Filipenses 1:6 - Tupanaarü Ore

⁶ Rü Tupana rü marü inanaxügü i wüxi i mexü̃ i puracü i perü maxü̃wa. Rü nüxü̃ chacua̱x rü nüma rü guxü̃gutáma nanaxüecha i ngẽma puracü ñu̱xmatáta yanguxẽẽã i ngẽxguma ínanguxgu ya Ngechuchu ya Cristu.

Filipenses 1:6 Referans Kwoze

Filipenses 2:13

Erü Tupana nixĩ ya perü maxü̃wa puracücü nax mexü̃gu perüxĩnüexü̃ca̱x. Rü nüma nixĩ i pexü̃ nangü̃xẽẽxü̃ nax naga pexĩnüexü̃ca̱x rü peyanguxẽẽxü̃ca̱x i ngẽma norü ngúchaü̃.

Efesios 4:12

Rü yemaacü norü duü̃xü̃güxü̃ nangúexẽxẽ nax ngẽma yaxõgüxü̃xü̃ nangü̃xẽẽgüxü̃ca̱x nax ngẽmaãcü guxü̃ma i ngẽma Cristuaxü̃́ yaxõgüxü̃ rü yexeraãcü nüxü̃ yacuáetanüxü̃ca̱x i norü ore rü naga ixĩnüexü̃.

Nüxíraxü̃xü̃ ga popera ga Pedru ümatüxü̃ 5:10

Natürü ngẽxguma paxaãchi ñoma i naanewa ngúxü̃ pingegüguwena, rü Tupana rü tá pexü̃ nimexẽxẽ nax aixcüma nape̱xewa pimexü̃ca̱x. Rü woo guxchaxü̃gü pexca̱x ínguxgu, rü tá pexü̃ narüngü̃xẽxẽ nax peyaxõgüamaxü̃ca̱x, rü tá pexü̃ naporaexẽxẽ nax ngẽmaãcü taxuca̱xma pemuü̃exü̃ca̱x. Rü nümatama ya Tupana nixĩ i norü ngechaü̃gagu pexü̃ nadexü̃ nax guxü̃guma naxü̃tawa pexü̃́ nangẽxmaxü̃ca̱x i pechica, erü Ngechuchu ya Cristuaxü̃́ peyaxõgü.

Wiyaegü 138:8

Rü nüma ya Cori ya Tupana rü aixcüma chauxca̱x tá nayanguxẽxẽ i ngẽma nagu naxĩnüxü̃. Erü cumax, Pa Corix, rü taguma inayagu̱x nax choxü̃ cungechaü̃xü̃ rü chomaxã cumecümaxü̃. ¡Rü taxṹ i choxü̃ ícutáxü̃, Pa Cori Pa Tupanax! Erü cumatama nixĩ i choxü̃ cungo̱xẽẽxü̃.

1 Corintios 1:8

Rü Tupana rü tá pexna nadau ñu̱xmatáta nawa nangu i ngẽma ngunexü̃ i Cristu nagu núma ũxü̃. Rü tá pexü̃ narüngü̃xẽxẽ nax taxúema chixexü̃maxã pexü̃ ixugüxü̃ca̱x i ngẽxguma wenaxarü núma naxũxgu ya tórü Cori ya Ngechuchu ya Cristu.

2 Tesalonicenses 1:11

Rü ngẽmaca̱x guxü̃guma pexca̱x tayumüxẽgü. Rü Tupanana taca nax nüma pexü̃ nadauxü̃ nax mexü̃ i norü duü̃xü̃gü pixĩgüxü̃ i ñu̱xma nax pexü̃ nadexü̃. Rü ngẽxgumarüxü̃ ta nüxna taca nax nümatama norü poramaxã yanguxẽẽãxü̃ca̱x i guxü̃ma i ngẽma mexü̃ i peãẽwa nagu perüxĩnüexü̃ rü guxü̃ma i ngẽma puracügü i perü õgagu pexüxü̃.

Popera ga Yudíugü ga yaxõgüxü̃ca̱x ümatüxü̃ 10:35

Rü ngẽmaca̱x i ñu̱xmax, rü tama name nax nüxü̃ perüxoexü̃ nax Cristuaxü̃́ peyaxõgüxü̃. Erü Tupana rü perü õgagu tá pexna nanaxã i perü ãmare i maxü̃ i taguma gúxü̃.

