Ester 9:16 - Tupanaarü Ore

^16-17 Rü yema togü ga Yudíugü ga togü ga Achuéruchixü̃anegüwa yexmagüxü̃ rü tauemacü ga Adáarü 13 ga ngunexü̃gu naxĩtaque̱xe nax yemaacü nügü ínapoxü̃güxü̃ca̱x rü norü uanügüxü̃ nada̱i̱xü̃ca̱x. Rü yema ga ngunexü̃gu rü nanadai ga 75,000 ga norü uanügü, natürü tama nanade ga norü yemaxü̃gü. Rü norü 14 ga ngunexü̃gu rü narüngü̃gü rü taãẽãcüma napetaegü, yerü norü uanügüxü̃ narüporamaegü.

Ester 9:16 Referans Kwoze

Ester 8:11

Rü yema poperawa rü nüma ga ãẽ̱xgacü rü guxü̃ma ga Yudíugüna naxãga nax nügü nanutaque̱xegüxü̃ca̱x nax nügütama ínapoxü̃güxü̃ca̱x rü nadaiaxü̃ca̱x ga guxü̃ma ga duü̃xü̃gü ga guxchaxü̃ namaxã üxü̃ rü noxrüxü̃ yaxĩxẽẽgüãxü̃ca̱x ga yema naxca̱x íyaxüãchiü̃arü naanegü rü norü yemaxü̃gü.

Ester 9:2

Rü guxü̃ma ga Achuéruarü naanegüwa rü nüma ga Yudíugü rü guma norü ĩanegüwa nügü ninutaque̱xegüchigü nax naxca̱x itaxüãchixü̃ca̱x ga norü uanügü ga nadaixchaü̃xü̃. Natürü nataxuma ga ngexü̃rüüxü̃ ga norü uanü ga naxca̱x yéma ĩxü̃ nax nadaiaxü̃ca̱x, yerü guxü̃nema ga ĩanewa rü Yudíugüxü̃ namuü̃e.

Naanearü ügüchiga 34:27

Rü yéma nangugü ta ga yema togü ga Acóbu nanegü. Rü naétüwa nachopetü ga yema yuexü̃, rü nanade ga guxü̃ma ga yemaxü̃gü ga guma ĩanewa yexmagüxü̃. Rü yemaacü nayangutanüxẽẽgü ga yema Dínaxü̃ ngupetüxü̃. Rü nayagagü ga guxü̃ma ga carnérugü rü wocagü rü búrugü ga guma ĩanewa rü yema naanewa yexmagüxü̃.

Wiyaegü 37:15

Natürü ngẽma norü tara tátama nixĩ i norü maxü̃newa yarüwáxü̃, rü yima norü würagü rü íxraxü̃gu tá inabüe.