Gálatas 2:2 - Tupanaarü Ore

² Rü yéma chaxũ yerü Tupana choxü̃ nanawe̱x nax nanaxwa̱xexü̃ nax yéma chaxũxü̃. Rü yéma Yerucharéü̃wa, rü yema yaxõgüxü̃arü ãẽ̱xgacügümaxã changutaque̱xe. Rü meama namaxã nüxü̃ chixu nachiga ga yema Tupanaarü ore i mexü̃ ga yema duü̃xü̃gü i tama Yudíugü ixĩgüxü̃maxã nüxü̃ chixuxü̃. Rü yexguma chaxica namaxã chayexmagu ga yema yaxõgüxü̃arü ãẽ̱xgacügü ga yexera nüxü̃ rücua̱xmaegüxü̃ rü meama namaxã nüxü̃ chixu ga chorü ngu̱xẽẽtaechiga, yerü tama chanaxwa̱xe nax nagu naxĩnüexü̃ nax natüca̱xmamare yixĩxü̃ i ngẽma puracü i chaxüxü̃.

Gálatas 2:2 Referans Kwoze

Gálatas 2:6

Natürü yema yaxõgüxü̃arü ãẽ̱xgacügü ga Yerucharéü̃wa yexmagüxü̃ rü yexguma nüxü̃ naxĩnüegu ga yema chorü ngu̱xẽẽtae, rü namaxã nataãẽgü rü taxuxü̃ma ga ta̱xacü ga togü ga mugü choxna naxãgü nax namaxã changúexẽẽtaexü̃ca̱x. (Natürü tama yema nax ãẽ̱xgacügü yixĩgüxü̃gu charüxĩnü, erü nüxü̃ chacua̱x nax Tupanape̱xewa rü guxãma wüxiguxü̃.)

1 Tesalonicenses 3:5

Rü yemaca̱x ga yexguma marü tama yáxna namaxã chaxĩnügu nax tama pechigaxü̃ chacuáxü̃, rü yemaca̱x düxwa Timutéuxü̃ yéma petanüwa chamu nax pexna yacaxü̃ca̱x rü aixcüma yixĩx nax peyaxõgüamaxü̃ i Tupanaarü ore. Yerü chaxoegaãxẽ rü bexmana Chataná rü chixexü̃gu pexü̃ nayixẽxẽ, rü yemaca̱x natüca̱xmamare chi nixĩ ga torü puracü ga petanüwa taxüxü̃.

Gálatas 2:9

Rü yemaca̱x ga Chantiágu rü Pedru rü Cuáü̃ ga yaxõgüxü̃arü ãẽ̱xgacügü, rü nüxü̃ nicua̱xãchigü nax choxü̃ naxunetaxü̃ ga Tupana nax chanaxüxü̃ca̱x i norü puracü. Rü yemaca̱x ga yema ãẽ̱xgacügü, rü toxme̱x niyauxãchigü ga choma rü Bernabé nax toxü̃ nüxü̃ nadauxẽẽgüxü̃ca̱x nax aixcüma namücügü tixĩgüxü̃ i Tupanaarü puracüwa. Rü nümagü rü ta norü me nixĩ nax ngẽma duü̃xü̃gü i tama Yudíugü ixĩgüxü̃tanüwa nax tanaxüxü̃ i Tupanaarü puracü rü nümagü i Yudíugütanüwa.

1 Corintios 9:26

Rü ngẽmaca̱x i choma rü tama ñoma chauechitamare chiñaxü̃rüxü̃ chixĩ, rü tama ñoma ta̱xacü i nügü daixü̃ i ngürüanegumare idagüxü̃rüxü̃ chixĩ.

1 Corintios 1:23

Natürü ngẽma ore i toma nüxü̃ tixuxü̃, rü Cristu ga curuchawa ipotacüchiga nixĩ. Rü ngẽma ore rü naãxẽwa nangu̱x i ngẽma Yudíugü. Rü ngẽma duü̃xü̃gü i tama Yudíugü ixĩgüxü̃ca̱x rü wüxi i natüca̱xmamare nixĩ.

1 Corintios 9:24

Pema rü meama nüxü̃ pecua̱x i wüxi i inüca i nawa iñaãchixü̃ rü muxü̃ma inaxü̃ãchi, natürü wüxixicatama nixĩ i ngẽma nüxíra ínguxü̃ rü nayaxuxü̃ i norü ãmare. Rü name nixĩ i pegüna pedau nax Tupana pexna naxãxü̃ca̱x i ngẽma perü ãmare.