Ore i mexü̃ ga Cuáü̃ ümatüxü̃ 6:29

Rü Ngechuchu nanangãxü̃ rü ñanagürü nüxü̃: —Rü ngẽma nüma ya Tupana nanaxwa̱xexü̃ nixĩ nax nüxü̃́ peyaxõgüxü̃ ya yimá Nane ya núma namuãcü —ñanagürü.

Filipenses 1:10

Rü ngẽmaãcü pexca̱x chayumüxẽ erü chanaxwa̱xe nax mea penangugüxü̃ i ta̱xacü nixĩ i aixcüma mexü̃ i Tupanape̱xewa. Rü chanaxwa̱xe nax aixcüma namexü̃ i perü maxü̃ nax taxuca̱xma ta̱xacüca̱x Tupana pexna caxü̃ca̱x i ngẽxguma ínanguxgu ya Cristu.

Popera ga Yudíugü ga yaxõgüxü̃ca̱x ümatüxü̃ 12:2

¡Rü ngĩxã Ngechuchuxü̃ tarüdaunü rü nagu taxĩ i nacüma! Yerü nüma nixĩ ga tüxü̃́ natauxchaxẽẽãxü̃ nax yaxõgüxü̃ca̱x. Rü nüma rü tama nügü nachu̱xu nax curuchawa ngúxü̃ yangexü̃, rü tama nagu narüxĩnü ga yema ãne nax yangexü̃, yerü nüxü̃ nacua̱x nax yemawena rü tá nataãẽxü̃. Rü ñu̱xma rü Tupanaarü tochicaxü̃arü tügünecüwawa narüto.

1 Tesalonicenses 1:3

Rü guxü̃guma i ngẽxguma Tanatü ya Tupanamaxã tidexagügu, rü nüxna tacua̱xãchie nax aixcüma mea peyaxõgüãcüma penaxüxü̃ i Tupanaarü puracü, rü nüxü̃ pengechaü̃güãcüma togüxü̃ perüngü̃xẽẽxü̃. Rü mea ípenangu̱xẽẽxü̃ ya tórü Cori ya Ngechuchu ya Cristu rü ngẽmaca̱x yáxna namaxã pexĩnüe i ngẽma ngúxü̃ i ñu̱xma pingegüxü̃.

Popera ga Filemúü̃ca̱x naxümatüxü̃ ga Pauru 1:21

Rü cuxca̱x chanaxümatü i ñaa popera erü nüxü̃ chacua̱x nax aixcüma chauga cuxĩnüxü̃ rü tá cunaxüxü̃ i ngẽma cuxna naxca̱x chacaxü̃arü yexera.

Filipenses 1:29

Rü ñu̱xma nax Tupana pexü̃ natauxchaxẽẽxü̃ nax Cristuaxü̃́ peyaxõgüxü̃, rü ngẽxgumarüxü̃ tá ta pexna nanaxã i pora nax Cristuca̱x ngúxü̃ pingegüxü̃.

2 Tesalonicenses 3:4

Rü tórü Cori ya Ngechuchu toxü̃ nüxü̃ nacua̱xẽxẽ nax aixcüma penaxüxü̃ i ngẽma pexü̃ tamuxü̃, rü guxü̃gutáma penaxüechaxü̃ i ngẽma pemaxã nüxü̃ tixuxü̃.

Colosenses 2:12

Rü yexguma ípebaiü̃gu, rü Cristu itáxü̃rüxü̃ yexma nata̱x ga nũxcümaü̃xü̃ ga perü maxü̃. Rü yema Cristu írüdaxü̃rüxü̃ rü pema rü ta penayaxu i maxü̃ i ngexwaca̱xü̃xü̃, yerü peyaxõgü ga Tupanaarü pora ga namaxã Cristuxü̃ yuwa ínadaxẽẽxü̃.

2 Corintios 7:16

Rü choma rü ta poraãcü pemaxã chataãẽxü̃chi, erü nüxü̃ chacua̱x nax aixcüma peyanguxẽẽxü̃ ga guxü̃ma ga yema pemaxã nüxü̃ chixuxü̃.

