Filipenses 1:4 - Tupanaarü Ore

⁴ Rü ngẽxguma chayumüxẽgux, rü guxü̃guma chataãẽãcüma pexca̱x chayumüxẽ i guxãma i pemax.

Filipenses 1:4 Referans Kwoze

1 Tesalonicenses 1:2

Rü torü yumüxẽwa rü guxü̃guma pexna tacua̱xãchigü, rü pexca̱x Tupanana moxẽ taxã.

Norü taxre ga popera ga Cuáü̃ ümatüxü̃ 1:4

Rü poraãcü chataãxẽ ga yexguma nüxü̃ chada̱u̱xgu nax ñuxãcü ñuxre i petanüxü̃ rü aixcüma mea naga nax naxĩnüexü̃ i ngẽma ore i aixcüma ixĩxü̃, yema Tanatü ya Tupana tüxü̃ muxü̃rüxü̃.

Romanos 1:9

Rü Tupanaaxü̃́ nixĩ i guxü̃ma i chorü ngúchaü̃maxã chapuracüxü̃ rü nüxü̃ chixuxü̃ i norü ore i mexü̃ i Nanechiga. Rü nüma ya Tupana choxü̃ nadau rü nüxü̃ nacua̱x nax guxü̃guma pexca̱x chayumüxẽxü̃.

Filipenses 2:2

Rü ngẽxguma chi ngẽmaãcü yixĩxgu, rü chanaxwa̱xe i guxãma wüxigu perüxĩnüe, rü aixcüma guxãma pegü pengechaü̃gü, rü guxãma wüxitama i ĩnü pexü̃́ nangẽxma, rü guxãma wüxitama i ngúchaü̃ca̱x pedau. Rü ngẽxguma ngẽmaãcü pemaxẽgu rü wüxi i chorü taãxẽ tá nixĩ.

Popera ga Filemúü̃ca̱x naxümatüxü̃ ga Pauru 1:7

Rü choma rü poraãcü chataãẽxü̃chi erü aixcüma nüxü̃ cungechaü̃ i ngẽma yaxõgüxü̃. Erü cugagu nixĩ, Pa Chauenexẽx, nax nataãẽgüxü̃ i ngẽma yaxõgüxü̃.

Colosenses 2:5

Rü woo tama petanüwa nax changexmaxü̃, natürü chauãẽwa rü poraãcü pegu charüxĩnü. Rü wüxi i chorü taãxẽ nixĩ nax nüxü̃ chacuáxü̃ nax mea pegümaxã ipecuáxü̃ rü tama nüxü̃ perüxoexü̃ nax Cristuaxü̃́ peyaxõgüxü̃.

Filipenses 4:1

Pa Chauenexẽgüx ya Pexü̃ Changechaü̃güxe, poraãcü pexü̃ chadauxchaü̃. Rü pema ya pexü̃ changechaü̃güxe rü chorü taãxẽ pixĩgü. Rü pema nixĩ i chorü ãmare ya Tupana choxna ãxü̃ pixĩgüxü̃. Rü chanaxwa̱xe i guxü̃guma mea tórü Coriaxü̃́ peyaxõgü rü taguma nüxü̃ pexoe.

Filipenses 3:18

Rü marü mue̱xpü̱xcüna pemaxã nüxü̃ chixu, rü ñu̱xma rü chaxauxãcüma wena pemaxã nüxü̃ chixu rü nangẽxma i muxü̃ma i duü̃xü̃gü i Cristuarü curuchaarü uanüãcüma maxẽxü̃.

Ore i mexü̃ ga Luca ümatüxü̃ 15:10

Rü pemaxã nüxü̃ chixu rü ngẽxgumarüxü̃ ta nataãẽgü i daxũcüã̱x i Tupanaarü orearü ngeruü̃gü i ngẽxguma wüxi i duü̃xü̃ i pecaduã́xü̃ nüxü̃ rüxoxgu i nacüma i chixexü̃ rü Tupanaaxü̃́ yaxõõgu —ñanagürü ga Ngechuchu.

Ore i mexü̃ ga Luca ümatüxü̃ 15:7

Rü pemaxã nüxü̃ chixu rü daxũguxü̃ i naanewa rü naxca̱x nataãẽgü i 99 i duü̃xü̃gü i marü Tupanaarü ixĩgüxü̃, natürü yexera naxca̱x nataãẽgü i ngẽma wüxi i pecaduã́xü̃ i nüxü̃ rüxoxü̃ i nacüma i chixexü̃ rü Tupanaaxü̃́ yaxõxü̃.

Ore i mexü̃ ga Márcu ümatüxü̃ 5:5

Rü ngunecü rü chütacü rü yuetachique̱xetanügu rü ma̱xpǘnegügu narüxũũxü̃. Rü yexma nanacaeane, rü nutamaxã nügügu napogü.