Ester 9:29 - Tupanaarü Ore

²⁹ Rü ngĩma ga ãẽ̱xgacü naxma̱x ga Ité ga Abiyáixacü rü ñu̱xũchi nüma ga Maduquéu ga Yudíu ixĩcü rü ãẽ̱xgacüarü mumaxã nanaxümatügü ga norü taxre ga popera nachiga ga yema Puríü̃arü peta. Rü yemawa nüxü̃ nixu nax aixcüma ãẽ̱xgacüarü mumaxã yixĩxü̃ ga naxümatüxü̃ ga yema nüxíraxü̃xü̃ ga popera.

Ester 9:29 Referans Kwoze

Ester 9:20

Rü nüma ga Maduquéu rü nanaxümatü nachiga ga yema ngupetüxü̃. Rü ñu̱xũchi guxü̃ma ga Yudíugü ga ngaicamagüxü̃ rü yáxü̃gugüxü̃ ga Achuéruchixü̃anegüwa yexmagüxü̃ca̱x nayamugü ga yema popera.

Ester 2:15

Rü ngĩma ga Ité ga Maduquéueya̱x ga Abiyáixacü, rü yexguma ngĩwa nanguxgu nax ãẽ̱xgacüpe̱xewa ngĩxü̃ nagagüxü̃, rü ngĩma rü inayaxu ga yema Egái ga pacügüarü dauruü̃arü ucu̱xẽ. Rü meama ngĩgü inga̱xãxẽ yema ngĩmaxã nüxü̃ yaxuxü̃rüxü̃. Rü yema naigü ga pacügü rü poraãcü ngĩmaxã itaãẽgü ga yexguma ngĩxü̃ nadaugügu.

Ester 8:10

Rü yema poperawa nango̱x ga naéga ga gumá ãẽ̱xgacü ga Achuéru rü norü ãneraéga rü ta nawa nango̱x. Rü ñu̱xũchi poperaarü nuruxü̃gü ga ãẽ̱xgacüarü cowarugü ga iporaxüchixü̃gu ĩxü̃ namaxã nanuegü.

Ester 3:15

Rü yexgumatama inaxĩãchi ga yema poperaarü ngeruü̃gü ga ãẽ̱xgacü imuãchitanüxü̃. Rü guma ĩane ga Chúchawa rü ta duü̃xü̃güxü̃ nüxü̃ nacua̱xẽxẽ ga yema mu. Rü yoxni nüma ga ãẽ̱xgacü rü Amáü̃maxã mechawa narütogü rü naxaxegü. Rü yexgumayane ga duü̃xü̃gü ga ĩane ga Chúchacüã̱xgü rü nanaxĩ̱xãchiãẽgü.

Ester 9:21

Rü yema poperawa rü Yudíugümaxã nüxü̃ nixu nax gucü ya taunecügu ga Adáü̃arü tauemacüarü 14 rü 15 ga ngunexü̃gu naxüchigagüãxü̃ca̱x nax yemaacü nüxna nacua̱xãchiexü̃ca̱x ga yema ngunexü̃gü ga nagu norü uanügüme̱xẽwa ínanguxü̃xü̃ ga nümagü ga Yudíugü rü yemaacü ga norü ngechaü̃gü rü norü axu rü taãẽxü̃ yanguxuchixü̃ca̱x. Rü yema poperawa nüxü̃ nixu rü ngẽxguma naxüchigagüãgu rü name nax nügümaxã nataãẽgüxü̃ rü nügümaxã nachibüexü̃ rü ãmare nügüna naxãgüxü̃ rü diẽru ngĩxü̃ nanutaque̱xegüxü̃ tümaca̱x ya guxema ngearü diẽruã̱xgüxe.

Ester 9:28

Rü yema taxre ga ngunexü̃ rü nanaxwa̱xegü nax guxü̃guma naxüchigagüãxü̃ ga Puríü̃ ga wüxichigü ga Yudíugütücumüwa rü wüxichigü ga naanewa rü wüxichigü ga ĩanegüwa nax yemaacü taguma iyanaxoxü̃ca̱x nax nüxna nacua̱xãchiexü̃ca̱x ga nüma ga Yudíugü rü nataagü.