Gálatas 2:14 - Tupanaarü Ore

¹⁴ Natürü yexguma nüxü̃ chada̱u̱xgu nax tama Tupanaarü ore i mexü̃ tüxü̃ ngu̱xẽẽxü̃ãcüma namaxẽxü̃ ga yema yatügü, rü guxü̃ ga yaxõgüxü̃pe̱xewa Pedruxü̃ nüxü̃ chaxĩnüxẽxẽ. Rü ñacharügü nüxü̃: “Dücax i cuma nax Yudíuchire̱x quixĩxü̃, rü ngẽma tama Yudíugü ixĩgüxü̃ãcü cumaxü̃. ¿Rü ñuxãcü i ñu̱xma i cunaxwa̱xexü̃ nax Yudíugücümagu naxĩxü̃ i ngẽma duü̃xü̃gü i tama Yudíugü ixĩgüxü̃?” ñacharügü nüxü̃.

Gálatas 2:14 Referans Kwoze

Gálatas 2:5

Natürü bai ga írarüwa naga nax taxĩnüexü̃ ga yema duü̃xü̃gü. Yerü tanaxwa̱xe nax guxü̃guma naga pexĩnüexü̃ i ngẽma ore i mexü̃ i aixcüma ixĩxü̃.

Ngechuchuarü ngúexü̃gü ga yamugüxü̃arü puracüchiga 10:28

Rü yexguma ga Pedru rü ñanagürü nüxü̃ ga yema duü̃xü̃gü ga yexma ngutaque̱xegüxü̃: —Pema nüxü̃ pecua̱x i toma i Yudíugüca̱x rü nangẽxma i torü mugü i toxna nachu̱xuxü̃ nax pemaxã tangutaque̱xegüxü̃, rü pepatagu nax tachocuxü̃. Natürü Tupana choxü̃ nango̱xetüxẽxẽ rü choxü̃ nüxü̃ nadauxẽxẽ nax tama namexü̃ nax nagu charüxĩnüxü̃ nax tama Tupanape̱xewa timexü̃ ya yíxema tama Yudíugü ixĩgüxe.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:20

Natürü ngẽma yaxõgüxü̃arü ãẽ̱xgacügü i aixcüma pecadugu maxẽxü̃, rü name nixĩ i guxü̃ i yaxõgüxü̃pe̱xewa cunaxucu̱xẽ, nax guxü̃ma i ngẽma togü i yaxõgüxü̃arü ãẽ̱xgacügü rü ta namuü̃exü̃ca̱x nax naxügüãxü̃ i ta̱xacürü chixexü̃.

Gálatas 6:12

Rü ngẽma Yudíugü i pexü̃ ngúexẽẽxü̃ nax pegü ípewíecha̱xmüü̃pe̱xechiraü̃güxü̃ca̱x, rü ngẽmaãcü pexü̃ namu erü nanataãẽxẽẽgüchaü̃ i ngẽma togü i Yudíugü nax tama naxchi naxaiexü̃ca̱x nagagu nax Ngechuchu ya Cristu ga curuchagu yucüaxü̃́ nax yaxõgüãxü̃.

Ucu̱xẽgüchiga 2:7

Nüma ya Cori ya Tupana nixĩ i tüxü̃ nangü̃xẽẽxü̃, rü tüxna nadauxü̃ ya yíxema aixcüma nape̱xewa mea maxẽxe rü taxuxü̃ma i chixexü̃ ügüxe.

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Popera ga Yudíugü ga yaxõgüxü̃ca̱x ümatüxü̃ 12:13

Rü name nixĩ i naxca̱x pedaugü i ngẽma maxü̃ i meama iwéxü̃ nax pema i ñu̱xma tama mea yaxõgüxe tama nüxna ípechocuxü̃ca̱x i ngẽma nama i mexü̃wa pexü̃ gagüxü̃.

