Gálatas 1:15 - Tupanaarü Ore

^15-16 Natürü yexguma taxũta chabuxgu, rü woetama Tupana choxü̃ naxuneta nax choxü̃ namuxü̃ca̱x nax chanaxüxü̃ca̱x i norü puracü. Rü nüma rü cha̱u̱xca̱x naca nax noxrü chixĩxü̃ca̱x, yerü poraãcü choxü̃ nangechaü̃. Rü yexguma Tupana naxwa̱xegu, rü choxü̃ nüxü̃ nacua̱xẽxẽ ga Nane ya Cristu. Rü yemaacü nanaxü nax ngẽma duü̃xü̃gü i tama Yudíugü ixĩgüxü̃maxã nüxü̃ chixuxü̃ca̱x nax Ngechuchugagu tüxü̃́ nangẽxmaxü̃ i maxü̃ i taguma gúxü̃. Rü yexguma yemaacü Tupana choxü̃ nüxü̃ cua̱xẽẽgu ga Nane, rü taxúenama chayaca.

Gálatas 1:15 Referans Kwoze

Yeremía 1:5

—Yexguma taxũta cuxü̃ chango̱xẽẽgu rü woetama marü choma cuxü̃ chaxuneta. Rü naxü̃pa nax cubuxü̃ rü choma rü marü cuxü̃ chayaxu rü nachixü̃anegüarü orearü uruxü̃ cuxü̃ chixĩxẽxẽ —ñanagürü.

Ichaía 49:5

Rü nüma ya Cori ya Tupana rü chauéanüwa choxü̃ nango̱xẽxẽ nax norü duü̃xü̃ chixĩxü̃ca̱x rü ngẽmaãcü Iraétanüxü̃ i Acóbuarü duü̃xü̃güxü̃ naxca̱x chawoeguxẽẽxü̃ca̱x nax wenaxarü norü duü̃xü̃gü yixĩgüxü̃ca̱x. Rü Tupanape̱xewa rü poraãcü nüxü̃́ chame rü ngẽmaca̱x choxü̃ naporaxẽxẽ. Rü ngẽma nixĩ i nagu charüxĩnü.

Ichaía 49:1

Pema i nachixü̃anegü i márpechinüwa ngẽxmagüxü̃ rü pema i nachixü̃anegü i yáxü̃wa ngẽxmagüxü̃, ¡rü choxü̃́ iperüxĩnüe! Nüma ya Cori ya Tupana choxü̃ naxuneta naxü̃pa nax chabuxü̃. Rü nüxü̃ nixu i chauéga ga yexguma chaueanüwatama chayexmagu.

Norü taxre ga popera ga Timutéuca̱x naxümatüxü̃ ga Pauru 1:9

Rü Tupana tüxü̃ namaxẽxẽxẽ rü tüxü̃ nade nax naxca̱xicatama imaxẽxü̃ca̱x. Natürü tama ta̱xacürü mexü̃ nax ixügüxü̃gagu nixĩ ga yemaacü tamaxã namecümaxü̃ ga Tupana. Natürü tamaxã namecüma yerü woetama yema nixĩ ga norü ngúchaü̃ rü naxü̃pa nax naane naxüxü̃ rü Ngechuchu ya Cristugagu tüxü̃ nangechaxü̃.

1 Corintios 1:9

Rü Tupana rü guxü̃guma nayanguxẽxẽ i norü uneta. Rü nüma nixĩ ga pexü̃ nadexü̃ nax wüxigu Nane ya tórü Cori ya Ngechuchu ya Cristumaxã pexãmücügüxü̃ca̱x.

Romanos 1:1

Pa Chauenexẽgüx rü Pa Chaueya̱xgü ya Rómacüã̱xgüx, choma i Pauru nixĩ i pexca̱x chanaxümatüxü̃ i ñaa popera. Rü choma nixĩ ya Ngechuchu ya Cristuarü duü̃xü̃ chixĩxü̃. Rü choxü̃ nixĩ ga nayaxuxü̃ nax choxü̃ yamuxü̃ca̱x nax duü̃xü̃gümaxã nüxü̃ chixuxü̃ca̱x i norü ore i mexü̃.

Ngechuchuarü ngúexü̃gü ga yamugüxü̃arü puracüchiga 13:2

Rü wüxi ga ngunexü̃ ga yexguma Corica̱x ínangutaque̱xegügu rü tama nachibüeãcüma ínayumüxẽgüguyane, rü Tupanaãxẽ ya Üünecü rü ñanagürü nüxü̃: —¡Choxna penamugü i Chauru rü Bernabé nax naxügüã̱xü̃ca̱x i ngẽma puracü i choma nawa chanamugüchaü̃xü̃! —ñanagürü.

