Ester 9:19 - Tupanaarü Ore

¹⁹ Natürü ngẽma Yudíugü i togü i ĩanegüwa rü ĩanexacügüwa maxẽxü̃ rü ñu̱xma rü ta tauemacü i Adáarü 14 i ngunexü̃gu nanaxüchigagü rü nataãẽgü rü ãmare nügüna naxãgü.

Ester 9:19 Referans Kwoze

Ester 8:17

Rü guxü̃ma ga Achuéruchixü̃anegüwa rü ĩanegüwa ga ngextá ínanguxü̃wa ga yema mu ga ãẽ̱xgacü unagüxü̃, rü nüma ga Yudíugü rü poraãcü nataãẽgü, rü nanaxüchigagü ga yema ngunexü̃. Rü muxü̃ma ga yema togü ga duü̃xü̃gü rü nügü nixugüe nax Yudíugü yixĩgüxü̃, yerü poraãcü yema Yudíugüxü̃ namuü̃e.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:10

Rü ngẽma duü̃xü̃gü i ñoma i naanewa maxẽxü̃ rü tá nataãẽgü nax marü nayuexü̃ i ngẽma taxre. Rü ngẽma nax poraãcü nataãẽgüxü̃ rü tá nügüna ãmare naxãgü, yerü yema taxre ga orearü uruü̃gü rü poraãcü naãxẽwa nananguxẽẽgü.

Wenaxarü naxümatü ga Tupanaarü mugü 16:14

Rü ngẽma petagu rü tá petaãẽgü namaxã i pexacügü, rü perü mugüruü̃gü, rü Lebítanüxü̃, rü ngẽma duü̃xü̃gü i to i nachixü̃anecüã̱xgü, rü taxcutagü rü yutegüxe i perü ĩanegüwa ngẽxmagüxe.

Wenaxarü naxümatü ga Tupanaarü mugü 16:11

Rü Tupanape̱xewa tá penaxü i ngẽma peta nawa i ngẽma nachica ya Tupana nüxü̃ unetaxü̃ nax nawa nangẽxmaxü̃. Rü ngẽma petawa rü name nax ngéma penagagüxü̃ i guxü̃ma i pexacügü rü perü mugüruü̃gü. Rü ngẽxgumarüxü̃ ta name nax nüxna pexuxü̃ i ngẽma Lebítanüxü̃ rü ngẽma to i nachixü̃anecüã̱x i petanüwa ngẽxmagüxü̃. Rü ñu̱xũchi name nax tüxna pexuxü̃ ya yíxema taxcutagü rü yutegüxe i perü ĩanewa ngẽxmagüxe.

Ore i mexü̃ ga Luca ümatüxü̃ 11:41

Rü name nixĩ i curü diẽruwa ngẽma ngearü diẽruã̱xgüxü̃na penaxã. Rü ngẽmaãcü tá pime i guxü̃wama.

Chacaría 2:4

Rü ñanagürü nüxü̃: —¡Namaxã nüxü̃ ixu i ngẽma ngextü̱xücü i nangexü̃ i ngẽma nguruxü̃, rü ñacurügü tá nüxü̃: “Yima ĩane ya Yerucharéü̃ rü taxũtáma ínapoxegu erü tá namuxũchi i norü duü̃xü̃gü rü wocagü. Rü ngẽmaca̱x taxucürüwama ínapoxegu.

Wenaxarü naxümatü ga Tupanaarü mugü 3:5

Rü guxü̃nema ga guma ĩanegü ga tapuxü̃ne rü meama ínipoxegugü, rü nima̱xtapü̱x ga norü poxeguxü̃, rü naxĩ̱ã̱xgüã̱x, rü ñu̱xũchi natotaruü̃ã̱xgü. Rü naétü nayexma ga muxü̃ma ga naigü ga ĩanexacügü ga tama ípoxegugüne.

Ester 9:20

Rü nüma ga Maduquéu rü nanaxümatü nachiga ga yema ngupetüxü̃. Rü ñu̱xũchi guxü̃ma ga Yudíugü ga ngaicamagüxü̃ rü yáxü̃gugüxü̃ ga Achuéruchixü̃anegüwa yexmagüxü̃ca̱x nayamugü ga yema popera.

Wenaxarü naxümatü ga Tupanaarü mugü 15:7

Rü ngẽxguma ngẽma naane i Cori ya perü Tupana pexna ãxü̃arü ĩanegüwa tangexmagu i wüxi i Iraétanüxü̃ i ngearü diẽruã́xẽ, rü tama name i tümamaxã pechixecüma rü tüxna pexaü ega diẽruca̱x pexna tacaxgu nax yixcama pexü̃́ tanatáeguxẽẽxü̃ca̱x.