Popera ga Yudíugü ga yaxõgüxü̃ca̱x ümatüxü̃ 9:10

Rü yema nũxcümaü̃güxü̃ ga mugü ga õnagüchiga rü axexü̃güchiga rü nacümagüchiga ixĩxü̃, rü duü̃xü̃güarü düxétüxü̃neca̱xicatama nixĩgü. Rü woo name ga yema mugü ga noxrix, natürü yexguma ínanguxgu ga Cristu rü marü yexma nayacua̱x nax duü̃xü̃gümaxã inacuáxü̃ ga yema mugü.

Gálatas 2:9

Rü yemaca̱x ga Chantiágu rü Pedru rü Cuáü̃ ga yaxõgüxü̃arü ãẽ̱xgacügü, rü nüxü̃ nicua̱xãchigü nax choxü̃ naxunetaxü̃ ga Tupana nax chanaxüxü̃ca̱x i norü puracü. Rü yemaca̱x ga yema ãẽ̱xgacügü, rü toxme̱x niyauxãchigü ga choma rü Bernabé nax toxü̃ nüxü̃ nadauxẽẽgüxü̃ca̱x nax aixcüma namücügü tixĩgüxü̃ i Tupanaarü puracüwa. Rü nümagü rü ta norü me nixĩ nax ngẽma duü̃xü̃gü i tama Yudíugü ixĩgüxü̃tanüwa nax tanaxüxü̃ i Tupanaarü puracü rü nümagü i Yudíugütanüwa.

Gálatas 2:7

Natürü nümagü ga yema ãẽ̱xgacügü, rü nüxü̃ nicua̱xãchigü nax choxü̃ yixĩxü̃ ga namuxü̃ ga Tupana nax yema duü̃xü̃gü ga tama Yudíugü ixĩgüxü̃maxã nüxü̃ chixuxü̃ca̱x ga norü ore i mexü̃, yexgumarüxü̃ ga Pedruxü̃ nax namuxü̃rüxü̃ ga Tupana nax Yudíugümaxã nüxü̃ yaxuxü̃ca̱x ga yema ore.

Romanos 14:14

Choma nüxü̃ chacua̱x rü nataxuma i õna i Tupanape̱xewa chixexü̃. Rü aixcümaxü̃chi nüxü̃ chacua̱x i ngẽma erü tórü Cori ya Ngechuchu ya Cristuarü duü̃xü̃ chixĩ, rü nüma choxü̃ nüxü̃ nacua̱xẽxẽ i ngẽma. Natürü ngẽxguma chi texé nagu rüxĩnügu nax tama Tupanape̱xewa namexü̃ i ta̱xacürü õna nax tangṍxü̃, rü name nixĩ i noxtacüma tama nax tanangṍxü̃ ega nagu tarüxĩnügu nax tama namexü̃ i ngẽma.

Ngechuchuarü ngúexü̃gü ga yamugüxü̃arü puracüchiga 15:24

Rü nüxü̃ tacuáchigagü rü ñuxre ga duü̃xü̃gü ga núma ne ĩxü̃ rü woo tama toma yéma tanamugü natürü nümagü rü yéma naxĩ rü Moichéarü mugümaxã pexü̃ nachixewegü rü yemaacü pexü̃ ínatüexẽxẽ.

Ucu̱xẽgüchiga 10:9

Yimá yatü ya mea maxü̃cü rü taxuca̱xma namuü̃, natürü ngẽma chixexü̃gu maxü̃xü̃, rü norü chixexü̃gutama nangu.

Wiyaegü 141:5

Rü choxü̃́ rü wüxi i ngü̃xẽxẽ nixĩ ega ngẽxguma choxü̃ nawe̱xãchixẽẽgu i wüxi i duü̃xü̃ i cupe̱xewa mexü̃. Natürü ngẽma norü ucu̱xẽ i ngẽma chixexü̃ ügüxü̃ rü tama choxü̃́ name rü taxũtáma naga chaxĩnü. Rü guxü̃gutáma chayumüxẽ nax nüxü̃ naxoexü̃ca̱x i ngẽma chixexü̃ i nagu ínamaxẽxü̃ uxcuxẽ

Wiyaegü 58:1

Rü pema, Pa Ãẽ̱xgacügüx, rü pexna chaca ¿rü marü mea namaxã pecuáxü̃ i perü duü̃xü̃gü? ¿Rü aixcüma nawe̱xguxü̃ i ngẽma duü̃xü̃gümaxã pexueguxü̃?

