Filipenses 1:8 - Tupanaarü Ore

⁸ Rü Tupana nüxü̃ nacua̱x nax poraãcü pexü̃ chadauxchaü̃xü̃ rü pexü̃ nax changechaü̃xü̃ i guxãma i pemax, ngẽma Ngechuchu ya Cristu pexü̃ nax ngechaü̃xü̃rüxü̃.

Filipenses 1:8 Referans Kwoze

Filipenses 4:1

Pa Chauenexẽgüx ya Pexü̃ Changechaü̃güxe, poraãcü pexü̃ chadauxchaü̃. Rü pema ya pexü̃ changechaü̃güxe rü chorü taãxẽ pixĩgü. Rü pema nixĩ i chorü ãmare ya Tupana choxna ãxü̃ pixĩgüxü̃. Rü chanaxwa̱xe i guxü̃guma mea tórü Coriaxü̃́ peyaxõgü rü taguma nüxü̃ pexoe.

Romanos 1:9

Rü Tupanaaxü̃́ nixĩ i guxü̃ma i chorü ngúchaü̃maxã chapuracüxü̃ rü nüxü̃ chixuxü̃ i norü ore i mexü̃ i Nanechiga. Rü nüma ya Tupana choxü̃ nadau rü nüxü̃ nacua̱x nax guxü̃guma pexca̱x chayumüxẽxü̃.

Norü taxre ga popera ga Timutéuca̱x naxümatüxü̃ ga Pauru 1:4

Choma rü nüxna chacua̱xãchi nax poraãcü cha̱u̱xca̱x cungechaü̃xü̃ rü cha̱u̱xca̱x cuxaxuxü̃ ga yexguma cuxna íchixũxgu. Rü wenaxarü cuxü̃ chadauxchaü̃ nax aixcüma chataãẽxü̃ca̱x.

1 Tesalonicenses 2:8

Rü poraãcü pexü̃ tangechaü̃, rü yemaca̱x pexna tanaxã ga Tupanaarü ore. Rü tama Tupanaarü orexicatama pexna taxãxchaü̃ ga yexguma, natürü marü ítamemare nax pexca̱x itanaxãxü̃ i torü maxü̃ rü ta, yerü poraãcü pexü̃ tangechaü̃gü.

Romanos 9:1

Pa Chauenexẽgüx, pemaxã tá nüxü̃ chixu i wüxi i ore i aixcüma ixĩxü̃, erü Cristuarü duü̃xü̃ chixĩ. Rü tama chidora. Rü chauãẽwatama nüxü̃ chacua̱x nax aixcüma nax yixĩxü̃ i ngẽma ore, erü Tupanaãxẽ ya Üünecü nixĩ i chauãẽmaxã icuáxü̃.

Popera ga Filemúü̃ca̱x naxümatüxü̃ ga Pauru 1:12

Rü ñu̱xma rü cuxca̱x chanatáeguxẽxẽ i nüma i Onéchimu. Rü chanaxwa̱xe i mea cunayaxu, ñoma choxü̃ cuyaxuxü̃rüxü̃.

Yeremía 31:20

Rü Cori ya Tupana rü ñanagürü: —Ngẽma Efraíü̃tanüxü̃gü̃ rü chaunegü i nüxü̃ changechaü̃güxü̃ nixĩgü. Rü ngẽma nixĩ i chaunegü i yexera nüxü̃ changechaü̃güxü̃. Rü woo yexguma chanapoxcuegu, rü taguma nüxü̃ charüchau nax nüxna chacua̱xãchixü̃. Rü chorü maxü̃newa rü naxca̱x changechaü̃ rü poraãcü choxü̃́ nangechaü̃tümüxü̃gü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Colosenses 2:1

Pa Chauenexẽgüx, chanaxwa̱xe i nüxü̃ pecua̱x nax aixcüma poraãcü pexca̱x chapuracüxü̃. Rü ngẽxgumarüxü̃ ta poraãcü chapuracü naxca̱x i ngẽma taenexẽgü i Laodichéaarü ĩanewa ngẽxmagüxü̃ rü guxü̃ma i ngẽma togü i taguma choxü̃ daugüxü̃.

Gálatas 4:19

Pa Chauxacügüx, wenaxarü ñoma wüxi i mama ngĩxacümaxã ngu̱xnecacürüxü̃ poraãcü pexca̱x ngúxü̃ chinge nax aixcüma mea Cristuaxü̃́ peyaxõgüxü̃ca̱x rü aixcüma naxca̱x nax pemaxẽxü̃ca̱x. Rü ngẽmaãcü tá chixĩ ñu̱xmatáta Cristu naxwa̱xexü̃rüxü̃ pixĩgü i perü maxü̃wa.

Gálatas 1:20

Rü Tupana choxü̃ nadau nax aixcüma yixĩxü̃ i ñaa ore i ñu̱xma pexca̱x chaxümatüxü̃.

2 Corintios 7:15

Rü ñu̱xma i Títo rü yexeraãcü pexü̃ nangechaü̃ i ngẽxguma nüxna nacua̱xãchigu nax ñuxãcü mea naga pexĩnüexü̃ rü ñuxãcü nüxü̃ pengechaü̃ãcüma mea penayaxuxü̃.

2 Corintios 6:12

Rü toma rü tama pexü̃ taxoe, natürü pemawaxi nixĩ i tama toxü̃ pengechaxü̃güxü̃.

