Filipenses 3:3 - Tupanaarü Ore

³ Natürü yíxema aixcüma Tupanape̱xewa imexe, rü yixema tixĩgü. Rü Tupanaxü̃ ticua̱xüü̃gü i Naãxẽ ya Üünexü̃arü ngü̃xẽẽmaxã. Rü tataãẽgü erü Ngechuchu ya Cristuarü duü̃xü̃gü tixĩgü. Rü tama tayaxõgü nax ngẽma yigü íiwíecha̱xmüxü̃pe̱xechiraü̃xü̃ca̱x Tupanape̱xewa imexü̃.

Filipenses 3:3 Referans Kwoze

Colosenses 2:11

Rü ngẽma Yudíugü rü nügü ínawiecha̱xmüü̃pe̱xechiraü̃gu nax Tupanape̱xewa yamexü̃ca̱x. Natürü ñu̱xma nax Cristuaxü̃́ peyaxõgüxü̃ rü tama ngẽma wiecha̱xmüü̃pe̱xechiraü̃gagu nixĩ nax Tupanape̱xewa pimexü̃. Rü ñu̱xma rü nape̱xewa pime erü Cristu pexü̃ ínanguxü̃xẽxẽ nawa i pexenearü ngúchaü̃gü i chixexü̃.

Romanos 7:6

Natürü i ñu̱xma rü marü tama ngẽma mugütüü̃wa tangexmagü, erü Tupana rü marü nüxna tüxü̃ ínanguxü̃xẽxẽ. Rü ngẽmaca̱x i ñu̱xma rü ñoma duü̃xü̃gü i iyuexü̃rüxü̃ tixĩgü nape̱xewa i ngẽma mugü, erü marü tama tamaxã inacua̱x. Rü ñu̱xma rü marü nüxna ítanguxü̃ i ngẽma mugü nax Tupanaarü ngúchaü̃ ixügüxü̃ca̱x rü naxca̱x nax imaxẽxü̃ca̱x namaxã i tórü maxü̃ i ngexwaca̱xü̃xü̃ i Naãxẽ ya Üünexü̃ tüxna ãxü̃.

Wenaxarü naxümatü ga Tupanaarü mugü 30:6

Rü nüma ya perü Cori ya Tupana rü peãẽwa rü petaagüãẽwa tá nayanaxoxẽxẽ i ngẽma chixexü̃ i ngéma ngẽxmaxü̃ nax ngẽmaãcü aixcüma nüxü̃ pengechaü̃güxü̃ca̱x perü maxü̃nemaxã rü peãẽmaxã nax ngẽmaãcü pexü̃́ nangẽxmaxü̃ca̱x i perü maxü̃.

Gálatas 5:25

Rü ñu̱xma nax Tupanaãxẽ ya Üünecü tawa maxü̃xü̃ rü name nixĩ nax nüxna yigü ixãxü̃ nax nüma tamaxã inacuáxü̃ca̱x.

Romanos 8:15

Yerü pema rü tama penayauxgü ga wüxi ga naãxẽ i pexü̃ muü̃ẽẽxü̃. Natürü yema Naãxẽ ga peyauxgüxü̃ rü Tupanaxacügü pexü̃ nixĩgüxẽxẽ. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax Tupanaxü̃ ñagüxü̃: “Pa Papax”, ñagüxü̃ nüxü̃.

Yeremía 4:4

Pa Yudáanecüã̱xgüx rü Pa Yerucharéü̃cüã̱xgüx, ngẽma chixexü̃ i perü maxü̃wa ngẽxmaxü̃ ¡rü pegüwa nüxü̃ pexoó nax tama ngẽma perü chixexü̃gagu pexna nanguxü̃ca̱x i chorü nu, ñoma üxüema inaixü̃ i taxucürüwama texe ixoxẽẽxü̃rüxü̃! —ñanagürü.

Wiyaegü 105:3

¡Rü pegü namaxã picua̱xüü̃gü ya yimá üünecü! Rü pema nax naxca̱x pedaugüxü̃ ¡rü petaãẽgü!

Wenaxarü naxümatü ga Tupanaarü mugü 10:16

¡Rü ngẽmaca̱x nüxü̃ perüoe i ngẽma pecüma i chixexü̃ i perü maxü̃wa ngẽxmaxü̃! Rü tama name i duü̃xü̃gü i tama ixĩnüechaü̃xü̃ pixĩgü.

Efesios 6:18

Rü name i guxü̃guma peyumüxẽgüxü̃. ¡Rü guxü̃guma Tupanaãxẽ i Üünexü̃arü ngü̃xẽẽmaxã Tupanana peca! ¡Rü pexuãxẽ nax taguma nüxü̃ perüxoexü̃ca̱x! Rü ngẽmaãcü name i naxca̱x peyumüxẽgü i guxü̃ma i duü̃xü̃gü i Tupanaaxü̃́ yaxõgüxü̃.

