Filipenses 1:7 - Tupanaarü Ore

⁷ Rü aixcüma name nax ngẽmaãcü pemaxã nagu charüxĩnüxü̃ i guxãma i pemax, erü poraãcü pexü̃ changechaü̃ rü Tupana rü wüxigu tüxü̃ narüngü̃xẽxẽ i guxãma i yixema. Rü woo ñu̱xma nax chapoxcuxü̃ rüe̱xna ega ãẽ̱xgacügüpe̱xewa choxü̃ nagagügu, rü Tupana choxü̃ narüngü̃xẽxẽ i ngẽxguma norü oreétüwa chidexagu rü ãẽ̱xgacügümaxã nüxü̃ chixuxgu nax ngẽma orewa yixĩxü̃ i nüxü̃ iyarünga̱u̱xü̃ i tórü maxü̃ i taguma gúxü̃. Rü nüxü̃ chacua̱x rü ngẽma choxü̃ nangü̃xẽẽxü̃ãcüma, rü pexü̃ rü ta narüngü̃xẽxẽ.

Filipenses 1:7 Referans Kwoze

2 Corintios 7:3

Rü tama pexü̃ chixuxü̃ca̱x nixĩ i pemaxã nüxü̃ chixuxü̃ i ngẽma. Yerü marü pemaxã nüxü̃ chixu nax guxü̃ i chorü maxü̃nemaxã pexü̃ changechaü̃xü̃. Rü ngẽma pexü̃ nax changechaü̃xü̃gagu rü íchamemare nax wüxigu petanüwa chamaxü̃xü̃ rüe̱xna wüxigu pemaxã chayuxü̃.

Filipenses 1:5

Erü pema rü noxritama Tupanaarü orexü̃ pexĩnüegumama rü poraãcü choxü̃ perüngü̃xẽxẽ nax nüxü̃ chixuxü̃ca̱x i norü ore i mexü̃. Rü ñu̱xma rü ta choxü̃ perüngü̃xẽẽgüecha.

Norü taxre ga popera ga Timutéuca̱x naxümatüxü̃ ga Pauru 2:9

Rü ngẽma Tupanaarü oregagu nixĩ i ngúxü̃ nax chingexü̃ rü ñoma wüxi i máetaxü̃rüxü̃ núma poxcupataü̃wa cadénamaxã chichotaxü̃. Natürü Tupanaarü ore, rü guxü̃wama nanguama rü taxucürüwama texé tayachota.

Colosenses 4:18

Choma i Pauru rü cho̱xme̱xmaxãtama pexca̱x chanaxümatü i ñaa chorü moxẽ. ¡Rü nüxna pecua̱xãchie nax chapoxcuxü̃! Rü chanaxwa̱xe ya Tupana pexü̃ narüngü̃xẽxẽ.

Filipenses 4:14

Natürü ga pema rü wüxi ga mexü̃ choxü̃́ pexügü yerü choxü̃ perüngü̃xẽẽgü ga yexguma guxchaxü̃wa chayexmagu.

Efesios 6:20

Rü Tupana rü choxü̃́ ningucuchixẽxẽ nax nachicüü duü̃xü̃gümaxã nüxü̃ chixuxü̃ca̱x i norü ore. Rü ngẽma oregagu nixĩ i chapoxcuxü̃ i ñu̱xmax. ¡Rü cha̱u̱xca̱x peyumüxẽgü nax tama chamuü̃ãcüma nüxü̃ chixuxü̃ca̱x i ngẽma norü ore!

Efesios 3:1

Rü ñu̱xma i choma i Pauru rü chapoxcu erü Ngechuchu ya Cristuarü puracü chaxü nax pexü̃ charüngü̃xẽẽxü̃ca̱x i pemax i tama Yudíugü nax pixĩgüxü̃.

Ngechuchuarü ngúexü̃gü ga yamugüxü̃arü puracüchiga 20:23

Rü ngẽma nüxü̃ chacuáxü̃ nixĩ nax Tupanaãxẽ ya Üünecü chomaxã nüxü̃ ixuxü̃ nax guxü̃nema ya ĩane i ngextá íchixũgüxü̃wa rü tá choxü̃ napoxcuexü̃ rü ngúxü̃ tá chingexü̃. Rü ngexicatama nixĩ i nüxü̃ chacuáxü̃.

Nüxíraxü̃xü̃ ga popera ga Cuáü̃ ümatüxü̃ 3:14

Yixema rü marü nüxna ítanguxü̃ i ngẽma yu, rü ñu̱xma rü marü maxü̃wa tangexmagü. Nüxü̃ tacua̱x i ngẽma erü nüxü̃ tangechaü̃gü i taenexẽgü. Yíxema tama tümaenexẽxü̃ ngechaü̃xe rü yuxme̱xwa tangexma.