Ore i mexü̃ ga Luca ümatüxü̃ 1:78

Tórü Tupana rü poraãcü nüxü̃́ tangechaü̃tümüxü̃gü. Rü ngẽmaca̱x ñoma ngexwaca̱xü̃xü̃ i ngunexü̃arü üa̱xcü ngóxü̃rüxü̃ daxũguxü̃ i naanewa taxca̱x ne nanamu i ñoma i naanearü nangóonexẽẽruxü̃ i ngexwaca̱xü̃xü̃ nax nangóonetanüxẽxẽãxü̃ca̱x i ngẽma duü̃xü̃gü i ẽanexü̃ i ãũcümaxü̃wa ngẽxmagüxü̃. Rü nüma tá tüxü̃ narüngü̃xẽxẽ nax Tupanamaxã rüngüxmüe”, ñanagürü ga Chacaría.

Ichaía 63:15

Dücax, Pa Cori Pa Tupanax, cuma nax daxũguxü̃ i naanewa i üünexü̃ i nachicawa nax cumaxü̃xü̃ rü ¿ngexü̃ nixĩ nax aixcüma toxü̃ cungechaxü̃xü̃? ¿Rü ngexü̃ nixĩ i curü pora? ¿Rü ngexü̃ nixĩ nax yáxna tomaxã cuxĩnüxü̃? ¿Ẽ̱xna marü cuxü̃́ inayagu̱x nax cuxü̃́ tangechaxü̃tümüxü̃güxü̃?

Ichaía 16:11

Rü ngẽmaca̱x Moátanüxü̃ca̱x rü ñu̱xũchi ĩane ya Quíru-erécheca̱x chidu̱xruxarü maxü̃neã̱x, ñoma wüxi i árpacunü idu̱xruxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 3:17

Rü ngẽxguma chi texéaxü̃́ nangẽxmagu i taxü̃ i tümaarü diẽru, rü chi nüxü̃ tada̱u̱xgu i tümamücü nax nüxü̃́ nataxuxü̃ rü tama nüxü̃ tarüngü̃xẽẽgu, rü taxuacüma ñatagürü: “Choma rü Tupanaxü̃ changechaü̃”, ñatagürü.

Popera ga Filemúü̃ca̱x naxümatüxü̃ ga Pauru 1:20

Rü ngẽmaãcü, Pa Chauenexẽ, rü chanaxwa̱xe nax tórü Cori i tüxü̃ ngechaü̃xü̃gagu cha̱u̱xca̱x cunaxü i ngẽma ngü̃xẽxẽ. Rü chanaxwa̱xe i choxü̃ cutaãẽxẽxẽ, erü chauenexẽ i Cristuaxü̃́ yaxõxü̃ quixĩ.

1 Tesalonicenses 2:5

Rü pema nüxü̃ pecua̱x rü taguma pepe̱xewa pexü̃ ticua̱xüü̃gü nax toga pexĩnüexü̃ca̱x, rü taguma pexü̃ tawomüxẽẽgü nax ngĩxü̃ tayauxgüxü̃ca̱x ga perü diẽru. Rü Tupana nixĩ ya toxü̃ daucü nax aixcüma yixĩxü̃ i ngẽma nüxü̃ chixuxü̃.

Colosenses 3:12

Rü ñu̱xma ya Tupana rü pexü̃ nangechaü̃ i pema rü pexü̃ nidexechi nax noxrü pixĩgüxü̃ca̱x. Rü ngẽmaca̱x name nixĩ i nagu pexĩ i ngẽma mexü̃ i nacümagü, rü pexü̃́ nangechaü̃tümüü̃gü i duü̃xü̃gü, rü namaxã pemecümagü, rü taguma pegü picua̱xüü̃gü rü tama penuxwa̱xegü, rü yáxna pexĩnüe ega guxchaxü̃ pexca̱x ínguxgu.

Filipenses 2:26

Rü poraãcü nüxü̃́ nangúchaü̃ nax pexü̃ íyadauxü̃ i guxãma i pemax. Rü poraãcü naxoegaãẽ, yerü pema rü nüxü̃ pecuáchiga nax yada̱xawexü̃ ga nümax.

Filipenses 2:1

Rü ngẽmaca̱x, Pa Chauenexẽgüx, rü ñu̱xma nax Cristuarü duü̃xü̃gü pixĩgüxü̃, ¿rü aixcüma yixĩxü̃ i nüma pexü̃ nataãẽxẽẽxü̃? ¿Rü aixcüma yixĩxü̃ i ngẽma taãẽmaxã togüxü̃ petaãxẽxẽxẽxü̃? ¿Rü aixcüma yixĩxü̃ i Tupanaãxẽ ya Üünecü pexü̃tawa ngẽxmaxü̃? ¿Rü aixcüma yixĩxü̃ i pegüxü̃́ pengechaü̃tümüxü̃güxü̃?

2 Corintios 13:9

Rü toma rü tataãẽgü ega woo taturaegu nax pema peporaexü̃ i perü maxü̃wa. Rü Tupanana tá naxca̱x tacaama nax pexü̃ naporaexẽẽxü̃ca̱x i perü maxü̃wa nax aixcüma mexü̃ i norü duü̃xü̃gü pixĩgüxü̃ca̱x.

Yox 16:19

Rü bexmana tayíxema i daxũguxü̃ i naanewa ya chauétüwa idexaxe rü Tupanape̱xewa nüxü̃ ixuxe i ngẽma nagu charüxĩnüxü̃ nax ngẽmaãcü nüma ya Tupana rü nüxü̃ nadauxü̃ca̱x i ngẽma chauxgüxü̃etü nax ngẽmaãcü nüxü̃́ changechaü̃tümüxü̃xü̃ca̱x.

Gálatas 3:26

Rü ñu̱xma nax Ngechuchu ya Cristuaxü̃́ peyaxõgüxü̃, rü Tupanaxacügü pixĩgü i guxãma i pemax.