Gálatas 2:15 - Tupanaarü Ore

¹⁵ Rü cumaxã nüxü̃ chixu rü yixema rü woetama torü bucümatama Yudíugü tixĩgü rü tama ngẽma togü i duü̃xü̃gü i pecaduã̱xgüxü̃ tixĩgü.

Gálatas 2:15 Referans Kwoze

Popera ga Títoca̱x naxümatüxü̃ ga Pauru 3:3

Yerü ga ü̃pa ga yixema rü ta rü chixexü̃gu tamaxẽ, rü tama Tupanaga taxĩnüe. Rü itayarütauxe rü naguxü̃raü̃xü̃ i tórü ngúchaü̃ tamaxã inacua̱x. Rü chixexü̃gu rüxĩnüeãcüma tamaxẽ rü taxãũxãchiwa̱xegü. Rü yigütanüwa yigüchi taxaie.

Efesios 2:3

Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.

Romanos 3:9

¿Rü ñuxãcü nixĩ i ñu̱xmax? ¿Pexca̱x rü yixema i Yudíugü rü togü i duü̃xü̃güarü yexera Tupanape̱xewa imexü̃? Pemaxã nüxü̃ chixu rü tama ngẽmaãcü nixĩ. Erü guxãma i yixema i Yudíugü rü guxü̃ma i ngẽma tama Yudíugü ixĩgüxü̃, rü tipecaduã̱xgü.

Filipenses 3:4

Rü ngẽxguma chi aixcüma Tupanape̱xewa imexgu nawa i ngẽma nax íwiecha̱xmüü̃pe̱xechiraü̃xü̃, rü choma chi waxi nixĩ i guxü̃ i togüarü yexera choxü̃́ nangẽxma i ta̱xacüca̱x chayaxõxü̃ i ngẽma Yudíugücüma. Rü tataxuchima ya togue ya chorü yexera yaxṍxe i ngẽmachiga.

Romanos 4:16

Rü yexguma Tupana Abraáü̃maxã ixunetagu nax nüxü̃ tá nangü̃xẽẽxü̃, rü Abraáü̃arü õgagu nixĩ ga namaxã inaxunetaxü̃. Rü ngẽmaca̱x i guxãma i yixema nax Abraáü̃rüxü̃ yaxõgüxü̃ rü taxca̱x ta nixĩ ga yema Tupanaarü uneta ga Abraáü̃maxã nüxü̃ yaxuxü̃. Rü ngẽmawa nüxü̃ tacua̱x rü tama yíxema mugü auregüxeca̱xicatama nixĩ i ngẽma Tupanaarü uneta, natürü guxãma ya yíxema Abraáü̃rüxü̃ Tupanaaxü̃́ yaxõgüxeca̱x ta nixĩ. Rü ñu̱xma rü guxãma i yixema nax Abraáü̃rüxü̃ mea yaxõgüxü̃ rü Abraáü̃xacügü tixĩgü rü nüma rü tanatü nixĩ i Tupanape̱xewa yerü nüxíra nayaxõ.

Ngechuchuarü ngúexü̃gü ga yamugüxü̃arü puracüchiga 22:21

Natürü nüma ga Cori rü ñanagürü choxü̃: “¡Paxa cugü namexẽxẽ rü inaxũãchi! Erü yáxü̃guxü̃ i nachixü̃anegüwa tá cuxü̃ chamu i duü̃xü̃gü i tama Yudíugü ixĩgüxü̃tanüwa” —ñanagürü.

Ore i mexü̃ ga Matéu ümatüxü̃ 9:11

Natürü yexguma yemaxü̃ nadaugügu ga Parichéugü, rü Ngechuchuarü ngúexü̃güna nacagü, rü ñanagürügü: —¿Ñuxãcü i perü ngúexẽẽruxü̃ rü namaxã nachibü i ngẽma duü̃xü̃gü i Rómaarü ãẽ̱xgacüca̱x diẽru ngĩxü̃ yauxgüxü̃ rü ngẽma duü̃xü̃gü i pecaduã̱xgüxü̃? —ñanagürügü.

1 Chamué 15:18

Rü yexguma rü cuxca̱x choxna naxãga nax cuyada̱i̱xü̃ca̱x i guxü̃ma i ngẽma Amaréxtanüxü̃ i chixexü̃gu imaxẽxü̃ rü taxuxü̃táma nax ícuyaxüxẽẽxü̃ca̱x.

Ore i mexü̃ ga Luca ümatüxü̃ 24:7

Yerü pemaxã nüxü̃ nixu ga ñuxãcü Tupana Nane ya duü̃xü̃xü̃ ixĩcü tá pecaduã̱xgüxü̃na nanamugü. Rü nümagü rü tá curuchawa nayapotagü rü tomaepü̱x i ngunexü̃gu tá wena namaxü̃ —ñanagürügü ga yema yatügü.

Gálatas 2:17

Rü ñu̱xma i yixema rü Cristuaxü̃́ tayaxõgü, rü ngẽmaca̱x nixĩ i Tupanape̱xewa imexü̃. Natürü ngẽxguma chi wüxi i ngunexü̃gu rü yixema nagu rüxĩnüegu rü Cristugagu nüxna taxĩgachi i ngẽma mugü rü ngẽmaca̱x tipecaduã̱xgü, rü ngürüãchi tá nagu tarüxĩnüe nax Cristu tüxü̃ pecaduã̱xẽẽxü̃. Natürü tama ngẽmaãcü nixĩ, erü Cristu rü tagutáma texéxü̃ napecaduã̱xẽxẽ.