Ester 7:7 - Tupanaarü Ore

⁷ Rü nüma ga Achuéru rü norü numaxã nayuxnagü rü yéma nüxna niña ga yema ínachibüexü̃wa rü ãẽ̱xgacüpataa̱xtüwa naña. Rü nüma ga Amáü̃ ga marü nüxü̃ nax nacuáxü̃ nax ãẽ̱xgacü tá namaxã naxueguxü̃ nax yama̱xgüãxü̃, rü yoxni Itépe̱xegu nayangücuchi rü ngĩxü̃ naca̱a̱xü̃ nax naétüwa nachogüxü̃ nax tama ãