Gálatas 2:17 - Tupanaarü Ore

¹⁷ Rü ñu̱xma i yixema rü Cristuaxü̃́ tayaxõgü, rü ngẽmaca̱x nixĩ i Tupanape̱xewa imexü̃. Natürü ngẽxguma chi wüxi i ngunexü̃gu rü yixema nagu rüxĩnüegu rü Cristugagu nüxna taxĩgachi i ngẽma mugü rü ngẽmaca̱x tipecaduã̱xgü, rü ngürüãchi tá nagu tarüxĩnüe nax Cristu tüxü̃ pecaduã̱xẽẽxü̃. Natürü tama ngẽmaãcü nixĩ, erü Cristu rü tagutáma texéxü̃ napecaduã̱xẽxẽ.

Gálatas 2:17 Referans Kwoze

Nüxíraxü̃xü̃ ga popera ga Cuáü̃ ümatüxü̃ 3:5

Pema rü marü nüxü̃ pecua̱x rü Ngechuchu ya Cristu rü ñoma ga naanewa naxũ nax iyanaxoxẽẽãxü̃ca̱x i pecadugü. Natürü i nüma rü taguma pecadu naxü.

Gálatas 2:15

Rü cumaxã nüxü̃ chixu rü yixema rü woetama torü bucümatama Yudíugü tixĩgü rü tama ngẽma togü i duü̃xü̃gü i pecaduã̱xgüxü̃ tixĩgü.

Romanos 11:7

¿Rü ñuxãcü yixĩxü̃ i ñu̱xmax? Rü ngẽma rümumaexü̃ i Iraétanüxü̃ rü tama nüxü̃ inayangaugü nax Tupanape̱xewa yamexü̃ca̱x. Natürü ngẽma noxretama i Iraétanüxü̃ ya Tupana dexü̃, rü ngẽmagü nixĩ i nüxü̃ iyangaugüxü̃ nax nape̱xewa yamexü̃ca̱x. Rü guxü̃ma ga yema togü ga Iraétanüxü̃ rü tama naga naxĩnüe.

Popera ga Yudíugü ga yaxõgüxü̃ca̱x ümatüxü̃ 8:2

Rü yimá daxũguxü̃ i naanewa ngẽxmane ya napata ya üünene ga Tupana üxü̃newa nixĩ i taétüwa nachogüxü̃. Rü yima napata rü tama wüxi ya ĩpata ya duü̃xü̃gü üxü̃ne nixĩ.

Gálatas 3:21

¿Rü ñuxũ ñapegüxü̃ i ñu̱xmax? ¿Pexca̱x ẽ̱xna rü yema Moiché ümatüxü̃ ga mugü rü inayanaxoxẽxẽ i Tupanaarü unetagü? Rü dücax, tama ngẽmaãcü nixĩ. Yerü yexguma chi naporagu ga yema mugü nax tüxna naxããxü̃ i maxü̃ i taguma gúxü̃, rü chi Tupanape̱xewa time i ngẽxguma meama yanguxẽẽgu i ngẽma mugü.

Gálatas 2:11

Natürü yixcüra ga yexguma Antioquíawa naxũxgu ga Pedru, rü noxtacüma nüxü̃ nüxü̃ chaxĩnüxẽxẽ, yerü tama aixcüma name ga yema naxüxü̃ namaxã ga yema yaxõgüxü̃ ga tama Yudíugü ixĩgüxü̃.

Romanos 15:8

Rü pemaxã nüxü̃ chixu rü Cristu núma naxũ nax Yudíugüxü̃ yanangü̃xẽẽxü̃ca̱x, nax yemaacü yanguxẽẽãxü̃ca̱x ga yema unetagü ga nũxcümaü̃güxü̃ ga tórü o̱xigümaxã nüxü̃ yaxuxü̃ ga Tupana. Rü yemaacü ga Cristu rü tüxü̃ nüxü̃ nadauxẽxẽ nax aixcümacü nax yixĩxü̃ ya Tupana rü aixcüma yangu̱xẽẽãxü̃ i ngẽma norü uneta.

Romanos 3:6

Natürü ngẽma ñaxü̃gu nax naxĩnüexü̃ i duü̃xü̃gü rü poraãcü ínatüe, erü tama ngẽmaãcü nixĩ. Erü ngẽxguma chi tama yaxaixcümagu ya Tupana, ¿rü ñuxãcü chi i duü̃xü̃güna yacagüxü̃ i naanearü gu̱xgu?

Romanos 3:4

Rü tama ngẽmaãcü nixĩ. Erü woo guxü̃ i duü̃xü̃gü rü yadorata̱a̱xgügu, natürü Tupana rü taguma nidora rü guxü̃guma nayanguxẽxẽ i ngẽma nüma tamaxã inaxunetaxü̃. Rü yemaca̱x norü ore ga Dabí ümatüxü̃wa rü ñanagürü: “Cumax, Pa Tupanax, rü aixcüma nixĩ i curü ore i nüxü̃ quixuxü̃. Rü ngẽxguma cuxü̃ tangugügu rü nüxü̃ tadaugü nax aixcüma cuyanguxẽẽxü̃ i ngẽma nüxü̃ quixuxü̃”, ñanagürü.

Ore i mexü̃ ga Matéu ümatüxü̃ 1:21

Rü ngĩma tá ngĩxü̃́ nangẽxma ya wüxi ya ngĩne, rü cuma rü tá Ngechuchugu cunaxüéga. Rü ngẽma naéga rü “maxẽẽruxü̃”, ñaxü̃chiga nixĩ, erü nüma tá norü pecadugüwa ínananguxü̃xẽxẽ i norü duü̃xü̃gü —ñanagürü.

Ore i mexü̃ ga Luca ümatüxü̃ 20:16

Rü ngéma tá naxũ rü tá nanadai i ngẽma puracütanüxü̃, rü togüna tá nanaxã i norü naane —ñanagürü ga Ngechuchu. Rü yexguma yemaxü̃ naxĩnüegu ga duü̃xü̃gü rü ñanagürügü: —Chierüx Tupana toxü̃ ípoxü̃ nax tama toxü̃ naxüpetüxü̃ca̱x i ngẽma —ñanagürügü.

Gálatas 6:14

Natürü i choma rü chaugü chicua̱xüxü̃ erü nüxü̃́ chayaxõ ya tórü Cori ya Ngechuchu ya Cristu ga curuchagu yucü. Rü ngẽmaca̱xicatama nixĩ i chaugü chicua̱xüüxü̃. Rü ñu̱xma nax Cristu ga curuchagu yucüaxü̃́ chayaxõxü̃, rü marü tama nagu charüxĩnü i ñoma i naane rü norü ngẽmaxü̃gü. Rü ngẽxgumarüxü̃ ta i ñoma i naane rü marü tama choxü̃ nacuáxchaü̃.