Ester 9:25 - Tupanaarü Ore

²⁵ Natürü yexguma ngĩma ga Ité rü ãẽ̱xgacü ga Achuérumaxã nüxü̃ iyarüxu ga yema Amáü̃ nagu rüxĩnüxü̃ nax Yudíugüxü̃ nada̱i̱xü̃ca̱x, rü nüma ga ãẽ̱xgacü rü wüxi ga poperagu nanaxümatü nax Amáü̃xü̃ yama̱xgüxü̃ca̱x naxca̱x ga yema chixexü̃ ga nagu naxĩnüxü̃. Rü yemaacü Amáü̃xü̃ rü nanegüxü̃ nawẽxnaxãgü.

Ester 9:25 Referans Kwoze

Wiyaegü 7:16

Rü ngẽma chixexü̃ i togueca̱x naxüxü̃ rü ngẽma máeta i nagu naxĩnüxü̃, rü nagu tátama nangu.

Ore i mexü̃ ga Matéu ümatüxü̃ 21:44

Rü yimá nuta ega texé namaxã yarüñaxgu rü tá itapoü̃gü. Rü yíxema tümaétügu nanguxe ya yimá nuta, rü tá tüxü̃ niñaixmü —ñanagürü ga Ngechuchu.

Wiyaegü 141:10

Natürü nümatátama nagu nayi i ngẽma yauxruxü̃ i cha̱u̱xca̱x yanuagüxü̃. Rü yoxni i chomax rü tá chiña.

Ester 7:5

Rü yexguma ga nüma ga Achuéru rü ngĩxna naca rü ñanagürü: —¿Texé tixĩ ya yíxema tügü írüporaxe nax ngẽma chixexü̃ cumaxã taxüxü̃? —ñanagürü.

Ester 3:6

Natürü yema marü nüxü̃ nax nacuáxü̃ nax ta̱xacürü duü̃xü̃ yixĩxü̃ ga Maduquéu rü yemaca̱x tama nüxica nanapoxcuchaü̃. Rü nagu narüxĩnü nax ñuxãcü tá nadaiaxü̃ ga guxü̃ma ga yema Yudíugü ga yema naanegü ga Achuéru namaxã icuáxü̃wa yexmagüxü̃.

Ester 7:4

Erü choma rü chautanüxü̃ rü marü toxü̃ naxüpane nax ngẽmaãcü toxü̃ nada̱i̱xü̃ca̱x ya guxãma. Rü ngẽxguma chi tomaxã nataxegügu nax togüarü puracütanüxü̃ tixĩgüxü̃ca̱x, rü choma rü chi taxṹ ñachagürümare, woo i ngẽma rü ta rü wüxi i chixexü̃ i taxü̃ nixĩ i cuxca̱x, Pa Ãẽ̱xgacüx —ngĩgürügü.

Wiyaegü 140:8

Pa Cori Pa Tupanax ¡rü taxṹ i nüxü̃́ cunatauxchaxẽxẽxü̃ i ngẽma chixexü̃arü üruxü̃ nax naxüaxü̃ca̱x i noxrütama ngúchaü̃! ¡Rü nüxna nachu̱xu nax tama yanguxẽẽãxü̃ca̱x i ngẽma norü ĩnü i chixexü̃! Rü ngẽma chorü uanügü i choxü̃ íchomaeguãchixü̃ rü inachigü nax choxü̃ yama̱xgüxü̃ca̱x. ¡Natürü naxca̱xtama natáeguxẽxẽ i ngẽma chixexü̃ i cha̱u̱xca̱x naxügüxü̃ nax nümatama nagu nayi̱xixü̃ca̱x!

Ichaía 22:25

Natürü wüxi i ngunexü̃ rü Eriaquíü̃ rü tá ta guxchaxü̃ naxca̱x ínangu rü tá ínamuxũchi i norü puracüwa. Rü ngẽxma tá inayarüxo i norü pora rü ngẽxma tá nayacua̱x i norü ngü̃xẽxẽ naxca̱x i guxü̃ma i ngẽma duü̃xü̃gü i nüxü̃́ yaxõgüxü̃” —ñanagürü ya Cori ya Tupana ya Guxãétüwa Ngẽxmacü.

1 Chamué 25:39

Rü yexguma Dabí nüxü̃ cua̱xgu nax marü nayuxü̃ ga Nabáx rü ñanagürü: —Name ya Tupana erü Nabáxü̃ napoxcu naxca̱x ga norü chixexü̃ ga chomaxã naxüxü̃. Rü moxẽ nüxna chaxã erü tama nanaxwa̱xe nax choma chayamáxü̃ —ñanagürü. Rü yemawena ga Dabí rü ĩane ga Carméxwa nanamugü ga ñuxre ga norü duü̃xü̃ nax Abigáimaxã nüxü̃ yanaxugüxü̃ca̱x nax ngĩmaxã naxãxma̱xchaü̃xü̃ ga nüma ga Dabí.

Ester 7:10

Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Wiyaegü 7:17

Natürü i chomax rü Cori ya Tupanaxü̃ tá chicua̱xüxü̃ erü nüma rü aixcümacü nixĩ. Rü choma rü chorü wiyaemaxã tá nüxü̃ chicua̱xüxü̃ ya yimá Cori ya Tupana ya Guxãétüwa Ngẽxmacü.

Wiyaegü 94:23

Rü nüma ya Cori rü tá nanadai i ngẽma chixexü̃gu maxẽxü̃ i duü̃xü̃gü nagagu i ngẽma chixexü̃ i naxügüxü̃. Rü tórü Tupana rü aixcümaxü̃chi tá nanadai i ngẽma duü̃xü̃gü.

Ucu̱xẽgüchiga 5:22

Ngẽma duü̃xü̃ i chixexü̃ üxü̃, rü ngẽma norü chixexü̃ tátama nixĩ i guxchaxü̃gu nanguxẽẽxü̃, rü ngẽma norü chixexü̃tama nixĩ i nagu nachoxü̃ ñoma wüxi i naixnütagu nachoxü̃rüxü̃.

Ucu̱xẽgüchiga 26:27

Texé ya wüxi i ãxmaxü̃ ǘxe rü tüma tátama nagu tingucuchi. Rü texé ya nuta ya tacüxü̃ cuxnetaxe nax yadixixü̃ca̱x, rü yimá nuta rü tá tümaétüwa nadixi.

Abdía 1:15

Rü yema chixexü̃ ga petanüxü̃ ga Iraétanüxü̃ca̱x pexüxü̃ rü ngẽmatátama pemaxã nangupetü. Erü ngẽma nixĩ i perü natanü naxca̱x ga yema chixexü̃ ga pexüxü̃. Rü marü ningaica i ngẽma ngunexü̃ i nagu Cori ya Tupana tá napoxcuexü̃ i guxü̃ma i nachixü̃anegü —ñanagürü.