Wiyaegü 15:2

Rü yíxema tüxü̃́ nataxúxe i chixexü̃, rü mexü̃ üxe, rü aixcüma mexü̃ i orexü̃ ixuxe,

Lebítanüxü̃arü puracüchiga 19:17

¡Rü taxṹ i naxchi cuxaiechaxü̃ i cuenexẽ! ¡Rü naxuxcu̱xẽ i cumücü i ngẽxguma chixexü̃ naxü̱xgu rü taxṹ i norü chixexü̃gu cuxãxü̃!

Gálatas 2:3

Rü yema yaxõgüxü̃arü ãẽ̱xgacü rü norü me nixĩ ga yema namaxã nüxü̃ chixuxü̃. Rü yemaca̱x tama nanamu nax ínawiecha̱xmüü̃pe̱xechiraü̃xü̃ ga chomücü ga Títo woo Griégu nax yixĩxü̃.

Ngechuchuarü ngúexü̃gü ga yamugüxü̃arü puracüchiga 15:1

Rü yexgumaü̃cüxü rü nayexma ga ñuxre ga duü̃xü̃gü ga Yudéaanewa ne ĩxü̃ ga Antioquíawa ngugüxü̃. Rü nümagü inanaxügüe ga tüxü̃ nax nangúexẽẽxü̃ ga guxema yaxõgüxe ga Antioquíacüã̱x, rü ñanagürügü: —Ngẽxguma tama pegü ípewiü̃cha̱xmüü̃pe̱xechiraü̃gu yema Moiché tüxü̃ muxü̃rüxü̃ rü taxuacüma pexü̃́ nangẽxma i maxü̃ i taguma gúxü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 15:5

Natürü ñuxre ga Parichéugü ga Ngechuchuaxü̃́ yaxõgüxü̃, rü inachigü, rü ñanagürügü: —Name nixĩ nax nügü ínawiü̃cha̱xmüü̃pe̱xechiraü̃güxü̃ i ngẽma tama Yudíugü ixĩgüxü̃ i ngexwaca yaxõgüxü̃, ngẽma Moichéarü mugü nüxü̃ ixuxü̃rüxü̃ —ñanagürügü.

Gálatas 1:6

Rü Cristuaxü̃́ pengechaü̃tümüxü̃gü, rü yemaca̱x nixĩ ga pexna naxuxü̃ ya Tupana nax penayaxuxü̃ca̱x i maxü̃ i taguma gúxü̃. Rü ñu̱xma rü poraãcü chaba̱i̱xãchiãxẽ, erü paxaxüchi Tupanana pixĩgachi, nax nawe perüxĩxü̃ca̱x i to i ngu̱xẽẽtae i nagu perüxĩnüegu rü tá pexü̃ maxẽxẽxẽxü̃.

Gálatas 1:18

Rü tomaepü̱x ga taunecüguwena rü düxwa Yerucharéü̃wa chaxũ nax Pedruxü̃ chacuáxü̃ca̱x. Rü 15 ga ngunexü̃tama naxü̃tawa chayexma.

Colosenses 1:5

Rü tataãẽgü erü pema rü ípenangu̱xẽxẽ i ngẽma Tupana pexca̱x ímexẽẽxü̃ i daxũguxü̃ i naanewa. Rü yemachiga nixĩ ga marü nüxü̃ pexĩnüexü̃ ga yexguma pemaxã nüxü̃ tixuxgu i Tupanaarü ore i aixcüma ixĩxü̃.