Ester 8:3 - Tupanaarü Ore

³ Rü ñu̱xũchi ngĩma ga Ité rü wenaxarü ãẽ̱xgacüxü̃tawa ixũ. Rü nape̱xegu iyangücuchi rü ixaxu. Rü nüxü̃ íca̱xaxü̃ nax ínapiãxü̃ca̱x ga yema mu ga Amáü̃ unagüxü̃ ga Yudíugüarü daixchiga nax yemaacü yanaxomarexü̃ca̱x.

Ester 8:3 Referans Kwoze

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Ochéa 12:4

Rü nüma ga Acóbu rü Tupanaarü duü̃xü̃ ga daxũcüã̱xmaxã nügü nawogü, rü Acóbu narüporamae. Rü nüma ga Acóbu rü naxaxu rü Tupanaarü ngü̃xẽẽca̱x ínaca. Rü Tupana rü Betégu Acóbuxü̃ nangau, rü yéma Acóbumaxã nidexa.

Ichaía 38:2

Rü nüma ga Echequía rü nadixeguãchi rü ĩxtapü̱xguama nabuenü rü ñaãcü nayumüxẽ:

Ester 7:4

Erü choma rü chautanüxü̃ rü marü toxü̃ naxüpane nax ngẽmaãcü toxü̃ nada̱i̱xü̃ca̱x ya guxãma. Rü ngẽxguma chi tomaxã nataxegügu nax togüarü puracütanüxü̃ tixĩgüxü̃ca̱x, rü choma rü chi taxṹ ñachagürümare, woo i ngẽma rü ta rü wüxi i chixexü̃ i taxü̃ nixĩ i cuxca̱x, Pa Ãẽ̱xgacüx —ngĩgürügü.

Norü taxre ga popera ga ãẽ̱xgacügüchiga 4:27

Rü ma̱xpǘne ga Carméruwa ingu ga Erichéu íyexmaxü̃wa. Rü yexguma naxü̃tawa nanguxgu, rü nacutüwa ina̱i̱xãchi. Rü gumá Erichéuarü ngü̃xẽẽruxü̃ ga Guexáchi rü ngĩxca̱x nixũ nax ngĩxü̃ yagagachixü̃ca̱x. Natürü nüma ga Erichéu rü ñanagürü nüxü̃: —Nüetama erü ngĩma rü poraãcü ngechaü̃ ngĩxü̃́ nangu̱x, natürü nüma ya Cori ya Tupana rü taxũta chomaxã nüxü̃ nixu nax ta̱xacü ngĩxü̃ ngupetüxü̃ —ñanagürü.

1 Chamué 25:24

Rü ñu̱xũchi Dabícutügu iyaca rü ngĩgürügü nüxü̃: —Pa Chorü Corix, ñaa guxchaxü̃ rü chowa nangẽxma, rü ngẽmaca̱x cuxna naxca̱x chaca nax choxü̃́ icurüxĩnüxü̃ i ngẽma cumaxã nüxü̃ chixuxchaü̃xü̃.

Ester 3:1

Rü yema ngupetüguwena rü nüma ga ãẽ̱xgacü ga Achuéru rü wüxi ga yatü ga Amáü̃xü̃ naxuneta nax norü ngü̃xẽẽruü̃gümaxã inacuáxü̃ca̱x. Rü yemaacü nawa nangu nax guxü̃ma ga yema naanemaxã inacuáxü̃ ga Amáü̃. Rü Achuéruxicatama nixĩ ga naétüwa yexmaxü̃. Rü nüma ga Amáü̃ rü Amedáta nane ga Agátanüxü̃ nixĩ.

Ester 8:2

Rü yexguma ga nüma ga ãẽ̱xgacü rü ngĩxü̃ ínangoxochi ga norü ãnera ga Amáü̃na ngĩxü̃ nayaxu̱xcü. Rü Maduquéuna ngĩxü̃ naxã. Rü ngĩma ga Ité rü Maduquéuxü̃ ixuneta nax namaxã inacuáxü̃ca̱x ga yema yemaxü̃gü ga Amáü̃arüchire̱x ixĩxü̃.

Ester 8:4

Rü nüma ga ãẽ̱xgacü rü Itéétüguama nanawe̱xnagü ga norü úirumena̱xã. Rü yexguma ga ngĩma ga Ité rü nape̱xewa ichi, rü ngĩgürügü nüxü̃: