Gálatas 1:3 - Tupanaarü Ore

³ Rü chanaxwa̱xe i Tanatü ya Tupana rü tórü Cori ya Ngechuchu ya Cristu poraãcü pexü̃ nangechaxü̃ rü pexü̃ nataãẽgüxẽxẽ.

Gálatas 1:3 Referans Kwoze

Norü taxre ga popera ga Cuáü̃ ümatüxü̃ 1:3

Rü chanaxwa̱xe i nüma ya Tanatü ya Tupana rü Nane ya Ngechuchu ya Cristu poraãcü pexü̃ rüngü̃xẽẽgü rü nüxü̃́ pengechaü̃tümüxü̃gü rü pexü̃ nataãẽxẽẽgü, erü nüxü̃ pecua̱x i ngẽma ore i aixcüma ixĩxü̃ rü pegü pengechaü̃gü.

2 Corintios 13:14

Rü ñu̱xma rü chanaxwa̱xe i tórü Cori ya Ngechuchu ya Cristu pexü̃ narüngü̃xẽxẽ, rü Tanatü ya Tupana rü pexü̃ nangechaü̃, rü Naãxẽ ya Üünexü̃ rü guxü̃guma pemaxã inarüxã̱ũ̱x.

2 Tesalonicenses 1:2

Rü tanaxwa̱xe i Tanatü ya Tupana rü tórü Cori ya Ngechuchu ya Cristu pexü̃ rüngü̃xẽxẽ rü pexü̃ nataãẽxẽxẽ.

Filipenses 1:2

Rü chanaxwa̱xe i Tanatü ya Tupana rü tórü Cori ya Ngechuchu ya Cristu poraãcü pexü̃ nangechaxü̃ rü pexü̃ nataãẽxẽxẽ.

1 Corintios 1:3

Rü chanaxwa̱xe ya Tanatü ya Tupana rü tórü Cori ya Ngechuchu ya Cristu norü ngechaxü̃gagu poraãcü pexü̃ narüngü̃xẽxẽ rü pexü̃ nataãẽxẽxẽ.

1 Tesalonicenses 1:1

Pa Toenexẽgü i Techarónicawa Ngẽxmagüxü̃ i Tanatü ya Tupana rü Tórü Cori ya Ngechuchu ya Cristuarü Duü̃xü̃gü Ixĩgüxü̃x, choma i Pauru rü namaxã i taenexẽgü i Chilbánu rü Timutéu nixĩ i pexca̱x tanaxümatüxü̃ i ñaa popera. Rü tanaxwa̱xe i Tanatü ya Tupana rü tórü Cori ya Ngechuchu ya Cristu pexü̃ narüngü̃xẽxẽ rü pexü̃ nataãẽxẽxẽ.

Efesios 1:2

Rü chanaxwa̱xe i pexü̃ nangechaxü̃ rü pexü̃ nataãẽxẽxẽ ya Tanatü ya Tupana rü tórü Cori ya Ngechuchu ya Cristu.

2 Corintios 1:2

Rü tanaxwa̱xe i Tanatü ya Tupana rü tórü Cori ya Ngechuchu ya Cristu pexü̃ nangechaxü̃ rü pexna nanaxã i norü taãxẽ.

Gálatas 1:4

Rü nüma ga tórü Cori ya Ngechuchu rü nügü inaxã nax tórü pecaduca̱x nayuxü̃ca̱x nax nüxna tüxü̃ ínanguxü̃xẽẽxü̃ca̱x i guxü̃ma i ñoma i naanearü chixexü̃, yerü yema nixĩ ga nanaxwa̱xexü̃ ga Tanatü ya Tupana.