Norü taxre ga popera ga Pedru ümatüxü̃ 1:13

Erü ñu̱xma nax chamaxü̃xü̃ i chomax, rü nagu charüxĩnü nax namexü̃ nax pexna nüxü̃ chacua̱xãchixẽẽxü̃ i ngẽma ore i namaxã pexü̃ chixucu̱xẽgüxü̃, nax ngẽmaãcü pexü̃́ charüngü̃xẽẽxü̃ca̱x nax mea Tupanaca̱x pemaxẽxü̃.

Nüxíraxü̃xü̃ ga popera ga Pedru ümatüxü̃ 4:13

Natürü narümemae nixĩ nax petaãẽgüxü̃, yerü yema Cristu ngúxü̃ nax ingexü̃rüxü̃ nixĩ i ngúxü̃ nax pingegüxü̃ i ñu̱xmax nax ngẽmaãcü petaãẽgüxü̃ca̱x i ngẽxguma wena núma naxũxgu i nümax.

Popera ga Yudíugü ga yaxõgüxü̃ca̱x ümatüxü̃ 3:1

Rü ñu̱xma Pa Chauenexẽgü ya Tupanape̱xewa Üünegüxe, rü pexü̃ nixĩ ya Tupana i nadexü̃ nax norü duü̃xü̃gü pixĩgüxü̃ca̱x. Rü ngẽmaca̱x name nixĩ i mea nagu perüxĩnüe ya Ngechuchu ya Cristu ya Tupana núma namucü. Rü nüma ya Ngechuchu nixĩ i tórü chogüruxü̃ i Tupanape̱xewa tüxü̃ ixüünexẽẽcü. Rü yimáaxü̃́ nixĩ i yaxõgüxü̃.

Norü taxre ga popera ga Timutéuca̱x naxümatüxü̃ ga Pauru 1:8

Rü tama chanaxwa̱xe nax cuxãnexü̃ nax nüxü̃ quixuxü̃ i tórü Corichiga. Rü ngẽxgumarüxü̃ ta tama chanaxwa̱xe nax cha̱u̱xca̱x cuxãnexü̃ i ñu̱xma nax chapoxcuxü̃ naxca̱x i Tupanaarü ore. Rü name nixĩ i yáxna namaxã cuxĩnü i ngẽma ngúxü̃ i cuxca̱x ínguxü̃ nagagu i ngẽma ore i mexü̃ i nüxü̃ quixuxü̃. Rü Tupana tá cuxü̃ naporaxẽxẽ.

1 Tesalonicenses 5:5

Erü guxãma i pema rü Tupanaarü duü̃xü̃gü pixĩgü, rü ngẽmaca̱x ngóonexü̃wa pengẽxmagü. Rü yixema rü tama ẽanexü̃wa tangexmagü rü tama tanaxü i ngẽma chixexü̃ i ẽanexü̃wa üxü̃.

Colosenses 4:3

¡Rü toxca̱x rü ta peyumüxẽgü nax Tupana toxü̃́ natauxchaxẽxẽxü̃ca̱x nax nüxü̃ tixuxü̃ca̱x i norü ore, rü meama duü̃xü̃güca̱x tanango̱xẽxẽxü̃ca̱x i ngẽma ore ga noxri ẽxü̃guxü̃ i Cristuchiga! Rü ngẽma oreca̱x nixĩ i ñu̱xma ichapoxcuxü̃.

Efesios 4:1

Rü ñu̱xma i choma nax Cristuaxü̃́ chapuracüxü̃gagu chapoxcuxü̃, rü pexü̃ chaca̱xaxü̃ nax ngẽma duü̃xü̃gü ga Tupana naxca̱x naca̱xaxü̃rüxü̃ mea pemaxẽxü̃. Rü pexca̱x nixĩ ga naca̱xaxü̃ ga Tupana nax norü duü̃xü̃gü pixĩgüxü̃ca̱x.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

2 Corintios 3:2

Rü pemaxã nüxü̃ tixu rü tama tanaxwa̱xe i wüxi i popera nax duü̃xü̃gü toxü̃ cuáxü̃ca̱x, erü pematama nixĩ i ngẽma popera i toõxẽgu ümatüxü̃. Rü pewa nixĩ i guxü̃ma i duü̃xü̃gü nüxü̃ daugüxü̃ nax aixcüma mexü̃ ga puracü taxüxü̃ ga petanüwa.

1 Corintios 13:7

Rü yíxema aixcüma tüxü̃́ nangẽxmaxẽ i ngechaü̃ rü nüxü̃ tarüngüma i guxü̃ma i guxchaxü̃gü, rü guxü̃guma tayaxõ, rü guxü̃guma mexü̃gu tarüxĩnü, rü guxü̃ma i guxchaxü̃gümaxã yáxna taxĩnü.