Ngechuchuarü ngúexü̃gü ga yamugüxü̃arü puracüchiga 9:15

Natürü nüma ga Cori rü ñanagürü nüxü̃: —¡Ngéma naxũ! Erü choma chanayaxu i ngẽma yatü nax choxü̃ yaxuchigaxü̃ca̱x namaxã i togü i nachixü̃anecüã̱xgü i duü̃xü̃gü rü norü ãẽ̱xgacügü, rü ngẽma Iraétanüxü̃.

Romanos 8:30

Rü guxema woetama nũxcümama Tupana tüxü̃ dexe, rü tümaca̱x naca nax noxrü tixĩgüxü̃ca̱x. Rü guxema tümaca̱x naca̱xaxe, rü nügüca̱x tüxü̃ nimexẽẽgü. Rü guxema nügüca̱x tüxü̃ yamexẽẽgüxe, rü tüxna nanaxã i tümachica i nügüxü̃tawa.

Romanos 1:5

Rü Ngechuchu ga Cristugagu Tupana chomaxã namecüma rü choxü̃ naxuneta nax norü puracü chaxüxü̃ca̱x. Rü yemaca̱x Ngechuchuégagu choxü̃ namu nax guxü̃ i nachixü̃anewa nüxü̃ chixuxü̃ca̱x i norü ore nax yaxõgüãxü̃ca̱x i duü̃xü̃gü rü Tupanaga naxĩnüexü̃ca̱x.

Ore i mexü̃ ga Matéu ümatüxü̃ 11:26

Rü moxẽ cuxna chaxã, Pa Chaunatüx, erü cuma cunaxwa̱xe nax ngẽmaãcü cunaxüxü̃”, ñanagürü.

1 Chamué 12:22

Rü nümatama ya Cori ya Tupana rü marü pexü̃ nade yerü nanaxwa̱xe nax norü duü̃xü̃gü pixĩgüxü̃. Rü ngẽmaca̱x tagutáma pexü̃ ínawogü erü tama nanaxwa̱xe i texé nüxü̃ tixu nax tama yangu̱xẽẽãxü̃ i norü ore.

Nüxíraxü̃xü̃ ga popera ga Pedru ümatüxü̃ 5:10

Natürü ngẽxguma paxaãchi ñoma i naanewa ngúxü̃ pingegüguwena, rü Tupana rü tá pexü̃ nimexẽxẽ nax aixcüma nape̱xewa pimexü̃ca̱x. Rü woo guxchaxü̃gü pexca̱x ínguxgu, rü tá pexü̃ narüngü̃xẽxẽ nax peyaxõgüamaxü̃ca̱x, rü tá pexü̃ naporaexẽxẽ nax ngẽmaãcü taxuca̱xma pemuü̃exü̃ca̱x. Rü nümatama ya Tupana nixĩ i norü ngechaü̃gagu pexü̃ nadexü̃ nax guxü̃guma naxü̃tawa pexü̃́ nangẽxmaxü̃ca̱x i pechica, erü Ngechuchu ya Cristuaxü̃́ peyaxõgü.

Efesios 3:11

Rü Tupana rü yemaacü nanaxü, yerü woetama nũxcüma nagu narüxĩnü nax tórü Cori ya Ngechuchu ya Cristuwa tá yangu̱xẽẽãxü̃ ga yema norü ĩnü.

Efesios 1:9

Rü tüxü̃ nüxü̃ nacua̱xẽxẽ ga norü ngúchaü̃ ga noxri nüxicatama nüxü̃ nacuáxü̃. Rü yema norü ngúchaü̃ ga nũxcümaxü̃chima Cristumaxã nagu naxĩnüxü̃ ga Tupana, rü yema nixĩ ga ñoma ga naanewa nax namuaxü̃ nax tüxü̃ yamaxẽxẽẽxü̃ca̱x.

Gálatas 1:6

Rü Cristuaxü̃́ pengechaü̃tümüxü̃gü, rü yemaca̱x nixĩ ga pexna naxuxü̃ ya Tupana nax penayaxuxü̃ca̱x i maxü̃ i taguma gúxü̃. Rü ñu̱xma rü poraãcü chaba̱i̱xãchiãxẽ, erü paxaxüchi Tupanana pixĩgachi, nax nawe perüxĩxü̃ca̱x i to i ngu̱xẽẽtae i nagu perüxĩnüegu rü tá pexü̃ maxẽxẽxẽxü̃.

1 Corintios 15:10

Natürü ga Tupana rü chomaxã namecüma, rü ngẽmaca̱x i ñu̱xma rü choxü̃ pedau nax ta̱xacü chixĩxü̃ rü ñuxãcü nax chixĩxü̃. Rü yema chomaxã nax namecümaxü̃ rü tama natüca̱xma nixĩ. Yerü choma rü guxü̃ ga togü ga yamugüxü̃arü yexera chanaxü ga Tupanaarü puracü. Natürü tama chauechama chanaxü ga yema puracü, natürü Tupana ga chomaxã mecümacü rü chomaxã puracücü nixĩ ga naxücü ga yema puracü nax nüxü̃ chixuxü̃ca̱x ga norü ore.

