Filipenses 1:10 - Tupanaarü Ore

¹⁰ Rü ngẽmaãcü pexca̱x chayumüxẽ erü chanaxwa̱xe nax mea penangugüxü̃ i ta̱xacü nixĩ i aixcüma mexü̃ i Tupanape̱xewa. Rü chanaxwa̱xe nax aixcüma namexü̃ i perü maxü̃ nax taxuca̱xma ta̱xacüca̱x Tupana pexna caxü̃ca̱x i ngẽxguma ínanguxgu ya Cristu.

Filipenses 1:10 Referans Kwoze

Romanos 12:2

Rü tama name i ñoma i naanecüã̱x i duü̃xü̃gücümagu pexĩ. Natürü name nixĩ i Tupanana pegü pexãgü nax nüma pexü̃ naxüchicüüxü̃ca̱x rü ngexwaca̱xü̃xü̃ i peãxẽ pexü̃́ ngẽxmaxü̃ca̱x. Rü ngẽmaãcü tá nüxü̃ pecua̱x i ta̱xacü nixĩ ya Tupana pexü̃́ naxwa̱xexü̃, rü ta̱xacü nixĩ i nape̱xewa mexü̃, rü ta̱xacü nixĩ i namaxã nataãẽxü̃ rü ta̱xacü nixĩ i aixcüma mexü̃.

1 Tesalonicenses 3:13

Rü tanaxwa̱xegü nax tórü Cori ya Ngechuchu pexü̃ rüngü̃xẽẽxü̃ nax peãẽwa aixcüma mea peyaxõgüxü̃ca̱x rü norü duü̃xü̃gü i aixcüma mexü̃gü nax pixĩgüxü̃ca̱x rü nax nataxuxü̃ca̱x i perü pecadugü i nape̱xewa ya Tanatü ya Tupana i ngẽxguma wena núma naxũxgu ya tórü Cori ya Ngechuchu ya Cristu namaxã i guxü̃ma i ngẽma Tupanaarü Duü̃xü̃gü i Üünexü̃. Rü ngẽmaãcü yixĩx.

1 Tesalonicenses 5:23

Rü chanaxwa̱xe i nümatama ya Tupana ya tüxü̃ taãẽxẽẽcü pexü̃ imexẽxẽ nax aixcüma nape̱xewa pimexü̃ca̱x. Rü chanaxwa̱xe i guxü̃wama pexna nadau i peãẽwa, rü perü ĩnüwa, rü pexenewa nax nataxuxü̃ca̱x i ta̱xacü i perü chixexü̃ i ngẽxguma wenaxarü núma naxũxgu ya tórü Cori ya Ngechuchu ya Cristu.

Romanos 2:18

Rü nüxü̃ pixu nax meama nüxü̃ pecuáxü̃ i ta̱xacü nixĩ i Tupanaarü ngúchaü̃ rü ta̱xacü nixĩ i mexü̃ rü ta̱xacü nixĩ i chixexü̃. Erü Tupanaarü mugüwa naxca̱x pengúe nax nüxü̃ pecuáxü̃ i ngẽma aixcüma mexü̃.

Efesios 5:10

¡Rü pegü pengugü rü naxca̱x pedaugü i ngẽma tórü Cori namaxã taãẽxü̃!

Nüxíraxü̃xü̃ ga popera ga Cuáü̃ ümatüxü̃ 4:1

Pa Chauenexẽgü ya Pexü̃ Changechaü̃güxe, ¡Taxṹ i nüxü̃́ peyaxõgüxü̃ i guxü̃ma i ngẽma nügü ixugügüxü̃ nax Tupanaarü orearü uruü̃gü yixĩgüxü̃! Rü name nixĩ i penangugü i norü ore nax nüxü̃ pecuáxü̃ca̱x rü aixcüma Tupanaãxẽ yixĩxü̃ i nawa idexaxü̃, rüe̱xna tama. Erü guxü̃wama i ñoma i naanewa rü nangẽxma i muxü̃ma idorata̱a̱xgüxü̃ i nügü ixugüxü̃ nax Tupanaarü orearü uruü̃gü yixĩgüxü̃.