1 Corintios 2:2

Yerü yexguma petanüwa chayexmagu, rü Cristuchigaxü̃xicatama nixĩ ga pemaxã chixuxü̃. Rü taxuxü̃ma ga ta̱xacü ga to ga orexü̃ pemaxã chixu. Rü Ngechuchu ya Cristu ga curuchawa ipotacüchigaxicatama nixĩ ga pemaxã nüxü̃ chixuxü̃.

Ngechuchuarü ngúexü̃gü ga yamugüxü̃arü puracüchiga 15:12

Rü inanaxügü ga Bernabé rü Pauru nax yadexagüxü̃. Rü guxü̃ma ga yema duü̃xü̃gü rü inarüchianegü rü inarüxĩnüemare. Rü Bernabé rü Pauru rü namaxã nüxü̃ nixugüe nax ñuxãcü Tupana nüxü̃ rüngü̃xẽẽgüxü̃ nax naxügüã̱xü̃ca̱x ga mexü̃gü rü cua̱xruü̃gü ga Tupanaarü poramaxã naxügüxü̃ natanüwa ga yema duü̃xü̃gü ga tama Yudíugü ixĩgüxü̃.

Ngechuchuarü ngúexü̃gü ga yamugüxü̃arü puracüchiga 15:4

Rü Yerucharéü̃wa nangugü ga Pauru rü Bernabé. Rü yema yaxõgüxü̃ rü yema ngúexü̃gü ga Ngechuchu imugüxü̃ rü yema yaxõgüxü̃arü ãẽ̱xgacügü rü meama nanayauxgü. Rü nüma ga Pauru rü Bernabé rü meama namaxã nüxü̃ nixugügü ga guxü̃ma ga yema Tupana nawa üxü̃ ga yexguma duü̃xü̃gümaxã nüxü̃ yaxugügügu ga norü ore.

Filipenses 2:29

Rü chanaxwa̱xe i tórü Coriégagu petaãẽgüãcüma mea penayaxu. Rü name nixĩ i nüxü̃ pengechaü̃gü i ngẽma duü̃xü̃gü i Epaporudíturüxü̃ ixĩgüxü̃.

Ngechuchuarü ngúexü̃gü ga yamugüxü̃arü puracüchiga 23:11

Rü moxü̃ãcüarü chütaxü̃gu Pauruca̱x nango̱x ga Cori ga Tupana, rü ñanagürü nüxü̃: —¡Cugü naporaxẽxẽ! Rü ngẽxgumarüxü̃ i núma Yerucharéü̃wa choxü̃ nax quixuchigaxü̃, rü ngẽxgumarüxü̃ tá ta nixĩ i Rómawa nax choxü̃ quixuchigaxü̃ —ñanagürü ga Tupana.

Ngechuchuarü ngúexü̃gü ga yamugüxü̃arü puracüchiga 18:9

Rü wüxi ga chütaxü̃ rü nango̱xetü ga Pauru. Rü Cori ya Tupana namaxã nidexa, rü ñanagürü: —¡Taxṹ i cumuü̃xü̃! ¡Rü nüxü̃ ixuama i chorü ore! ¡Rü taxṹ i curüchianexü̃!

Ngechuchuarü ngúexü̃gü ga yamugüxü̃arü puracüchiga 5:34

Natürü yema ãẽ̱xgacügütanüwa nayexma ga wüxi ga Parichéu ga Gamarié ga naéga. Rü nüma rü meama nanangúexẽxẽ ga Tupanaarü mugü. Rü guxü̃ma ga duü̃xü̃gü rü nüxü̃ nangechaü̃gü. Rü nüma ga Gamarié inachi rü nanamu nax paxaãchi ínamuxü̃ãxü̃ca̱x ga yema ngúexü̃gü ga Ngechuchu imugüxü̃.

Ore i mexü̃ ga Matéu ümatüxü̃ 10:16

Dücax, choma rü ñoma carnérugü i airugü i düraexü̃tanüwa imugüxü̃rüxü̃ pexü̃ chamugü. ¡Rü ngẽmaca̱x penaxwa̱xe i ãxtapegürüxü̃ pexuãẽgü, natürü muxtucugürüxü̃ taxuxü̃ma i chixexü̃ pexügü!

