Ester 8:16 - Tupanaarü Ore

¹⁶ Rü nüma ga Yudíugü rü poraãcü nataãẽgü, rü guxü̃wama ga duü̃xü̃gü rü yema Yudíugüxü̃ nicua̱xüü̃gü.

Ester 8:16 Referans Kwoze

Wiyaegü 97:11

Rü ngẽma duü̃xü̃gü i mea maxẽxü̃ca̱x nixĩ i yangunexü̃xü̃. Rü ngẽma taãxẽ i aixcüma ixĩxü̃ rü ngẽma duü̃xü̃gü i tama chixexü̃ ügüxü̃ca̱x nixĩ.

Ucu̱xẽgüchiga 11:10

Ngẽxguma mexü̃ nüxü̃ ngupetügu i ngẽma mecümagüxü̃, rü yima ĩanecüã̱x rü nataãẽgü. Rü ngẽxguma nayuegu i ngẽma chixexü̃gu maxẽxü̃, rü guxü̃ma i ĩanecüã̱x rü norü taãẽmaxã nayuxnagütanü.

Wiyaegü 18:28

Rü cumax, Pa Cori Pa Tupanax, rü cha̱u̱xca̱x cunangóonexẽxẽ. Rü ngẽxguma ẽanexü̃wa changexmagu rü choxü̃ quibáixmaxü̃.

Wiyaegü 112:4

Rü yimá yatü rü ñoma wüxi i omü i ẽanexü̃wa ibáxixü̃rüxü̃ nixĩ naxca̱x i ngẽma togü i duü̃xü̃gü i mexü̃. Rü nüma rü namecüma rü nangechaü̃wa̱xe rü nixaixcüma.

Ester 4:16

—¡Ẽcü ngéma naxũ rü nangutaque̱xexẽxẽ i guxü̃ma i Yudíugü i Chúchawa ngẽxmagüxü̃ nax cha̱u̱xca̱x aureãcü nayumüxẽgüxü̃ca̱x! ¡Rü tomaepü̱x i ngunexü̃ rü tomaepü̱x i chütaxü̃ rü taxuxü̃táma ta̱xacü nangõ̱xgü rüe̱xna ta̱xacü nixaxgü! Rü chomax, rü namaxã i chauxü̃taxü̃gü rü ngẽmaãcü tátama tanaxügü. Rü ngẽmawena rü tá ãẽ̱xgacüxü̃tawa íchayadau woo nachu̱xu nax texé ngéma ũmarexü̃ tama tümaca̱x nangemayane. Natürü tá ngéma chaxũama rü nüetama ega woo chayu̱xgu —ngĩgürügü.

Wiyaegü 118:27

Rü nüma ya Cori nixĩ i tórü Tupana yixĩxü̃. Rü nüma nixĩ i tüxü̃ yabáixmaxü̃xü̃. ¡Rü ngĩxã napatawa ngẽxmaxü̃ i ãmarechicagu tayanu i ngẽma naixtanügü i nüxna ixãmaregüxü̃!

Wiyaegü 30:12

Rü ngẽmaca̱x wiyaegümaxã tá cuxü̃ chicua̱xüxü̃ rü guxü̃gutáma moxẽ cuxna chaxã.

Ucu̱xẽgüchiga 28:12

Ngẽxguma ngẽma mexü̃gu rüxĩnüexü̃ rüporamaegügu, rü duü̃xü̃gü rü nataãẽgü. Natürü ngẽxguma ngẽma chixexü̃gu maxẽxü̃ rüporamaegügu, rü duü̃xü̃gü rü na̱xcha̱xwa inicu̱xgü.