Filipenses 1:6

Rü Tupana rü marü inanaxügü i wüxi i mexü̃ i puracü i perü maxü̃wa. Rü nüxü̃ chacua̱x rü nüma rü guxü̃gutáma nanaxüecha i ngẽma puracü ñu̱xmatáta yanguxẽẽã i ngẽxguma ínanguxgu ya Ngechuchu ya Cristu.

1 Tesalonicenses 5:21

Natürü name nixĩ i meama penangugü i guxü̃ma i ore nax nüxü̃ pecuáxü̃ca̱x rü aixcüma yixĩxü̃ i ngẽma ore rüe̱xna tama. ¡Rü ngẽma ore i aixcüma mexü̃xicatama pixõgü!

1 Corintios 1:8

Rü Tupana rü tá pexna nadau ñu̱xmatáta nawa nangu i ngẽma ngunexü̃ i Cristu nagu núma ũxü̃. Rü tá pexü̃ narüngü̃xẽxẽ nax taxúema chixexü̃maxã pexü̃ ixugüxü̃ca̱x i ngẽxguma wenaxarü núma naxũxgu ya tórü Cori ya Ngechuchu ya Cristu.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:2

Choma nüxü̃ chacua̱x i guxü̃ma i ngẽma cuxüxü̃. Rü nüxü̃ chacua̱x nax ñuxãcü poraãcü choxü̃́ cupuracüxü̃ rü ñuxãcü cunaxüamaxü̃ i ngẽma puracü woo ngẽmaca̱x muxü̃ma i guxchaxü̃gü cuxca̱x ínguxgu. Rü nüxü̃ chacua̱x nax tama curü me yixĩxü̃ i ngẽma duü̃xü̃gü i chixexü̃ ügüxü̃. Rü ngẽxgumarüxü̃ ta nüxü̃ chacua̱x nax mea cunangugüarü maxü̃ã́xü̃ i ngẽma duü̃xü̃gü i nügü ixugüxü̃ nax Tupana imugüxü̃ yixĩgüxü̃, natürü tama aixcüma Tupana nayamugü. Rü cuma rü nüxü̃ cucua̱xama nax idorata̱a̱xgüxü̃ yixĩgüxü̃.

Efesios 5:27

Rü yemaacü tüxü̃ nimexẽxẽ nax nügütama tüxü̃ nawéxü̃ca̱x nax aixcüma guxü̃wama imexü̃ rü nax nataxuxü̃ma i ta̱xacü i tórü chixexü̃ rü bai i írarüwa. Rü yemaacü tüxü̃ nade nax ixüünegüxü̃ca̱x rü guxü̃wama nape̱xewa imexü̃ca̱x.

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Ore i mexü̃ ga Matéu ümatüxü̃ 16:23

Natürü ga Ngechuchu rü Pedruca̱x nadauegu, rü ñanagürü nüxü̃: —¡Choxna ixũgachi, Pa Chatanáx, erü chixexü̃gu choxü̃ cungu̱xẽẽchaü̃! Rü tama Tupana nagu rüxĩnüxü̃gu curüxĩnü, rü yatügü nagu rüxĩnüxü̃gumare curüxĩnü i cumax —ñanagürü.

Yochué 24:14

Rü nüma ga Yochué rü ñanagürü ta: —Rü ñu̱xma rü name i aixcüma Cori ya Tupanaxü̃ pengechaxü̃gü rü naga pexĩnüe rü norü ngúchaü̃ pexü. Rü name nixĩ i nüxna pexĩgachixü̃ i ngẽma nũxcüma ga perü o̱xigüarü tupananetagü ga taxtü ga Eufrátecutüwa rü Equítuanewa nüxü̃ yacua̱xüü̃güxü̃.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Romanos 12:9

Rü name nixĩ i aixcüma meama pegü pengechaü̃gü i wüxichigü. ¡Rü nüxü̃ pexo i guxü̃ma i ta̱xacü i chixexü̃ ixĩxü̃! ¡Rü nagu pexĩ i ngẽma aixcüma mexü̃ ixĩxü̃!

