Biblia Todo Logo
Bib sou entènèt

- Piblisite -




Filipenses 1:9 - Tupanaarü Ore

9 Rü chorü yumüxẽwa naxca̱x íchaca nax yexeraãcü pegü pengechaü̃güxü̃ca̱x nax yexeraãcü Tupanaxü̃ pecuáxü̃ca̱x rü nüma yexeraãcü cua̱x pexna naxãxü̃ nax nüxü̃ pecuáxü̃ca̱x nax mea naxca̱x pemaxẽxü̃.

Gade chapit la Kopi




Filipenses 1:9
19 Referans Kwoze  

Rü tanaxwa̱xegü nax tórü Cori ya Ngechuchu pexü̃ rüngü̃xẽẽxü̃ nax yexeraãcü pegü pengechaü̃güxü̃ca̱x rü guxü̃ i duü̃xü̃güxü̃ nax pengechaü̃güxü̃ca̱x, ngẽxgumarüxü̃ i toma rü poraãcü pexü̃ nax tangechaü̃güxü̃rüxü̃.


Rü ngẽmaca̱x i toma ga noxritama pexü̃ tacuáchigagu, rü taguma nüxü̃ tarüchau nax pexca̱x tayumüxẽgüxü̃. Rü guxü̃guma Tupanana naxca̱x tacagü nax mea pexü̃ nüxü̃ nacua̱xẽẽxü̃ca̱x i ngẽma norü ngúchaü̃ nax penaxüxü̃. Rü ngẽxgumarüxü̃ ta nüxna naxca̱x taca nax pexna naxããxü̃ca̱x i naguxü̃raü̃xü̃ i cua̱x i Naãxẽ ya Üünexü̃wa ne ũxü̃.


Cuma rü toxrüxü̃ Cristuaxü̃́ cuyaxõ. Rü ngẽmaca̱x ngẽxguma chayumüxẽgu rü Tupanana naxca̱x chaca nax cuxna naxããxü̃ca̱x i cua̱x nax nüxü̃ cucuáxü̃ca̱x i guxü̃ma i ngẽma mexü̃ i tüxü̃́ tauxchaxü̃ nax naxüxü̃ nagagu nax Ngechuchu ya Cristuaxü̃́ yaxõgüxü̃.


Rü ñu̱xma rü marü penayaxu i ngexwaca̱xü̃xü̃ i perü maxü̃ rü ngexwaca̱xü̃xü̃ i duü̃xü̃gü pixĩgü. Rü guxü̃ i ngunexü̃gu rü Tupana pexü̃ ningexwacaxü̃xẽẽchigü nax yexeraãcü naxrüxü̃ pimexü̃ca̱x rü yexeraãcü nüxü̃ pecuáxü̃ca̱x ya Tanatü ya Tupana ya maxü̃ tüxna ãcü.


Rü ñu̱xma nax naga pexĩnüexü̃ i Tupanaarü ore i aixcüma ixĩxü̃ rü pexü̃́ natauxcha nax pegü pengechaü̃güxü̃ erü Tupana rü marü pexü̃́ inayanaxoxẽxẽ i perü chixexü̃gü. Rü ngẽmaca̱x penaxwa̱xe i guxü̃ i perü ngúchaü̃maxã aixcüma pegü pengechaü̃gü.


Pema rü guxü̃wama mea ipexĩ erü mea peyaxõgü, rü pexü̃́ natauxcha nax mea nüxü̃ pixuxü̃ i Tupanaarü ore erü mea nüxü̃ pecua̱x nax ta̱xacüchiga yixĩxü̃. Rü aixcüma togüxü̃ perüngü̃xẽẽchaü̃, rü yema pexü̃ tangúexẽẽxü̃ãcüma pegü pengechaü̃gü. Rü ñu̱xma rü ngẽxgumarüxü̃ ta penaxwa̱xe nax aixcüma mea ipexĩxü̃ nawa i ngẽma mexü̃ i nacüma nax diẽru ngĩxü̃ ipexãxü̃ naxca̱x i ngẽma taenexẽgü i nüxü̃́ nataxuxü̃.


Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.


Pa Toenexẽgüx, guxü̃guma Tupanana moxẽ pexca̱x taxã. Rü name nixĩ nax ngẽmaãcü tanaxüxü̃, erü pema rü yexeraãcü peyaxõgüetanü, rü wüxichigü i pema rü yexeraãcü pegü pingechaü̃güetanü.


Rü ngẽmaca̱x, Pa Chauenexẽgüx, penaxwa̱xe nax pegü peporaexẽẽxü̃ nax wüxichigü i ngunexü̃ yexeraãcü tórü Cori ya Ngechuchu ya Cristu ya tórü Maxẽxẽẽruü̃xü̃ pecuáxü̃ca̱x rü yexeraãcü nüxü̃ picuáetanüxü̃ca̱x nax aixcüma pexü̃ nangechaü̃xü̃. ¡Rü ngẽmaca̱x name i ñu̱xma rü guxü̃gutáma nüxü̃ ticua̱xüxü̃gü! Rü ngẽmaãcü yixĩ.


Natürü yíxema yaxṍxe ya nüxü̃ cuáxe nax mea tanangugüxü̃ nax ta̱xacü yixĩxü̃ i ngu̱xẽẽtae i mexü̃ rü ẽ̱xna chixexü̃, rü aixcüma nüxü̃ tacua̱x i Tupanaarü ore. Rü yíxema rü ñoma wüxi i duü̃xü̃ i yáxü̃ i namachimaxã ãwemüxü̃rüxü̃ tixĩ.


Rü ñu̱xma rü tama name i duü̃xü̃gü i ngẽãẽmarexü̃ãcü pemaxẽ. Rü name nixĩ nax nüxü̃ pecuáxü̃ i ta̱xacü nixĩ i tórü Cori pexü̃́ naxwa̱xexü̃ nax penaxüxü̃.


Ngẽma mexü̃ i duü̃xü̃gücüma rü ñoma ngexwaca yangunegurüxü̃ nixĩ nax nangóxü̃, rü ngẽmaãcü yexera ningóchigü ñu̱xmata yangóonexü̃chi.


Ñu̱xma Pa Chauenexẽgüx, rü tórü Cori ya Ngechuchuégagu pexü̃ taca̱xaxü̃ rü pexü̃ tamu nax yema pexü̃ tangúexẽẽxü̃rüxü̃ wüxichigü i ngunexü̃gu yexeraãcü Tupanaca̱x mea pemaxẽxü̃ nax ngẽmaãcü penataãẽxẽẽxü̃ca̱x ngẽma marü pexüxü̃rüxü̃.


Natürü yíxema duẽxẽgü i aixcüma mexü̃ ixĩgüxe rü we̱xgu taxĩama. Rü yíxema ngearü chixexü̃ãxẽ rü tiporaetanü.


¡Rü choxü̃ nangu̱xẽxẽ nax mea chauãẽxü̃ chacuáxü̃ca̱x! Erü nagu chayaxõ i ngẽma curü mugü.


Swiv nou:

Piblisite


Piblisite