Ester 9:21 - Tupanaarü Ore

^21-22 Rü yema poperawa rü Yudíugümaxã nüxü̃ nixu nax gucü ya taunecügu ga Adáü̃arü tauemacüarü 14 rü 15 ga ngunexü̃gu naxüchigagüãxü̃ca̱x nax yemaacü nüxna nacua̱xãchiexü̃ca̱x ga yema ngunexü̃gü ga nagu norü uanügüme̱xẽwa ínanguxü̃xü̃ ga nümagü ga Yudíugü rü yemaacü ga norü ngechaü̃gü rü norü axu rü taãẽxü̃ yanguxuchixü̃ca̱x. Rü yema poperawa nüxü̃ nixu rü ngẽxguma naxüchigagüãgu rü name nax nügümaxã nataãẽgüxü̃ rü nügümaxã nachibüexü̃ rü ãmare nügüna naxãgüxü̃ rü diẽru ngĩxü̃ nanutaque̱xegüxü̃ tümaca̱x ya guxema ngearü diẽruã̱xgüxe.

Ester 9:21 Referans Kwoze

Ester 9:18

Natürü ga yema Yudíugü ga ĩane ya Chúchawa yexmagüxü̃ rü naxĩtaque̱xe ga norü 13 rü 14 ga ngunexü̃gu. Rü norü 15 ga ngunexü̃gu narüngü̃gü rü napetaegü rü nataãẽgü.

Ester 9:20

Rü nüma ga Maduquéu rü nanaxümatü nachiga ga yema ngupetüxü̃. Rü ñu̱xũchi guxü̃ma ga Yudíugü ga ngaicamagüxü̃ rü yáxü̃gugüxü̃ ga Achuéruchixü̃anegüwa yexmagüxü̃ca̱x nayamugü ga yema popera.

Ester 9:27

Rü nüma ga Yudíugü rü yema Maduquéu naxümatüxü̃ãcü nüxü̃ naxunetagü ga yema taxre ga ngunexü̃ nax guxcüma ga taunecü Puríü̃ naxüchigagüxü̃ca̱x ga nümagü rü nanegü rü nataagü rü guxü̃ma ga yema duü̃xü̃gü ga Yudíugücümaca̱x dauxü̃taegüxü̃.

Ester 9:29

Rü ngĩma ga ãẽ̱xgacü naxma̱x ga Ité ga Abiyáixacü rü ñu̱xũchi nüma ga Maduquéu ga Yudíu ixĩcü rü ãẽ̱xgacüarü mumaxã nanaxümatügü ga norü taxre ga popera nachiga ga yema Puríü̃arü peta. Rü yemawa nüxü̃ nixu nax aixcüma ãẽ̱xgacüarü mumaxã yixĩxü̃ ga naxümatüxü̃ ga yema nüxíraxü̃xü̃ ga popera.

Édra 6:15

Rü yexguma 6 ga taunecü ãẽ̱xgacü yixĩxgu ga Daríu ga Pérchiaarü naanewa, rü yexguma nixĩ ga nax yanguxü̃ ga guma Tupanapata ga taxü̃ne, meama Adáarü tauemacüarü tomaepü̱xarü ngunexü̃gu.

Ester 3:7

Rü yexguma 12 ga taunecü ãẽ̱xgacü yixĩxgu ga Achuéru, rü meama gumá nüxíraü̃cü ga tauemacü ga Misáü̃gu ãégacügu rü Amáü̃pe̱xewa naxca̱x nadaugü nax ta̱xacürü ngunexü̃ tá yixĩxü̃ ga Yudíugüxü̃ nagu nada̱i̱xü̃. Rü nagu naxunetagü nax gumá nai ga 12 ga tauemacü ga Adágu ãégacüarü 13 ga ngunexü̃gu tá yixĩxü̃ nax nadaiaxü̃.