Romanos 8:7

Rü yíxema tümaxü̃nearü ngúchaü̃ca̱x daugüxe rü Tupanamaxã tarüxuanügü. Erü tama Tupanaarü mugüga taxĩnüe rü tama tayanguxẽxẽ.

Ore i mexü̃ ga Matéu ümatüxü̃ 26:33

Rü yexguma ga Pedru rü nanangãxü̃ rü ñanagürü: —Rü woo guxü̃ma i togü cuxü̃ íta̱xgu, natürü i chomax rü taxũtáma cuxü̃ íchata̱x —ñanagürü.

Miquéa 3:2

Pema rü naxchi pexai i ngẽma mexü̃ rü perü me nixĩ i ngẽma chixexü̃. Rü pema rü ñoma woca imáxü̃rüxü̃ pixĩgü namaxã i chorü duü̃xü̃gü. Rü pema rü ñoma woca icauxcha̱xmüxü̃rüü̃ãcü namaxã ipecua̱x. Rü peyacua̱i̱xgü rü ñoma namachi i íxraxü̃gu chexexü̃ nax imuxraxü̃rüxü̃ namaxã pechopetü i ngẽma chorü duü̃xü̃gü.

Yox 34:3

Rü taxmanaxã rü nüxü̃ nacua̱x i naaca i ta̱xacürü õna. Rü ngẽxgumarüxü̃ ta i taxmachixẽ rü nüxü̃ nacua̱x nax ta̱xacüchiga yixĩxü̃ i ngẽma dexa i nüxü̃ naxĩnüxü̃.

Yox 12:11

Rü ngẽma taxmachixemaxã nüxü̃ tacua̱x i ngẽma nagagü i nüxü̃ ixĩnüxü̃. Rü ngẽxgumarüxü̃ ta tórü conümaxã nüxü̃ tacuáx i naaca i ngẽma ingṍxü̃.

Naanearü ügüchiga 20:5

Rü nümatama i Abraáü̃ rü chomaxã nüxü̃ nixu nax ngẽma nge rü naeya̱xmare yixĩxü̃, rü ñu̱xũchi ngĩmatama nüxü̃ iyaxu nax nüma rü ngĩenexẽ yixĩxü̃. Rü ngẽmaca̱x nixĩ i choma rü chayaxõxü̃. Natürü taxuxü̃ma i chixexü̃ chaxü —ñanagürü.

Filipenses 1:16

Rü ñuxre i duü̃xü̃gü rü Cristuchigaxü̃ nixugüe erü choxü̃ nangechaü̃gü rü nüxü̃ nacua̱xgü nax Tupana nuxma choxü̃ muxü̃ nax íchanapoxü̃xü̃ca̱x i norü ore.

Efesios 6:24

Rü chanaxwa̱xe i Tanatü ya Tupana tüxü̃ rüngü̃xẽẽgü ya guxãma ya yíxema tórü Cori ya Ngechuchu ya Cristuxü̃ ngechaü̃güxe. Rü ngẽmaãcü yixĩ.

Efesios 4:15

Natürü i toma rü yigü ingechaü̃güãcüma nagu taxĩ i ngẽma ore i aixcüma ixĩxü̃, nax ngẽmaãcü guxü̃wama yexeraãcü naxrüxü̃ ixĩgüxü̃ca̱x ya Cristu ya guxü̃ma i yaxõgüxü̃arü ãẽ̱xgacü ixĩcü.

Gálatas 5:11

Rü dücax, Pa Chauenexẽgüx, rü ngẽxguma chi pexü̃ changúexẽẽgu nax pegü ípewíü̃cha̱xmüü̃pe̱xechiraü̃xü̃, rü ngẽma Yudíugü rü taxũchima chauxchi naxaie rü taxũchima chowe ingẽxü̃tanü, erü taxũchima naãxẽwa nangu̱x i ngẽma ore i nüxü̃ chixuxü̃ nachiga ya Cristu ga curuchagu taxca̱x yucü.

