Ester 9:27 - Tupanaarü Ore

²⁷ Rü nüma ga Yudíugü rü yema Maduquéu naxümatüxü̃ãcü nüxü̃ naxunetagü ga yema taxre ga ngunexü̃ nax guxcüma ga taunecü Puríü̃ naxüchigagüxü̃ca̱x ga nümagü rü nanegü rü nataagü rü guxü̃ma ga yema duü̃xü̃gü ga Yudíugücümaca̱x dauxü̃taegüxü̃.

Ester 9:27 Referans Kwoze

Chacaría 2:11

Rü ngẽxguma nawa nanguxgu i ngẽma ngunexü̃ rü muxü̃tama i nachixü̃anegü rü tá Cori ya Tupanawe narüxĩ. Rü nüma rü ñanagürü tá: —Ngẽma nachixü̃anegüarü duü̃xü̃gü rü tá chorü duü̃xü̃gü nixĩgü. Rü choma rü tá natanüwa chamaxü̃ —ñanagürü. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Ichaía 56:6

Rü ngẽma duü̃xü̃gü i to i nachixü̃anecüã̱xgü i choxü̃ icua̱xüü̃güxü̃ rü tama puracüeamaxü̃ ega ngü̃xchigaarü ngunexü̃wa nanguxgu rü aixcüma yanguxẽẽgüxü̃ i chorü uneta rü choma rü tá chorü ma̱xpǘne ya üünene ya Chióü̃wa chanagagü. Rü chorü yumüxẽpataxü̃wa tá chanataãẽxẽxẽ. Rü choma rü tá chanayaxu i norü ãmaregü i chorü ãmarearü guruü̃wa cha̱u̱xca̱x ínagugüxü̃, erü yima chopata rü Guxü̃ma i Duü̃xü̃güarü Yumüxẽpataxü̃ tá nixĩ i naéga.

Ichaía 56:3

Rü ngẽxguma wüxi i duü̃xü̃ i to i nachixü̃anecüã̱x chowe rüxũxgu rü taxuca̱xma ñanagürü: —Tupana rü tá norü duü̃xü̃gütanüwa choxü̃ ínamuxũchi —ñanagürü. Rü yimá yatü ya yauxpü̱xücharecü rü taxuca̱xma ñanagürü: —Choma rü ñoma nai i paxü̃rüü̃mare chixĩ —ñanagürü.

Ester 8:17

Rü guxü̃ma ga Achuéruchixü̃anegüwa rü ĩanegüwa ga ngextá ínanguxü̃wa ga yema mu ga ãẽ̱xgacü unagüxü̃, rü nüma ga Yudíugü rü poraãcü nataãẽgü, rü nanaxüchigagü ga yema ngunexü̃. Rü muxü̃ma ga yema togü ga duü̃xü̃gü rü nügü nixugüe nax Yudíugü yixĩgüxü̃, yerü poraãcü yema Yudíugüxü̃ namuü̃e.

Chacaría 8:23

Rü ngẽxguma nawa nanguxgu i ngẽma ngunexü̃gü rü 10 i yatügü i to i nachixü̃anewa ne ĩxü̃ rü tá wüxi i yudiuca̱x nadaugü rü naxchirugu yangĩgüãcü tá nüxü̃ ñanagürügü: “Cuwe tarüxĩxchaü̃ i Yerucharéü̃wa, erü nüxü̃ taxĩnüchiga nax Tupana rü petanüwa nangẽxmaxü̃”, ñanagürügü tá —ñanagürü ga Cori ya Tupana ya Guxãétüwa Ngẽxmacü.

Ester 9:21

Rü yema poperawa rü Yudíugümaxã nüxü̃ nixu nax gucü ya taunecügu ga Adáü̃arü tauemacüarü 14 rü 15 ga ngunexü̃gu naxüchigagüãxü̃ca̱x nax yemaacü nüxna nacua̱xãchiexü̃ca̱x ga yema ngunexü̃gü ga nagu norü uanügüme̱xẽwa ínanguxü̃xü̃ ga nümagü ga Yudíugü rü yemaacü ga norü ngechaü̃gü rü norü axu rü taãẽxü̃ yanguxuchixü̃ca̱x. Rü yema poperawa nüxü̃ nixu rü ngẽxguma naxüchigagüãgu rü name nax nügümaxã nataãẽgüxü̃ rü nügümaxã nachibüexü̃ rü ãmare nügüna naxãgüxü̃ rü diẽru ngĩxü̃ nanutaque̱xegüxü̃ tümaca̱x ya guxema ngearü diẽruã̱xgüxe.