Ngechuchuarü ngúexü̃gü ga yamugüxü̃arü puracüchiga 11:18

Rü yexguma yema orexü̃ naxĩnüegu ga yema yaxõgüxü̃ ga Yerucharéü̃cüã̱x, rü nachianegümare. Rü Tupanaxü̃ nicua̱xüü̃gü. Rü ñanagürügü: —Rü ngẽmawa nüxü̃ tacua̱x nax Tupana tüxü̃ dexü̃ ya yíxema woo tama Yudíugü ixĩgüxe. Rü ngẽxguma nüxü̃ tarüxoegu i tümaarü chixexü̃ rü Tupanaca̱x tadaugügu, rü nüma tüxna nanaxã i maxü̃ i taguma gúxü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 16:14

Rü yéma iyexma ga wüxi ga ngecü ga Lídia ga ngĩéga ga Tupanaxü̃ icua̱xüxü̃cü. Rü Tiatíra ga ĩanecüã̱x iyixĩ. Rü dauxracharaxü̃ ga naxchirumaxã itaxe yerü yema nixĩ ga ngĩrü puracü. Rü ngĩma rü meama yéma irüxĩnü, yerü nüma ga Cori ya Tupana rü ngĩxü̃́ nanangúchaü̃xẽxẽ nax mea inaxĩnüxü̃ca̱x ga yema ore ga Pauru nüxü̃ ixuxü̃.

Gálatas 5:10

Choma rü chayaxõ nax tórü Cori tá pexü̃ rüngü̃xẽẽxü̃ nax choma nagu charüxĩnüxü̃gu perüxĩnüexü̃ca̱x. Natürü ngẽma duü̃xü̃ i pexü̃ chixeãẽxẽẽxü̃, rü Tupana rü tá nanapoxcu woo texé tixĩxgu.

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

2 Corintios 9:4

Erü ngẽxguma chi ñuxre i taenexẽgü i Machedóniaanecüã̱x rü ngürüãchi chomaxã petanüwa naxĩxgu, rü tama chanaxwa̱xe nax pexü̃ nax iyangauxü̃ nax tama aixcüma ípememarexü̃ nax ngĩxü̃ ipexãxü̃ i ngẽma diẽru. Rü toxü̃́ rü chi wüxi i ãnexüchi nixĩ, erü marüchire̱x namaxã nüxü̃ tixu nax pema rü aixcüma ípememarexü̃ nax ngĩxü̃ ipexãgüxü̃ i ngẽma diẽru. Rü pexü̃́ rü chi ta wüxi i ãnexüchi nixĩ.

2 Corintios 2:3

Rü yemaca̱x nixĩ ga yemaacü pexca̱x popera chaxümatüxü̃, yerü tama chanaxwa̱xe nax choxü̃ pengechaü̃xẽẽxü̃ ga yexguma chi yéma chaxũxgu, erü pema nixĩ i chanaxwa̱xexü̃ nax choxü̃ petaãẽxẽẽgüxü̃. Rü aixcüma nagu charüxĩnü rü ngẽxguma choma chataãẽxgu rü pema rü tá ta petaãxẽgü.

2 Corintios 1:15

Rü yemagu charüxĩnüãcü nixĩ ga noxri nagu charüxĩnü nax petanüwaxíra chaxũxü̃ nax pexü̃ íchayadauxü̃ca̱x rü ngẽmaãcü pexü̃ nax charüngü̃xẽẽxü̃ca̱x. Rü nagu charüxĩnü rü ngẽxguma Machedóniaanewa chaxũxgu nax petanügu íchidauxü̃, rü ngẽxguma chataeguxgu rü wenaxarü petanügu íchidauxü̃. Rü ngẽxguma tá ningu nax taxree̱xpü̱xcüna petanüwa chaxũxü̃ nax ngẽmaãcü pexü̃́ natauxchaxü̃ca̱x nax choxü̃ perüngü̃xẽẽxü̃ nax Yudéaanewa chaxũxü̃ca̱x.

Filipenses 2:12

Rü ngẽmaca̱x chanaxwa̱xe i chauga pexĩnüe, Pa Chauenexẽgü ya Pexü̃ Changechaü̃güxe. Rü yéma petanüwa chayexmagu chauga nax pexĩnüexü̃arü yexera chanaxwa̱xe i chauga pexĩnüe i ñu̱xma nax tama petanüwa changexmaxü̃. Rü chanaxwa̱xe i Tupanaxü̃ pemuü̃ẽãcüma pegü peporaexẽxẽ nax nawe perüxĩxü̃ i ngẽma ore i maxü̃ tüxna ãxü̃.