̃ ga tórü o̱xigü ga Yudíugü nixĩ ga nayauxgüxü̃ ga Tupanaarü mugü ga nawa Lebítanüxü̃maxã naxueguxü̃ nax chacherdótegü yixĩgüxü̃ca̱x. Natürü yexguma chi yema chacherdótegü aixcüma yema Yudíugüxü̃ imexẽẽgügu ga Tupanape̱xewa, rü taxuca̱xchima Tupana nüxü̃ naxuneta ga nai ga chacherdóte ga Melquichedéxrüxü̃ ixĩcü rü tama Aróü̃rüxü̃ ixĩcü.

1 Corintios 15:14

Rü yexguma chi Cristu tama wena maxü̃gu, rü ngẽma ore i nüxü̃ tixuxü̃ i nachiga rü taxuwa chima name, rü natüca̱xmamare chi nixĩ i perü õ.

Gálatas 2:16

Rü nüxü̃ tacua̱xgü rü yema mugü ga Moiché ümatüxü̃ rü tama aixcüma tüxü̃ nimexẽxẽ i Tupanape̱xewa, yerü taxúema aixcüma naga taxĩnüe ga yema mugü. Natürü i ñu̱xma rü Tupana tüxü̃ nadau nax imexü̃ erü Ngechuchu ya Cristuaxü̃́ tayaxõgü. Rü yemaca̱x i yixema rü Ngechuchu ya Cristuaxü̃́ tayaxõgü nax ngẽmagagu Tupana tüxü̃ nadauxü̃ nax imexü̃. Rü ngẽmawa nüxü̃ tacua̱xgü rü tama ngẽma mugügagu nixĩ nax Tupanape̱xewa imexü̃, erü taxúema aixcüma naga taxĩnü i ngẽma mugü nax ngẽmaãcü Tupanape̱xewa imexü̃ca̱x.

Romanos 10:3

Rü woo Tupana ñoma ga naanewa nanamu ga Cristu nax gumágagu Tupanape̱xewa yamexü̃ca̱x i duü̃xü̃gü, natürü nümagü i Yudíugü rü tama nüxü̃ nacua̱xgüchaü̃ i ngẽma. Rü nügütama nimexẽẽgüchaü̃, rü ngẽmaca̱x nagu naxĩãma i ngẽma mugü ga Moiché ümatüxü̃ rü tama Cristuaxü̃́ nayaxõgüchaü̃ nax nagagu Tupanape̱xewa yamexü̃ca̱x.

Ichaía 49:4

Natürü ga choma rü nagu charüxĩnü rü chaugümaxã ñachagürü: —Natüca̱xmamare poraãcü chapuracü rü chipa, rü taxuxü̃ma i chorü natanüxü̃ chadau —chaugümaxã ñachagürü. Natürü guxü̃ma i ngẽma chaxüxü̃ rü Tupaname̱xẽwa nangẽxma, rü norü poramaxã chanaxü. Rü ngẽma chorü natanü rü nüma rü marü ínanamexẽxẽ.

1 Corintios 15:2

Rü ngẽma oregagu nixĩ i pexü̃́ nangẽxmaxü̃ i maxü̃ i taguma gúxü̃, ega aixcüma guxü̃guma peyaxõgügu. Natürü ngẽxguma tama guxü̃guma peyaxõgügu, rü natüca̱xmamare nixĩ i ngẽma perü õ.

Gálatas 2:18

Natürü ngẽxguma chi wenaxarü naxca̱x chataegugu i ngẽma nũxcümaü̃güxü̃ i mugü rü chi nüxü̃ charüxoxgu nax Cristuaxü̃́ chayaxõxü̃, rü chi aixcüma wüxi i pecaduã́xü̃ chixĩ.

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Ore i mexü̃ ga Márcu ümatüxü̃ 7:9

Rü yexgumarüxü̃ ta ñanagürü nüxü̃: —Pema rü nüxü̃ perüxoe i Tupanaarü mugü nax nagu pexĩxü̃ca̱x i pecümagütama.

Wiyaegü 33:10

Rü nüma ya Cori ya Tupana rü nagu nayanaxoxẽxẽ i ngẽma nagu naxĩnüexü̃ i ngẽma duü̃xü̃gü i tama nüxü̃́ yaxõgüxü̃.

1 Corintios 15:17

Rü yexguma chi Cristu tama wena maxü̃gu, rü natüca̱xmamare chi nixĩ i peyaxõgüxü̃, rü ñu̱xma rü chi ta perü pecadugagu ipeyarütauxe.

Yeremía 8:8

¿Rü ñuxãcü i pema rü nüxü̃ pixugüxü̃ nax nüxü̃ picuáxü̃, rü pexü̃́ nangẽxmaxü̃ i chorü mugü? Erü ngẽma chorü mugü ümatügüxü̃ rü chixri nanaxümatügü rü ínayatõxẽẽgü.

Romanos 4:25

Rü Ngechuchuxü̃ nixĩ ga namuxü̃ ga Tupana nax tórü pecaduca̱x nayuxü̃ca̱x. Rü ñu̱xũchi nüma ga Tupana rü wenaxarü Ngechuchuxü̃ ínarüdaxẽxẽ nax nagagu imexü̃ca̱x i Tupanape̱xewa.