1 Chamué 30:25

Rü yexgumacürüwa rü ñu̱xma rü ta rü ngẽma nacümagu naxĩ i ngẽma Iraétanüxü̃.

Yochué 9:15

Rü yexguma ga Yochué rü yema Gabaóü̃cüã̱xmaxã mexü̃ ga ĩnüwa nangu, rü namaxã nüxü̃ nixu nax taxũtáma nadaiaxü̃. Rü yema togü ga Iraétanüxü̃arü ãẽ̱xgacügü rü Tupanaégagu Yochuérüü̃tama mexü̃gu yema Gabaóü̃cüã̱xmaxã narüxĩnüe.

Wenaxarü naxümatü ga Tupanaarü mugü 5:3

Rü tama nixĩ ga yema nũxcümaü̃güxü̃ ga tórü o̱xigümaxãxicatama inaxunetaxü̃, natürü tamaxã rü ta nixĩ ga inaxunetaxü̃ i guxãma i yixema nax ñu̱xma nuxã wüxigu ingutaque̱xegüxü̃.

Ester 9:20

Rü nüma ga Maduquéu rü nanaxümatü nachiga ga yema ngupetüxü̃. Rü ñu̱xũchi guxü̃ma ga Yudíugü ga ngaicamagüxü̃ rü yáxü̃gugüxü̃ ga Achuéruchixü̃anegüwa yexmagüxü̃ca̱x nayamugü ga yema popera.

Ester 9:28

Rü yema taxre ga ngunexü̃ rü nanaxwa̱xegü nax guxü̃guma naxüchigagüãxü̃ ga Puríü̃ ga wüxichigü ga Yudíugütücumüwa rü wüxichigü ga naanewa rü wüxichigü ga ĩanegüwa nax yemaacü taguma iyanaxoxü̃ca̱x nax nüxna nacua̱xãchiexü̃ca̱x ga nüma ga Yudíugü rü nataagü.

Iraétanüxü̃arü muxchiga 15:15

Rü ngẽma mu i pexca̱x ixĩxü̃ rü ngẽmatama mu nixĩ i naxca̱x ixĩxü̃ i ngẽma to i nachixü̃anecüã̱xgü. Rü ngẽma mu rü tá guxü̃gutáma nangẽxmaecha. Rü ngẽma papagü rü tá nanegüwa nanaxüexẽxẽ.

Ãẽ̱xgacügü ga guxchaxü̃güarü mexẽxẽruü̃gü 11:40

Rü yemaca̱x ga Iraétanüxü̃arü pacügü rü guxcü ya taunecügu ãgümücü i ngunexü̃ Yetéxacüca̱x ixauxe.

Wiyaegü 78:7

Yerü nüma ga Tupana nanaxwa̱xe nax yema tórü o̱xigüweama ügüxü̃ ga duü̃xü̃gü rü ta nagu nax yaxõgüãxü̃ca̱x nax tama nüxü̃ iyanangümaexü̃ca̱x ga yema taxü̃ ga mexü̃ ga nũxcüma naxüxü̃ rü ngẽmaãcü naga naxĩnüexü̃ca̱x i ngẽma norü mugü.

Ichaía 2:3

Rü muxü̃tama i duü̃xü̃gü tá ínangugü rü ñanagürügü tá: —¡Ngĩxã, rü yima ma̱xpǘne i Cori ya Tupana íngexmaxü̃gu taxĩgü rü yima Acóbuarü Tupanapata ya taxü̃nena tangaicamagü nax nüma ngéma tüxü̃ nangúexẽẽxü̃ca̱x i norü ngúchaü̃ rü ngẽmaãcü nüma nanaxwa̱xexü̃ãcüma imaxẽxü̃ca̱x! —ñanagürügü tá. Erü yima ma̱xpǘne ya Chióü̃wa tá nango̱x i Cori ya Tupanaarü ngu̱xẽẽtae rü Yerucharéü̃wa tá ínaxũxũ i norü ore.

Echequié 16:61

Rü choma rü ngẽxguma tá cuxme̱xwa tüxü̃ changexmagüxẽẽgu cuxacügürüxü̃ ya yíxema cueya̱x ya yáxe ya Chamária, rü yíxema cueya̱x ya rübumaexe ya Chodóma, rü woo tama tümagüca̱x nax yixĩxü̃ ga yema uneta ga cumaxã chaxüxü̃, rü ngẽxguma i cumax, Pa Yerucharéü̃x, rü tá nüxna cucua̱xãchi ga yema chixexü̃ ga cuxüxü̃ rü na̱xcha̱xwa tá cuxãne.