Ester 8:1 - Tupanaarü Ore

¹ Rü yematama ngunexü̃gu rü nüma ga ãẽ̱xgacü ga Achuéru rü naxma̱x ga Iténa nanaxãmare ga guma Amáü̃pata ga Yudíugümaxã rüxuanüxü̃. Rü nüma ga ãẽ̱xgacü rü Maduquéuca̱x nangema, rü yemaca̱x ãẽ̱xgacüxü̃tawa naxũ yerü ngĩma ga Ité rü nüxü̃ iyaxu nax ngĩnepü nane yixĩxü̃.

Ester 8:1 Referans Kwoze

Ester 2:7

Rü nüma ga Maduquéu rü nüxü̃́ iyexma ga wüxi ga nanepüxacü ga guxü̃wama ta̱xcucü. Rü ngĩéga rü Adachá rüe̱xna Ité nixĩ. Rü ngĩma rü imechametüxüchi rü ngĩxĩne rü namexẽchi.

Ucu̱xẽgüchiga 13:22

Ngẽxguma nayu̱xgu ya yimá yatü ya mecümacü, rü nataagüarü tá nixĩ i norü ngẽmaxü̃gü. Natürü yimá yatü ya pecadugu maxü̃cüarü ngẽmaxü̃gü, rü nawena rü duü̃xü̃gü i mea maxẽxü̃arü tá nixĩ.

Ester 2:15

Rü ngĩma ga Ité ga Maduquéueya̱x ga Abiyáixacü, rü yexguma ngĩwa nanguxgu nax ãẽ̱xgacüpe̱xewa ngĩxü̃ nagagüxü̃, rü ngĩma rü inayaxu ga yema Egái ga pacügüarü dauruü̃arü ucu̱xẽ. Rü meama ngĩgü inga̱xãxẽ yema ngĩmaxã nüxü̃ yaxuxü̃rüxü̃. Rü yema naigü ga pacügü rü poraãcü ngĩmaxã itaãẽgü ga yexguma ngĩxü̃ nadaugügu.

Wiyaegü 39:6

Rü wüxichigüarü maxü̃ rü ñoma wüxi i gáuxchipeta i ngupetüxü̃rüxü̃ nixĩ. Rü natüca̱xma nananutaque̱xe i norü ngẽmaxü̃gü, natürü tama nüxü̃ nacua̱x i texéarü tá yixĩxü̃ i nawena.

Ore i mexü̃ ga Luca ümatüxü̃ 12:20

Natürü Tupana rü ñanagürü nüxü̃: “Pa Yatüx, cungeãẽmare i cumax erü ñoma i chütaxü̃gu tátama cuyu. Rü ngẽma curü ngẽmaxü̃gü i namaxã cunguxü̃xü̃, rü ¿texéarü tá nixĩ i ngẽxguma?” ñanagürü ga Tupana.

Ester 7:6

Rü ngĩma rü inangãxü̃ rü ngĩgürügü: —Ngẽma torü uanü i chixexü̃ tomaxã üxchaü̃xü̃ rü ñaa chixecümaxü̃ i Amáü̃ nixĩ —ngĩgürügü. Rü yexguma yemaxü̃ naxĩnügu ga Amáü̃ rü poraãcü norü muü̃maxã nanaxi̱xãchiãxẽ nape̱xewa ga ãẽ̱xgacü rü naxma̱xpe̱xewa.

Ucu̱xẽgüchiga 28:8

Yíxema togüna diẽru taxãxgu naxüétüãcüma nayauxtanüxẽ, nax ngẽmaãcü yexera tamuarü diẽruã́xü̃ca̱x, rü natüca̱xmamare nixĩ i ngẽma diẽru i tayaxuxü̃. Erü nüma ya Tupana rü ngẽma duü̃xü̃ i mexü̃gu rüxĩnüxü̃na tá ngĩxü̃ naxã, nax ngẽmamaxã nüxü̃ nangü̃xẽẽxü̃ca̱x i ngẽma duü̃xü̃gü i ngearü diẽruã̱xgüxü̃.

Ester 1:14

Rü yema ucu̱xẽruü̃gü ga ãẽ̱xgacümaxã ãmücügüxü̃ rü Cachená, rü Chéta, rü Amáta, rü Tárchix, rü Mére, rü Marchená rü Memucáü̃ nixĩgü. Rü nümagü ga yema 7 ga yatügü ga iporaexü̃ ga Pérchiaanewa rü Médiaanewa rü ãẽ̱xgacüarü ucu̱xẽruü̃tücumüwa naxügü. Rü taxü̃ ga ãẽ̱xgacügü nixĩgü ga yema nachixü̃anewa.

Ester 8:7

Rü yexguma ga nüma ga ãẽ̱xgacü ga Achuéru rü naxma̱x ga Itémaxã rü Yudíu ga Maduquéumaxã nüxü̃ nixu rü ñanagürü: —Choma rü marü cuxna chanaxã, Pa Itéx, ya yima Amáü̃pata. Rü nüma ga Amáü̃ rü marü chanamu nax nawẽxnaxãgüaxü̃ca̱x yerü nanaxunagü nax guxãma i pemax i Yudíugü pexü̃ nadaixchaü̃xü̃.