Biblia Todo Logo
Bib sou entènèt

- Piblisite -




Gálatas 2:20 - Tupanaarü Ore

20 Rü choma rü wüxigu Cristumaxã curuchawa chipota. Rü ñu̱xma rü marü tama chaugümaxãtama ichacua̱x, natürü Cristu nixĩ ya chomaxã icuácü erü chowa namaxü̃. Rü ñu̱xma rü Tupana Nane ya Cristuaxü̃́ chayaxõõcüma nixĩ i chamaxü̃xü̃. Rü nüma nixĩ ga choxü̃ nangechaü̃xü̃, rü nügü inaxãxü̃ nax cha̱u̱xca̱x nayuxü̃ca̱x.

Gade chapit la Kopi




Gálatas 2:20
65 Referans Kwoze  

Rü ngẽma aixcüma Ngechuchu ya Cristuarü duü̃xü̃gü ixĩgüxü̃, rü marü nüxü̃ narüxoe ga naxü̃nearü ngúchaü̃gü, rü guxü̃ma ga yema ngúchaü̃gü ga tama mexü̃.


Rü yemaacü guxü̃ma ga duü̃xü̃güca̱x nayu ga Cristu, nax ngẽma duü̃xü̃gü i maxẽxü̃, rü tama nümatama nagu naxĩnüexü̃gu namaxẽxü̃ca̱x, natürü naxca̱x nax namaxẽxü̃ca̱x ya Cristu ya naxca̱x yucü rü wena írüdacü.


Rü ñu̱xma nax Cristumaxã nayuxü̃ ga tórü maxü̃ ga nũxcümaü̃xü̃, rü nüxü̃ tacua̱x nax Cristurüxü̃ tüxü̃́ nangẽxmaxü̃ i maxü̃ i ngexwaca̱xü̃xü̃.


Natürü i choma rü chaugü chicua̱xüxü̃ erü nüxü̃́ chayaxõ ya tórü Cori ya Ngechuchu ya Cristu ga curuchagu yucü. Rü ngẽmaca̱xicatama nixĩ i chaugü chicua̱xüüxü̃. Rü ñu̱xma nax Cristu ga curuchagu yucüaxü̃́ chayaxõxü̃, rü marü tama nagu charüxĩnü i ñoma i naane rü norü ngẽmaxü̃gü. Rü ngẽxgumarüxü̃ ta i ñoma i naane rü marü tama choxü̃ nacuáxchaü̃.


Rü name nixĩ i pegütama pengugü nax nüxü̃ pecuáxü̃ca̱x rü aixcüma mea peyaxõgü. Rü name nixĩ i pegü pengugüarü maxü̃ã̱x rü aixcüma Tupanape̱xewa pime. ¿Tama ẽ̱xna nüxna pecua̱xãchie nax Ngechuchu ya Cristu rü pewa nangẽxmaxü̃ ega tama perüyixgu i perü õwa i ngẽxguma guxchaxü̃ pexca̱x ínguxgu?


Rü tama name i pecaduna penaxãgü i pexene nax ngẽmamaxã chixexü̃ pexügüxü̃ca̱x. Rü name nixĩ i Tupanana pegü pexãgü, erü ñoma duü̃xü̃gü i yuexü̃ rü wena maxẽxü̃rüxü̃ pixĩgü. Rü ngẽmaca̱x name nixĩ i Tupanana penaxãgü i pexene nax ngẽmamaxã nape̱xewa mexü̃ pexügüxü̃ca̱x.


Rü Ngechuchu ya Cristu rü taxca̱x nayu nax wüxigu namaxã imaxẽxü̃ca̱x i daxũguxü̃ i naanewa. Rü woo marü iyueyane ínanguxgu rüẽ̱xna imaxẽyane ínanguxgu, rü wüxiwa tá namaxã tamaxẽ.


Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.


Rü nüma ga tórü Cori ya Ngechuchu rü nügü inaxã nax tórü pecaduca̱x nayuxü̃ca̱x nax nüxna tüxü̃ ínanguxü̃xẽẽxü̃ca̱x i guxü̃ma i ñoma i naanearü chixexü̃, yerü yema nixĩ ga nanaxwa̱xexü̃ ga Tanatü ya Tupana.


Rü cuxna chaca nax guxü̃ma i ngẽma choxna cumugüxü̃ rü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃. Rü ngẽxgumarüxü̃ ta cuxna chaca nax nümagü rü wüxitama tamaxã yaxĩgüxü̃ nax ngẽmaãcü i ñoma i naanecüã̱x i duü̃xü̃gü yaxõgüxü̃ca̱x nax cuma núma choxü̃ cumuxü̃.


