Filipenses 4:4 - Tupanaarü Ore

⁴ Rü chanaxwa̱xe nax guxü̃guma tórü Corimaxã petaãẽgü. Rü wena pemaxã nüxü̃ chixu, rü ¡petaãxẽgü!

Filipenses 4:4 Referans Kwoze

Romanos 12:12

Rü name nixĩ i taãẽãcü ípenangu̱xẽxẽ ñu̱xmata penayaxu i ngẽma Cristu nüxü̃ unetaxü̃. Rü ngẽxguma ngúxü̃ pexca̱x ínguxgu, rü name nixĩ i yáxna namaxã pexĩnüe. Rü name nixĩ i guxü̃guma peyumüxẽgü.

Filipenses 3:1

Rü ñu̱xma Pa Chauenexẽgüx, rü chanaxwa̱xe i petaãẽgü erü tórü Coriarü duü̃xü̃gü pixĩgü. Rü yema ore ga noxri pexca̱x chaxümatüxü̃ rü tama choxü̃́ nawa̱xtümüü̃ nax wena pexca̱x chanaxümatüxü̃ erü aixcüma pexü̃́ name i ngẽma ore.

Ore i mexü̃ ga Matéu ümatüxü̃ 5:12

¡Rü petaãxẽgüama rü tama pexoegaãẽgü! Erü daxũguxü̃ i naanewa tá penayauxgü i wüxi i perü ãmare i mexẽchixü̃. Rü ngẽma ñu̱xma pexü̃ ngupetüxü̃rüxü̃ nixĩ ga nüxü̃ nangupetüxü̃ ga nũxcümaü̃güxü̃ ga Tupanaarü orearü uruü̃gü.

Nüxíraxü̃xü̃ ga popera ga Pedru ümatüxü̃ 4:13

Natürü narümemae nixĩ nax petaãẽgüxü̃, yerü yema Cristu ngúxü̃ nax ingexü̃rüxü̃ nixĩ i ngúxü̃ nax pingegüxü̃ i ñu̱xmax nax ngẽmaãcü petaãẽgüxü̃ca̱x i ngẽxguma wena núma naxũxgu i nümax.

Wiyaegü 146:2

Rü ñu̱xma nax chamaxü̃xü̃ rü Cori ya Tupanaxü̃ tá chicua̱xüxü̃. Rü ñoma rü ta nax chamaxü̃ rü naxca̱x tá chawiyae ya yimá chorü Tupana.

Ngechuchuarü ngúexü̃gü ga yamugüxü̃arü puracüchiga 16:25

Natürü ngãxü̃cüügu rü nayumüxẽgü ga Pauru rü Chíra, rü nawiyaegü rü Tupanaxü̃ nicua̱xüü̃gü. Rü yema togü ga poxcuexü̃ rü nüxü̃ naxĩnüe.

Ngechuchuarü ngúexü̃gü ga yamugüxü̃arü puracüchiga 5:41

Rü yema ãẽ̱xgacügüna ínixĩ ga yema ngúexü̃gü. Rü nataãẽgü yerü woetama Tupana nanaxwa̱xe nax yemaacü Ngechuchuca̱x ngúxü̃ yangegüxü̃.

Gálatas 1:8

Natürü ngẽxguma chi texé pexü̃ ngúexẽẽgu i wüxi i ore i tama namaxã wüxiguxü̃ i ngẽma ore i mexü̃ i toma pexü̃ tangúexẽẽxü̃, rü name nixĩ i noxtacüma Tupana poxcu tümamaxã naxuegu. Rü woo choma chixĩxgu, rü ẽ̱xna wüxi i Tupanaarü orearü ngeruxü̃ i daxũcüã̱x yixĩxgu i pexü̃ ngu̱xẽẽxü̃ i to i ore, rü name nixĩ i noxtacüma Tupana poxcu tümamaxã naxuegu.

Wiyaegü 33:1

Rü pemax, Pa Duü̃xü̃gü i Tupanaga Ĩnüexü̃x ¡rü nüxü̃ picua̱xüü̃gü! Erü ngéma mexü̃gu rüxĩnüexü̃, rü name nax Cori ya Tupanaxü̃ yacua̱xüü̃güxü̃.

2 Corintios 6:10

Rü woo tangechaü̃gügu, natürü guxü̃guma tataãẽgü. Rü woo ñoma i naanewa tama tamuarü ngẽmaxü̃ã̱xgügu, natürü togagu muxü̃ma i duü̃xü̃gü nanayauxgü i maxü̃ i taguma gúxü̃. Rü woo taxuxü̃ma toxü̃́ nangẽxma i ñoma i naanewa, natürü aixcüma toxü̃́ nangẽxma i guxü̃ma.

Filipenses 2:18

Rü ngẽmaca̱x chanaxwa̱xe nax pema rü ta wüxigu chomaxã petaãẽgüxü̃.