Filipenses 3:1 - Tupanaarü Ore

¹ Rü ñu̱xma Pa Chauenexẽgüx, rü chanaxwa̱xe i petaãẽgü erü tórü Coriarü duü̃xü̃gü pixĩgü. Rü yema ore ga noxri pexca̱x chaxümatüxü̃ rü tama choxü̃́ nawa̱xtümüü̃ nax wena pexca̱x chanaxümatüxü̃ erü aixcüma pexü̃́ name i ngẽma ore.

Filipenses 3:1 Referans Kwoze

Filipenses 4:4

Rü chanaxwa̱xe nax guxü̃guma tórü Corimaxã petaãẽgü. Rü wena pemaxã nüxü̃ chixu, rü ¡petaãxẽgü!

Romanos 5:11

Rü tama ngexicatama nixĩ. Natürü i ñu̱xma rü tórü Cori ya Ngechuchu ya Cristugagu rü Tupanamaxã tataãẽgü, yerü Cristugagu nixĩ ga Tupana ga tamaxã nangüxmüxü̃.

Popera ga Chantiágu ümatüxü̃ 1:2

Pa Chauenexẽgü i Yaxõgüxü̃x, name nixĩ nax petaãẽgüxü̃ i ngẽxguma naguxü̃raü̃xü̃ i guxchaxü̃gü pexca̱x ínguxgu.

Nüxíraxü̃xü̃ ga popera ga Pedru ümatüxü̃ 4:13

Natürü narümemae nixĩ nax petaãẽgüxü̃, yerü yema Cristu ngúxü̃ nax ingexü̃rüxü̃ nixĩ i ngúxü̃ nax pingegüxü̃ i ñu̱xmax nax ngẽmaãcü petaãẽgüxü̃ca̱x i ngẽxguma wena núma naxũxgu i nümax.

1 Tesalonicenses 5:16

Rü name nixĩ i guxü̃guma petaãẽgü.

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.

Nüxíraxü̃xü̃ ga popera ga Pedru ümatüxü̃ 3:8

Rü chanaxwa̱xe i guxãma i pemax rü wüxigu perüxĩnüe, rü pegüxü̃́ pengechaü̃tümüxü̃gü rü pegü pengechaü̃gü, ñoma pegüenexẽxü̃chixü̃ pengechaü̃xü̃rüxü̃. Rü chanaxwa̱xe i aixcüma pemecümagü rü pegü íperüxíxragü.

2 Corintios 13:11

Rü ñu̱xma nax ichayacua̱xẽẽxü̃ i ñaa popera, Pa Chauenexẽgüx, rü chanaxwa̱xe nax petaãẽgüxü̃ rü naxca̱x pedaugüxü̃ nax aixcüma mea Tupanape̱xe pemaxẽxü̃. Rü name nixĩ i pegü petaãẽgüxẽẽxü̃, rü wüxigu perüxĩnüexü̃, rü yáxna pegümaxã pexĩnüexü̃, rü aixcüma pegü pengechaü̃güxü̃. ¡Rü nüma ya Tupana ya tüxü̃ ngechaü̃cü rü tüxü̃ rüngüxmüexẽẽcü, rü guxü̃gutáma pemaxã inarüxã̱ũ̱x!

Norü taxre ga popera ga Pedru ümatüxü̃ 3:1

Pa Chauenexẽgü ya Pexü̃ Changechaü̃güxe, ñaa nixĩ i ngẽma norü taxre i popera i pexca̱x chaxümatüxü̃. Rü ñaa taxre i poperawa wena pexü̃ chixucu̱xẽgü nax mea Tupanaarü oregu perüxĩnüexü̃ca̱x.

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Ore i mexü̃ ga Luca ümatüxü̃ 1:47

Rü chorü Cori ya chorü Maxẽxẽruü̃maxã chataãẽxü̃chi.

Chacaría 10:7

Rü Efraíü̃tanüxü̃ rü ñoma churara i poraxü̃rüxü̃ tá nixĩgü. Rü norü maxü̃newa rü tá nataãẽgü ñoma bínu yaxãgügurüxü̃. Rü ngẽmaxü̃ nadaugügu i nanegü rü naxacügü rü tá ta nataãẽgü. Rü ngẽma Cori naxca̱x ügüxü̃ca̱x tá nixĩ i nataãẽgüxü̃.

Chofonía 3:17

Erü nüma ya Cori ya perü Tupana ixĩcü, rü petanüwa nangẽxma, rü nüma rü poracü nixĩ, rü pexü̃ tá namaxẽxẽxẽ. Rü nüma ya Cori ya Tupana rü tá pemaxã nataãxẽ. Rü ngẽma pexü̃ nax nangechaxü̃xü̃gagu rü ngexwaca̱xü̃xü̃ i maxü̃ tá pexna naxã. Rü ngẽma nax pemaxã nataãẽxü̃ rü nüma ya Tupana rü norü taãẽmaxã tá nawiyae ñoma petachigaarü ngunexü̃gurüxü̃ —ñanagürügü tá. Rü nüma ya Cori ya Tupana rü ñanagürü: —Choma rü tá pexü̃ íchanguxü̃xẽxẽ nawa i ngẽma chixexü̃ i pexü̃ ãxũnexü̃. Rü nawa tá pexü̃ íchanguxü̃xẽxẽ i ngẽma ãne i peétüwa ngẽxmaxü̃.