Ngu̱xẽẽtaeruü̃arü ore 10:1

Wüxitama i murenü i yuxü̃ rü nanayixanexẽxẽ rü inanaxoemaxẽxẽ i ngẽma yixichixü̃ i pumaraema. Rü wüxi ya yatü ya tachigacü rü nüxü̃ cua̱xüchicü rü nügütama nachixexẽxẽ ega woo íxraxü̃ i ore i taxuwama mexü̃xü̃ yaxuxgu.

Ngechuchuarü ngúexü̃gü ga yamugüxü̃arü puracüchiga 15:2

Natürü ga Pauru rü Bernabé rü tama norü me nixĩ ga yema, rü yemaca̱x poraãcü nügü namaxã tachoxü̃gagü ga yema duü̃xü̃gü ga Yudéaanewa ne ĩxü̃. Rü düxwa Pauruxü̃ rü Bernabéxü̃ rü ñuxre ga togü ga Antioquíacüã̱x ga yaxõgüxü̃xü̃ naxunetagü nax Yerucharéü̃wa naxĩxü̃ca̱x nax yema ngúexü̃gü ga Ngechuchu imugüxü̃maxã rü yema yaxõgüxü̃arü ãẽ̱xgacügümaxã yamexẽẽgüãxü̃ca̱x ga yemachiga.

Romanos 9:16

Rü ngẽmaãcü tama ngẽma tümatama tanaxwa̱xexü̃gagu rü ẽ̱xna ngẽma taxüxü̃gagu nixĩ ya Tupana tüxü̃ yaxuxü̃ ya texé. Natürü tüxü̃ nayaxu erü nüxü̃́ tangechaü̃tümüxü̃.

2 Corintios 12:1

Taxuwama name nax yigü icua̱xüü̃xü̃. Natürü tá pemaxã nüxü̃ chixuama nax ñuxãcü tórü Cori choxü̃ nango̱xetüxẽẽxü̃ rü choxü̃ nüxü̃ nacua̱xẽẽxü̃ ga ta̱xacü ga ẽxü̃guxü̃.

Gálatas 1:6

Rü Cristuaxü̃́ pengechaü̃tümüxü̃gü, rü yemaca̱x nixĩ ga pexna naxuxü̃ ya Tupana nax penayaxuxü̃ca̱x i maxü̃ i taguma gúxü̃. Rü ñu̱xma rü poraãcü chaba̱i̱xãchiãxẽ, erü paxaxüchi Tupanana pixĩgachi, nax nawe perüxĩxü̃ca̱x i to i ngu̱xẽẽtae i nagu perüxĩnüegu rü tá pexü̃ maxẽxẽxẽxü̃.

Gálatas 1:12

Rü choma rü tama wüxi ga duü̃xü̃xü̃tawa naxca̱x changu̱x i ngẽma ore. Natürü Ngechuchu ya Cristutama nixĩ ga choxü̃ nüxü̃ cua̱xẽẽcü.

Gálatas 5:7

Pema rü meama ipenaxügü nax Cristuwe perüxĩxü̃. ¿Rü texé pexü̃́ nüxü̃ taxoo̱x nax tama naga pexĩnüexü̃ca̱x i ngẽma ore i aixcüma ixĩxü̃?

Norü taxre ga popera ga Timutéuca̱x naxümatüxü̃ ga Pauru 4:7

Rü choma rü marü chayanguxẽxẽ i ngẽma puracü ya Tupana choxna ãxü̃. Rü ñu̱xma nax chayanguxẽẽxü̃ i ngẽma puracü i choxna naxãxü̃ rü tama nüxü̃ charüxo nax chayaxõxü̃.

Popera ga Yudíugü ga yaxõgüxü̃ca̱x ümatüxü̃ 12:1

Rü yema muxü̃ma ga duü̃xü̃gü ga Tupanaaxü̃́ yaxõgüxü̃ ga yuexü̃, rü ñu̱xma torü ngaicamana nangẽxmagü nax tórü cua̱xruü̃gü yixĩgüxü̃ca̱x. Rü ngẽmaca̱x i ñu̱xmax, ¡rü ngĩxã nüxü̃ tarüxoe i guxü̃ma i ngẽma guxchaxü̃gü rü pecadugü i tüxü̃́ naguxchaxẽẽxü̃ nax mea yaxõgüxü̃! ¡Rü ngĩxã pora taxüe nax nawa ingugüxü̃ca̱x i ngẽma maxü̃ i tape̱xewaama ngẽxmaxü̃!