Natürü woo guxü̃ma i ngẽma tüxü̃ nax ngupetüxü̃, rü Ngechuchu ya Cristu ya tüxü̃ ngechaü̃cü, rü tüxü̃ naporaexẽẽãma nax taxuxü̃ma i guxchaxü̃gü tüxü̃ rüyexeraxü̃ca̱x.


Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.


Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.


Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.


Rü ngẽxgumarüxü̃ ta nüxna naxca̱x chaca nax perü õgagu pewa namaxü̃xü̃ca̱x ya Cristu. Rü nüxna chaca nax ngẽma Tupanaarü ngechaü̃ i pewa ngẽxmaxü̃ca̱x rü pema rü wüxigu guxü̃ma i yaxõgüxü̃maxã nüxü̃ pecuáxü̃ nax ñuxãcü nataxüchixü̃ i norü ngechaü̃ i namaxã tüxü̃ nangechaü̃xü̃ ya Cristu.


Rü ngẽmaãcü meama nango̱x nax tama ngẽma mugü inguxẽẽxü̃ca̱x yixĩxü̃ nax Tupanape̱xewa imexü̃. Erü Tupanaarü ore i ümatüxü̃wa rü ñanagürü: “Rü yíxema tümaarü õgagu Tupanape̱xewa mexẽ, rü yíxema tá tixĩ ya aixcüma tüxü̃́ nangẽxmaxẽ i maxü̃ i taguma gúxü̃”, ñanagürü.


Rü Tupana rü poraãcü nüxü̃ nangechaü̃ i ñoma i naanecüã̱x i duü̃xü̃gü. Rü yemaca̱x inanamu ga Nane ga nügümaxã wüxicacü nax guxãma ya texé ya nüxü̃́ yaxõgüxe rü tama itarütauxexü̃ca̱x rü tüxü̃́ nangẽxmaxü̃ca̱x i maxü̃ i taguma gúxü̃.


Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.


Rü Cristugagu nixĩ nax tamaxã namecümaxü̃ ya Tupana i ñu̱xmax erü tayaxõgü. Rü nüxü̃ tacua̱x rü guxü̃gutáma tamaxã namecüma. Rü tataãẽgü erü nüxü̃ tacua̱x nax tüxü̃́ tá nangẽxmaxü̃ i tachica i mexü̃ i Tupanaxü̃tawa.


Rü ngẽma norü orewa nixĩ ya Tupana tamaxã nüxü̃ yaxuxü̃ nax tórü õgaguxicatama yixĩxü̃ nax nape̱xewa imexü̃. Erü norü ore i ümatüxü̃wa rü ñanagürü: “Yíxema tümaarü õgagu Tupanape̱xewa mexẽ, rü tüxü̃́ nangẽxma i maxü̃ i taguma gúxü̃”, ñanagürü.


Rü pema rü ñu̱xma nax naxca̱x pedaugüxü̃ i wüxi i cua̱xruxü̃ nax nüxü̃ pecuáxü̃ca̱x rü aixcüma Cristu chowa idexaxü̃, rü nüma ya Cristu rü taxũtáma nüxü̃ naxüpetümare i perü chixexü̃. Rü petanüwa tá nanango̱xẽxẽ i norü pora.


Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.


Rü nüxü̃ nixugügü ta nax aixcüma ípenangu̱xẽẽxü̃ nax wenaxarü tá daxũwa ne naxũxü̃ ya Ngechuchu ya Tupana Nane ga yuwa ínadaxẽẽãcü. Rü yimá Ngechuchu nixĩ ya tüxü̃ ínguxü̃xẽẽcü nüxna i ngẽma poxcu i ãũcümaxü̃ i tá ínguxü̃.


Choma nixĩ i carnéruarü dauruxü̃ ya mecü chixĩxü̃. Rü wüxi i carnéruarü dauruxü̃ ya mecü rü norü carnérugüxü̃ ínapoxü̃ rü ñu̱xmata naxca̱x nayu̱x.


Chaunatü ga núma choxü̃ mucü rü namaxü̃. Rü nüma choxna nanaxã i maxü̃. Rü ngẽxgumarüxü̃ ta i choma rü tá tüxna chanaxã i maxü̃ ya yíxema choxü̃ yaxúxe rü choxü̃́ yaxṍxe.