1 Corintios 1:24

Natürü ngẽma duü̃xü̃gü ya Tupana dexü̃ i Yudíugü rüẽ̱xna ngẽma tama Yudíugü ixĩgüxü̃ rü ngẽma duü̃xü̃güca̱x Tupana inanawe̱x i norü pora rü norü cua̱x ga yexguma pecaduca̱x nayu̱xgu ga Cristu.

1 Corintios 1:1

Pa Chauenexẽgü i Coríntiucüã̱xgüx i Yaxõgüxü̃x, choma i Pauru rü namaxã i taenexẽ i Chótene nixĩ i pexü̃ tarümoxẽgüxü̃. Rü choma nixĩ ya Tupana norü ngúchaü̃maxã choxü̃ yaxuxü̃ nax Ngechuchu ya Cristu norü puracüwa choxü̃ muxü̃ca̱x. Rü pema rü marü Tupanape̱xewa pixüüne yerü Ngechuchu ya Cristu marü pexü̃ nixüünexẽxẽ. Rü Tupana rü marü pexü̃ nade nax norü duü̃xü̃gü pixĩgüxü̃ca̱x wüxigu namaxã i guxü̃ma i ngẽma duü̃xü̃gü i guxü̃wama tórü Cori ya Ngechuchu ya Cristuxü̃ icua̱xüü̃güxü̃. Rü nüma ya Ngechuchu ya tórü Cori ixĩcü, rü ngẽma duü̃xü̃güarü Cori rü ta nixĩ.

Ore i mexü̃ ga Luca ümatüxü̃ 10:21

Rü yexgumatama ga Tupanaãxẽ ga Üünexü̃ rü poraãcü Ngechuchuxü̃ nataãẽxẽxẽ. Rü ñanagürü ga Ngechuchu: —Pa Chaunatüx, Pa Dauxü̃guxü̃ i Naane rü Ñoma i Naanearü Yorax, cuxü̃ chicua̱xüxü̃, yerü ñaa chorü ngúexü̃güxü̃ nüxü̃ cucua̱xẽxẽ i ngẽma ore ga na̱xcha̱xwa quicúxü̃ i ngẽma duü̃xü̃gü i ñoma i naanewa nüxü̃ cua̱xüchigüxü̃. Rü yemaacü cunaxü, Pa Chaunatüx yerü yemaacü nixĩ ga cunaxwa̱xexü̃ —ñanagürü.

Romanos 9:24

Rü ngẽmaãcü i yixema nax Yudíugü ixĩgüxü̃, rü tatanüwa Tupana tüxü̃ nidexechi ya ñuxre nax norü duü̃xü̃gü tixĩgüxü̃ca̱x. Rü ngẽxgumarüxü̃ ta i ngẽma tama Yudíugü ixĩgüxü̃tanüwa rü nayadexechi i togü.

Romanos 8:28

Rü nüxü̃ tacua̱x rü tümaarü mexü̃ca̱x nixĩ ya Tupana ínangu̱xẽẽxü̃ i guxü̃ma i ngẽma tüxü̃ üpetüxü̃ ya yíxema nüxü̃ ngechaü̃güxe ga nüma nagu naxĩnüxü̃ca̱x tüxü̃ nadexe.

1 Corintios 1:21

Natürü nüma ya Tupana ya guxü̃xü̃ma cuácü, rü tama nanaxwa̱xe nax ñoma i naanecüã̱x i duü̃xü̃güarü cua̱xgagu nax yixĩxü̃ i naxü̃tawa nangugüxü̃ i nümagü. Natürü nanaxwa̱xe nax ngẽma norü ore i mexü̃gagu nax yixĩxü̃ inamaxẽxẽẽãxü̃ i ngẽma duü̃xü̃gü i yaxõgüxü̃ woo ngẽma togü i duü̃xü̃güca̱x rü natüca̱xmamare yixĩxgu i ngẽma ore.

Gálatas 1:1

Pa Toenexẽgü i Yaxõgüxü̃ i Gárataanearü Ĩanegüwa Ngẽxmagüxü̃x, choma i Pauru rü namaxã i guxü̃ma i taenexẽgü i nua chauxü̃tawa ngẽxmagüxü̃ nixĩ i pexü̃ tarümoxẽgüxü̃ rü pexca̱x tanaxümatüxü̃ i ñaa popera. Rü tama duü̃xü̃gü nixĩ ga choxü̃ unetagüxü̃ nax chanaxüxü̃ca̱x i Tupanaarü puracü. Natürü nüma ya Tanatü ya Tupana ga Ngechuchuxü̃ írüdaxẽẽcü rü nümatama ya Ngechuchu ya Cristu nixĩ ga choxü̃ naxunetagüxü̃.