Yeremía 9:26

Rü ngẽmaãcü tá chanapoxcue i ngẽma Equítuanecüã̱xgü, rü Yudátanüxü̃, rü Edóü̃tanüxü̃, rü Amóü̃tanüxü̃, rü Moátanüxü̃, rü ñu̱xũchi guxü̃ma i ngẽma duü̃xü̃gü i ínachianexü̃wa maxẽxü̃ rü nügü idüerugüxü̃ i nügü iwiü̃cha̱xmüü̃pe̱xechiraü̃gümarexü̃ natürü tama chauga ĩnüexü̃. Rü tá chanapoxcue i guxü̃ma i ngẽma Iraétanüxü̃ erü chixexü̃gu namaxẽ rü tama chauga naxĩnüe —ñanagürü.

Romanos 1:9

Rü Tupanaaxü̃́ nixĩ i guxü̃ma i chorü ngúchaü̃maxã chapuracüxü̃ rü nüxü̃ chixuxü̃ i norü ore i mexü̃ i Nanechiga. Rü nüma ya Tupana choxü̃ nadau rü nüxü̃ nacua̱x nax guxü̃guma pexca̱x chayumüxẽxü̃.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Ichaía 45:25

Rü guxü̃ma i Iraétanüxü̃ rü chaugagu tá narüporamaegü rü tá chomaxã nügü nicua̱xüü̃gü —ñanagürü.

Popera ga Yúda ümatüxü̃ 1:20

Natürü pemax, Pa Chauenexẽgü ya Pexü̃ Changechaü̃güxe, ¡rü pegü perüngü̃xẽxẽ̱x nax guxü̃guma yexeraãcü nagu pexĩxü̃ rü peyaxõgüxü̃ i ngẽma ore i üünexü̃ i marü peyauxgüxü̃! ¡Rü guxü̃guma Tupanaãxẽ i Üünexü̃arü ngü̃xẽẽmaxã peyumüxẽgü!

Romanos 15:17

Rü ngẽmaca̱x Ngechuchu ya Cristugagu chataãxẽ namaxã i ngẽma puracü i Tupanaaxü̃́ chaxüxü̃.

Romanos 9:6

Rü ñu̱xma rü woo tama guxü̃ i Yudíugü nax yaxõgüxü̃, natürü taxucürüwama texé nüxü̃ tixu nax Tupana rü tama yangu̱xẽẽãxü̃ i norü uneta. Erü tama guxü̃ma i Yudíugü rü aixcüma Tupanaarü duü̃xü̃gü nixĩgü.

2 Corintios 11:18

Rü ñu̱xma nax nangẽxmaxü̃ i muxü̃ma i duü̃xü̃gü i ñoma i naanewa nügü icua̱xüü̃güxü̃, rü choma rü tá ta chaugü chicua̱xüxü̃.

Gálatas 6:16

Rü Tupanana naxca̱x chaca nax pexü̃ nataãẽxẽẽgüxü̃ca̱x rü nüxü̃́ pengechaü̃tümüxü̃güxü̃ca̱x i guxãma i pema i aixcüma yanguxẽẽgüxe i ngẽma pemaxã nüxü̃ chixuxü̃, rü guxãma ya yíxema aixcüma Tupanaarü duü̃xü̃gü ixĩgüxe.

Filipenses 1:1

Pa Toenexẽgü ya Pirípuwa Ngẽxmagüxex, choma i Pauru rü namaxã i taenexẽ i Timutéu nixĩ i pexca̱x tanaxümatüxü̃ i ñaa popera. Rü toma rü Ngechuchu ya Cristuarü puracütanüxü̃ tixĩgü. Rü pexca̱x tanaxümatü i pema i yaxõgüxü̃arü ãẽ̱xgacügü nax pixĩgüxü̃, rü pema i Tupanapatawa ngü̃xẽẽruü̃gü nax pixĩgüxü̃, rü guxãma i pema ya Ngechuchu ya Cristuaxü̃́ yaxõgüxe.

Filipenses 3:12

Rü ñu̱xma rü tama chanaxwa̱xe i nagu perüxĩnüe nax guxü̃xü̃ chacuáxü̃ i Cristuchiga, rü ẽ̱xna guxü̃wama nax chamexü̃. Natürü naxca̱x chadauama nax Ngechuchu ya Cristuarü ngúchaü̃ chaxüxü̃ca̱x, yerü yemaca̱x nixĩ ga nüma ga cha̱u̱xca̱x nadauxü̃ ga noxrix.

Filipenses 3:14

Rü ngẽmaca̱x i ñu̱xma rü pora chaxü nax Cristuca̱x chamaxü̃xü̃ ñu̱xmatáta daxũguxü̃ i naanewa changu. Erü chanayauxchaü̃ i ngẽma ãmare ya Tupana daxũguxü̃ i naanewa naxca̱x taxca̱x ngẽmaxü̃ i yixema nax Ngechuchu ya Cristuarü duü̃xü̃gü ixĩgüxü̃.