Rü dücax, choma rü ĩã̱xwa changẽxma rü ngéma rü tu tu tu, ñacharügü. Rü ngẽxguma chi texé choxü̃ ĩnügu rü cha̱u̱xca̱x tayawãxnagu, rü tá tümaxü̃tagu chaxücu. Rü tümamaxã tá chachibü rü tüma i chomaxã.


Pema rü Ngechuchu ya Cristuxü̃ pengechaü̃gü woo taguma nüxü̃ nax pedaugüxü̃. Rü ñu̱xma rü ta woo tama nüxü̃ pedaugü, natürü nüxü̃́ peyaxõgü, rü poraãcü petaãẽgü. Rü ngẽma perü taãẽmaxã rü pexü̃́ nataxuma i perü dexa nax ñuxãcü nüxü̃ pixugüxü̃ca̱x i ngẽma perü taãxẽ. Erü ngẽma perü õgagu marü penayauxgü i perü maxü̃ i taguma gúxü̃.


Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.


Rü ngẽxguma wüxíe aixcüma tümamücüxü̃ ngechaü̃gu, rü woo tümaarü maxü̃ tümamücüca̱x itaxã. Rü nataxuma i to i ngechaü̃ i ngẽmaarü yexera ixĩxü̃.


Rü nüxü̃ tacua̱xgü rü yema mugü ga Moiché ümatüxü̃ rü tama aixcüma tüxü̃ nimexẽxẽ i Tupanape̱xewa, yerü taxúema aixcüma naga taxĩnüe ga yema mugü. Natürü i ñu̱xma rü Tupana tüxü̃ nadau nax imexü̃ erü Ngechuchu ya Cristuaxü̃́ tayaxõgü. Rü yemaca̱x i yixema rü Ngechuchu ya Cristuaxü̃́ tayaxõgü nax ngẽmagagu Tupana tüxü̃ nadauxü̃ nax imexü̃. Rü ngẽmawa nüxü̃ tacua̱xgü rü tama ngẽma mugügagu nixĩ nax Tupanape̱xewa imexü̃, erü taxúema aixcüma naga taxĩnü i ngẽma mugü nax ngẽmaãcü Tupanape̱xewa imexü̃ca̱x.


Rü ngẽmáacü duü̃xü̃gü tixĩgü, natürü tama ñoma i naanecüã̱xrüxü̃ togü tadai i ngẽxguma ítanapoxü̃gu i Tupanaarü ore.


Toma rü marü cuxü̃́ tayaxõgü, rü nüxü̃ tacua̱x nax cuma quixĩxü̃ ya Cristu ya Üünecü ya Tupana Nane —ñanagürü.


Rü Natanaé nanangãxü̃ rü ñanagürü nüxü̃: —Pa Ngúexẽxẽruxü̃, cuma rü Tupana Nane quixĩ. Rü cuma nixĩ i guxü̃ma i Iraétanüxü̃arü Ãẽ̱xgacü quixĩxü̃ —ñanagürü.


Rü toma rü tama pexü̃ taxucu̱xegüecha nax Tupanaaxü̃́ peyaxõgüxü̃, erü pema rü marü meama peyaxõgü. Natürü ngẽma tanaxwa̱xexü̃ nixĩ nax pexü̃ tarüngü̃xẽẽgüxü̃ nax yexeraãcü peporaexü̃ca̱x i perü õwa.


Rü yexguma ga Chauru rü inanaxügü nax ngutaque̱xepataü̃güwa nüxü̃ yaxuchigaxü̃ nax Ngechuchu yixĩxü̃ ya Tupana Nane.


Rü pemax, Pa Yatügüx, rü name i pema̱xü̃ pengechaü̃gü, yema nax Cristu guxü̃ma i yaxõgüxü̃xü̃ nangechaü̃xü̃ rü norü maxü̃ naxca̱x inaxãxü̃rüxü̃.


Rü woo tama nüxü̃ tadaugügu ya yimá tórü Cori i ñu̱xmax, natürü tayaxõgü nax wüxi i ngunexü̃ rü tá nüxü̃ tadaugüxü̃.


Rü Tanatü ya Tupana rü Nanexü̃ nangechaü̃, rü marü naxme̱xwa nanangẽxmaxẽxẽ i guxü̃ma.


Rü tomatama nüxü̃ tadaugü rü nüxü̃ tixuchigagü nax Tanatü ya Tupana núma namuxü̃ ga Nane nax guxü̃ma i duü̃xü̃güxü̃ namaxẽxẽẽxü̃ca̱x.