Chofonía 3:14

¡Pewiyaegü, Pa Duü̃xü̃gü i Chióü̃cüã̱x! ¡Rü taãẽãcü picagüxü̃, Pa Iraéanecüã̱xgüx! ¡Rü petaãxẽ, Pa Yerucharéü̃cüã̱xgüx, rü aixcüma perü maxü̃newa petaãẽgü!

Joel 2:23

¡Rü petaãxẽgü, Pa Chióü̃cüã̱xgü! ¡Rü namaxã petaãẽgü ya Cori ya Tupana! Yerü pexca̱x nanapuxẽxẽ ga yexguma meama nawa nanguxgu nax mucüca̱x napuxẽẽãxü̃ rü taunecüca̱x napuxẽẽãxü̃ yema noxri mea napuxẽẽã̱xgurüxü̃.

Wiyaegü 37:4

¡Rü aixcüma nüxü̃ nangechaxü̃ ya Cori ya Tupana! Rü nüma rü tá nayanguxẽxẽ i ngẽma cuma nagu curüxĩnüxü̃.

Wiyaegü 32:11

¡Cori ya Tupanamaxã petaãẽgü, Pa Duü̃xü̃gü i Mexü̃gu Rüxĩnüexü̃x! ¡Rü petaãẽgü rü taãẽmaxã Tupanaxü̃ picua̱xüü̃gü!

Yox 22:26

Rü ngẽxguma rü tá curü taãxẽ nixĩ ya Tupana rü taxuca̱xtama nüxü̃ cuxãne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:22

Rü yema ngunexü̃gu rü meama nachibüe rü naxaxegü rü poraãcü nataãẽgü nape̱xewa ga Cori ya Tupana. Rü ñu̱xũchi wenaxarü nüxü̃ naxunetagü ga Charomóü̃ ga Dabí nane nax ãẽ̱xgacü yixĩxü̃ca̱x. Rü Tupanape̱xewa chíxü̃maxã nanabaerugü nax nüma Iraéanecüã̱xgümaxã inacuáxü̃ca̱x. Rü yexgumarüxü̃ ta nüxü̃ naxunetagü ga Chadóx nax chacherdótegüarü ãẽ̱xgacü yixĩxü̃ca̱x.

Filipenses 3:3

Natürü yíxema aixcüma Tupanape̱xewa imexe, rü yixema tixĩgü. Rü Tupanaxü̃ ticua̱xüü̃gü i Naãxẽ ya Üünexü̃arü ngü̃xẽẽmaxã. Rü tataãẽgü erü Ngechuchu ya Cristuarü duü̃xü̃gü tixĩgü. Rü tama tayaxõgü nax ngẽma yigü íiwíecha̱xmüxü̃pe̱xechiraü̃xü̃ca̱x Tupanape̱xewa imexü̃.

Ore i mexü̃ ga Matéu ümatüxü̃ 5:12

¡Rü petaãxẽgüama rü tama pexoegaãẽgü! Erü daxũguxü̃ i naanewa tá penayauxgü i wüxi i perü ãmare i mexẽchixü̃. Rü ngẽma ñu̱xma pexü̃ ngupetüxü̃rüxü̃ nixĩ ga nüxü̃ nangupetüxü̃ ga nũxcümaü̃güxü̃ ga Tupanaarü orearü uruü̃gü.

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Ichaía 41:16

Rü ñoma trigu ípecuexechite̱xe rü buanecü naxchire yanaxü̃rüxü̃ tá peyabuxmüxẽxẽ i perü uanügü. Rü ngẽxguma i pemax, Pa Iraétanüxü̃x, rü tá chomaxã petaãẽgü rü tá choxü̃ picua̱xüü̃gü i choma nax perü Tupana ya üünecü chixĩxü̃.

Wiyaegü 149:2

Rü pemax, Pa Iraétanüxü̃ i Chióü̃cüã̱x i Tupanaarü Duü̃xü̃gü Pixĩgüxex ¡rü namaxã petaãxẽgü! Erü nüma nixĩ i perü ãẽ̱xgacü ga pexü̃ nango̱xẽẽxü̃.

Wiyaegü 97:1

¡Nataãxẽ, Pa Ñoma i Naanex! Rü pema Pa Muxü̃ i Capaxũgüx ¡rü petaãxẽgü! Erü nüma ya Cori ya Tupana nixĩ i guxü̃arü ãẽ̱xgacü yixĩxü̃.

Wiyaegü 42:4

Rü ngẽxguma ngẽmagu charüxĩnügu rü marü tama yáxna namaxã chaxĩnü i ngẽma nax chaxaxuxü̃. Rü nüxna chacua̱xãchi ga yexguma Tupanapatawa chanagagügu ga yema muxü̃ma ga duü̃xü̃gü. Rü taãẽãcü moxẽ nüxna taxã rü tanatachigaxẽxẽ.