1 Corintios 9:23

Rü ngẽmaãcü nixĩ i chapuracüxü̃ nax guxü̃wama nanguxü̃ca̱x i ngẽma ore i mexü̃ i tüxü̃ maxẽxẽẽxü̃. Erü chanaxwa̱xe nax choma rü ta choxü̃́ nangẽxmaxü̃ i ngẽma maxü̃ i taguma gúxü̃, naxrüxü̃ i guxü̃ma i ngẽma duü̃xü̃gü i nüxü̃́ yaxõgüxü̃.

Ngechuchuarü ngúexü̃gü ga yamugüxü̃arü puracüchiga 21:33

Rü yexguma ga gumá ãẽ̱xgacü rü Pauruca̱x nixũ rü nayayaxu. Rü nanamu nax taxre ga cadénamaxã yana̱i̱xgüãxü̃ca̱x. Rü nüxna naca nax texé yixĩxü̃, rü ta̱xacü naxüxü̃.

Nüxíraxü̃xü̃ ga popera ga Pedru ümatüxü̃ 5:1

Rü ñu̱xmax, Pa Yaxõgüxü̃arü Ãẽ̱xgacügüx, rü pemaxã nüxü̃ chixu i wüxi i ucu̱xẽ i mexü̃, erü choma rü ta pexrüxü̃ yaxõgüxü̃arü ãẽ̱xgacü chixĩ. Rü chomaxü̃chima nixĩ ga nüxü̃ chadauxü̃ ga ngúxü̃ nax yangexü̃ ga Cristu. Rü choma rü tá ta pexrüxü̃ choxü̃́ nangẽxma i chauchica i mexü̃ i ngẽxguma wena núma naxũxgu.

Filipenses 1:12

Pa Chauenexẽgüx, chanaxwa̱xe i nüxü̃ pecua̱x rü guxü̃ma i ngẽma choxü̃ üpetüxü̃, rü aixcüma ngẽmaãcü choxü̃ naxüpetü nax yexeraãcü natachigaxü̃ca̱x i Tupanaarü ore i mexü̃.

Filipenses 1:13

Rü ñu̱xma rü guxü̃ma i ngẽma churaragü i ãẽ̱xgacüpataarü dauruü̃gü rü guxü̃ma i ngẽma togü i ngéma ngẽxmagüxü̃ nüxü̃ nacua̱xgü nax Cristuca̱x nixĩ nax chapoxcuxü̃.

Filipenses 1:14

Rü ñu̱xma nax chapoxcuxü̃ rü ngẽma rümumaexü̃ i taenexẽgü i yaxõgüxü̃ rü nüxü̃́ nangúchaü̃ nax tama namuü̃eãcüma nüxü̃ yaxugüxü̃ i Tupanaarü ore.

Filipenses 2:22

Natürü i pema rü marü nüxü̃ pecua̱x nax ñuxãcü mea namaxü̃xü̃ i Timutéu, rü ñuxãcü choxü̃ nangü̃xẽẽxü̃ i Tupanaarü orearü uchigawa, ñoma wüxi i nane i nanatüxü̃ rüngü̃xẽẽxü̃rüxü̃.

Filipenses 4:3

Rü cumax, Pa Chomücü ya Mecü i Wüxigu Tupanaarü Puracüwa Chomaxã Puracücüx, rü cuxna naxca̱x chaca nax nüxü̃ curüngü̃xẽẽxü̃ca̱x i ngẽma taxre i taeya̱xgü. Erü nümagü rü wüxigu chomaxã rü Creméntemaxã rü ngẽma togü i chomücügü i Tupanaarü poperawa marü ngo̱xégagüxü̃maxã napuracüe i Tupanaarü orearü uwa.

Filipenses 4:15

Rü pemax, Pa Yaxõgüxü̃ i Pirípucüã̱x, rü meama nüxü̃ pecua̱x rü yexguma noxri Machedóniaanewa nüxü̃ chixuxgu ga Tupanaarü ore, rü yexguma yéma ichaxũãchigu, rü pexicatama nixĩ ga perü diẽrumaxã choxü̃ perüngü̃xẽẽgüxü̃, rü nataxuma ga togü ga choxü̃ rüngü̃xẽẽgüxü̃.

Popera ga Filemúü̃ca̱x naxümatüxü̃ ga Pauru 1:13

Chierüx chanaxwa̱xe nax nuxma chauxü̃tagu naxã́ũxü̃ nax cuchicüxü choxü̃ nangü̃xẽẽxü̃ca̱x i ñu̱xma nax Tupanaarü oreca̱x chapoxcuxü̃.