2 Corintios 8:8

Tama wüxi i mu nixĩ i ngẽma pemaxã nüxü̃ chixuxü̃. Natürü chanaxwa̱xemare nax nüxü̃ pecuáxü̃ nax ñuxãcü taãẽãcüma ngĩxü̃ inaxãgüxü̃ ga togü ga yaxõgüxü̃. Rü pemaxã nüxü̃ chixu i ngẽma nax pema rü ta ngĩxü̃ ipexãgüxü̃ca̱x i ngẽma diẽru i togü i taenexẽgüarü ngü̃xẽẽca̱x ixĩcü, nax ngẽmaãcü ipenawéxü̃ca̱x nax aixcüma nüxü̃ pengechaü̃güxü̃.

2 Corintios 6:3

Rü toma rü taguma texépe̱xewa chixri tamaxẽ nax taxuca̱xma texé chixri torü puracüchiga idexaxü̃ca̱x.

2 Corintios 2:17

Rü toma rü tama Tupanaarü oregu diẽru ngĩxü̃ tayaxu ngẽma muxü̃ma i togü naxügüxü̃rüxü̃. Natürü Tupanape̱xewa rü aixcüma mea nüxü̃ tixu i ngẽma norü ore, erü nüma toxü̃ nimugü rü Cristuarü tixĩgü.

1 Corintios 10:32

Rü tama name i penaxü i ta̱xacü i togüxü̃ chixexü̃gu yixẽẽxü̃, rü woo Yudíugü yixĩgügu rü ẽ̱xna tama Yudíugü yixĩgügu, rü ẽ̱xna yaxõgüxü̃ yixĩgügu.

1 Corintios 8:13

Rü ngẽmaca̱x i ngẽxguma ngẽma namachi i changṍxü̃gagu chixexü̃gu chananguxẽẽgu i chauenexẽ, rü narümemae nixĩ i tama ngẽma namachi i tupananetachicüna̱xãgüca̱x daixü̃ changõ̱x nax tama pecadugu chananguxẽẽxü̃ca̱x i ngẽma chauenexẽ.

Romanos 16:17

Pa Chauenexẽgüx, pexü̃ chaca̱a̱xü̃ nax pegüna pedaugüxü̃ca̱x nüxna i ngẽma duü̃xü̃gü i pexü̃ itoyechaü̃xü̃ rü chixexü̃gu pexü̃ yixẽẽchaü̃xü̃. Erü ngẽma duü̃xü̃güarü ngu̱xẽẽtae rü tama namaxã nawüxigu i ngẽma ngu̱xẽẽtae ga noxri peyauxgüxü̃ ga yexguma noxri peyaxõgügu. Rü name nixĩ i noxtacüma nüxna pixĩgachi i ngẽma duü̃xü̃gü rü tama natanügu pexãgü.

Romanos 7:22

Choma rü chauãẽwa rü chorü me nixĩ i Tupanaarü mugü, rü naga chaxĩnüchaü̃.

Romanos 7:16

Natürü i ñu̱xma nax chanaxüxü̃ i ngẽma tama chanaxwa̱xechiréxü̃ nax chaxüxü̃, rü ngẽmawa nüxü̃ chicua̱xãchi nax namexü̃ i ngẽma mugü.

Ngechuchuarü ngúexü̃gü ga yamugüxü̃arü puracüchiga 24:16

Rü ngẽmaca̱x nixĩ i guxü̃guma mea chaugüna chadauxü̃ nax chauãẽwa mexü̃gu charüxĩnüxü̃ i Tupanape̱xewa rü duü̃xü̃güpe̱xewa.

Ore i mexü̃ ga Cuáü̃ ümatüxü̃ 3:20

Guxãma ya yíxema chixexü̃ ügüxe rü naxchi taxaixe i ngóonexü̃. Rü tama nüxna tangaicamagüchaü̃ erü tama tanaxwa̱xe nax nangóxü̃ i ngẽma chixexü̃ i ítaxügüxü̃.