Wiyaegü 5:11

Natürü name nixĩ nax tataãẽgüxü̃ ya guxãma ya yíxema ya curü ngü̃xẽẽca̱x daugüxe. Rü guxü̃gutáma taãẽãcüma tawiyaegü, erü cuma nixĩ i tüxü̃ ícupoxü̃xü̃. Rü guxãma ya yíxema cuxü̃ ngechaü̃güxe rü tá cugagu tataãẽgü.

Neemía 8:10

Rü ñanagürü ta ga Édra: —¡Ẽcü mea peyachibüe rü bínu ya maixcuracü peyaxagü! ¡Rü tümamaxã pengau ya texé ya tüxü̃́ nataxúxe i tümaarü õna nax wüxigu petaãẽgüxü̃ca̱x! Erü ñoma i ngunexü̃ rü woetama Cori ya Tupanaca̱x ítanaxǘxüchi. Rü ngẽmaca̱x tama name nax pengechaü̃güxü̃ erü ngẽma taãxẽ i tórü Cori ya Tupana tüxna ãxü̃ rü tórü poxü̃ruxü̃ nixĩ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:10

¡Rü pegü namaxã picua̱xüü̃gü ya yimá üünecü! Rü pema nax naxca̱x pedaugüxü̃ ¡rü petaãxẽgü!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:28

Rü yemaacü nüma ga Dabí, rü guxü̃ma ga yema Iraétanüxü̃ rü nagu nicuegü ga carnéruchatacu̱xregü rü nanapaxgü ga platíyugü rü árpagü ga ixíraxü̃ rü árpagü ga ítáxü̃. Rü yemaacü taãẽãcü Yerucharéü̃wa nanangegü ga yema baú ga Tupanaarü mugü nagu nuxü̃.

1 Chamué 2:1

Rü ñaãcü iyumüxẽ ga Ána: —Pa Corix, rü poraãcü cumaxã chataãxẽ erü choxna cunamu ya chaune. Rü ñu̱xma rü choxü̃́ natauxcha nax chanangãxü̃gaxü̃ i ngẽma choxü̃ cugüexü̃ erü cuma choxü̃ curüngü̃xẽxẽ. Rü ngẽmaca̱x chataãẽxü̃chi.

Wenaxarü naxümatü ga Tupanaarü mugü 16:11

Rü Tupanape̱xewa tá penaxü i ngẽma peta nawa i ngẽma nachica ya Tupana nüxü̃ unetaxü̃ nax nawa nangẽxmaxü̃. Rü ngẽma petawa rü name nax ngéma penagagüxü̃ i guxü̃ma i pexacügü rü perü mugüruü̃gü. Rü ngẽxgumarüxü̃ ta name nax nüxna pexuxü̃ i ngẽma Lebítanüxü̃ rü ngẽma to i nachixü̃anecüã̱x i petanüwa ngẽxmagüxü̃. Rü ñu̱xũchi name nax tüxna pexuxü̃ ya yíxema taxcutagü rü yutegüxe i perü ĩanewa ngẽxmagüxe.

Wenaxarü naxümatü ga Tupanaarü mugü 12:18

Rü guxü̃ma i ngẽma Tupanaarü ãmaregü rü penaxwa̱xe i nape̱xewa penangõ̱x nawa i ngẽma nachica i nüma nüxü̃ naxunetaxü̃. Rü ngéma perü Cori ya Tupanape̱xewa rü tá penangõ̱x wüxigu namaxã i pexacügü rü perü puracütanüxü̃ rü ngẽma Lebítanüxü̃ i petanüwa ngẽxmagüxü̃. Rü ngéma chope̱xewa tá petaãẽgü namaxã i ngẽma õna i perü puracüwa peyaxuxü̃.

1 Tesalonicenses 4:1

Ñu̱xma Pa Chauenexẽgüx, rü tórü Cori ya Ngechuchuégagu pexü̃ taca̱xaxü̃ rü pexü̃ tamu nax yema pexü̃ tangúexẽẽxü̃rüxü̃ wüxichigü i ngunexü̃gu yexeraãcü Tupanaca̱x mea pemaxẽxü̃ nax ngẽmaãcü penataãẽxẽẽxü̃ca̱x ngẽma marü pexüxü̃rüxü̃.

Ichaía 65:14

Rü nümagü rü tá taãẽãcüma nawiyaegü, natürü i pema rü tá ngechaü̃maxã rü ĩ̱xãchiãẽmaxã aita pexüe rü pixauxe.

Wiyaegü 33:1

Rü pemax, Pa Duü̃xü̃gü i Tupanaga Ĩnüexü̃x ¡rü nüxü̃ picua̱xüü̃gü! Erü ngéma mexü̃gu rüxĩnüexü̃, rü name nax Cori ya Tupanaxü̃ yacua̱xüü̃güxü̃.