Rü niñaxwetaü̃gü, rü dexá íyexmaxü̃wa nangugü. Rü ñanagürü ga yema ãẽ̱xgacü: —Nua nangẽxma i dexá. ¿Rü tama ẽ̱xna inamexü̃ nax nua choxü̃ ícubaiexẽxẽxü̃? —ñanagürü.


Rü yexguma ga ngo̱xo ga Chataná rü Ngechuchuxü̃tawa nangu, nax nüxü̃ naxüxü̃ca̱x. Rü ñanagürü nüxü̃: —Ega aixcüma Tupana Nane quixĩxgu, ¡rü daa nutagüxü̃ namu nax paũxü̃ nanguxü̃xü̃ca̱x! —ñanagürü ga Chataná.


Choma rü chaute ya choxü̃́ ngúchaü̃cüarü chixĩ. Rü nüma rü poraãcü nüxü̃́ changúchaü̃.


Rü Ngechuchuxü̃ nixĩ ga namuxü̃ ga Tupana nax tórü pecaduca̱x nayuxü̃ca̱x. Rü ñu̱xũchi nüma ga Tupana rü wenaxarü Ngechuchuxü̃ ínarüdaxẽxẽ nax nagagu imexü̃ca̱x i Tupanape̱xewa.


Rü yexguma taxucürüwama yigütama imaxẽxẽẽgu, rü nawa nangu nax Tupana yanguxẽẽxü̃ ga yema norü uneta. Rü yexguma nixĩ ga ñoma ga naanewa namuaxü̃ ga Cristu nax pecaduã̱xgüxü̃ca̱x nayuxü̃ca̱x.


Natürü Tupana tüxü̃ nüxü̃ nadauxẽxẽ nax tüxü̃ nangechaü̃xü̃ yerü yexguma ipecaduã̱xgügu nixĩ ga taxca̱x nayuxü̃ ga Cristu.


Natürü ngẽxguma pewa namaxü̃xgu ya Cristu, rü peãxẽ rü namaxü̃ erü Cristugagu Tupana pexü̃́ nüxü̃ inayarüngüma i perü pecadugu. Rü woo i pexene rü pecadugagu tá nayuama, natürü peãxẽ rü Cristugagu tá namaxü̃, erü Tupana pexü̃ nadau nax pimexü̃.


Rü ñu̱xma nax ñoma i naanewa imaxẽxü̃, rü taxúema tügüca̱xtama tamaxü̃ rüe̱xna tügüca̱xtama tayu.


Natürü ngẽxguma wüxi i duü̃xü̃ rü tórü Cori ya Cristuaxü̃́ yaxõõxgu, rü ngẽma naãxẽ i ngẽma duü̃xü̃ rü Cristuãẽmaxã wüxigutama narüxĩnüe.


Rü Cristu ya poraãcü toxü̃ ngechaü̃cü nixĩ ya ñu̱xma tomaxã icuácü, erü tayaxõgü nax nüma rü guxãarü pecaduca̱x nayuxü̃ nax yexma nayuxü̃ca̱x ga nũxcümaxü̃xü̃ ga tacüma ga chixexü̃.


Rü meama nüxü̃ chacua̱x nax aixcüma nüxü̃ chacuáxü̃ i ngẽma Cristuarü ore i aixcüma ixĩxü̃. Rü ngẽma nixĩ i chorü taãxẽ ixĩxü̃. Rü guxü̃ i Acáyaanewa rü taxúetama choxna tanapu i ngẽma taãxẽ i choxü̃́ ngẽxmaxü̃.


Erü cha̱u̱xca̱x rü Cristuarü ngúchaü̃ nax chaxüxü̃ca̱x nixĩ nax chamaxü̃xü̃. Natürü ngẽxguma chayu̱xgu rü ngẽma rü ta name, erü Cristuxü̃tawa tá changexma i ngẽxguma.


Rü guxü̃ma i ngẽma Yudíugüarü chacherdótegüerugü rü nüxü̃ naxunetagü nax Tupanana naxãgüãxü̃ca̱x i ãmaregü rü naxca̱x nadaiaxü̃ca̱x i naxü̃nagü nax Tupana duü̃xü̃güaxü̃́ nüxü̃ rüngü̃maxü̃ca̱x i norü pecadugü. Rü yemaca̱x ga Ngechuchu rü nanaxwa̱xe nax Tupanana naxããxü̃ca̱x i wüxi i ãmare.


Swiv nou:

Piblisite


Piblisite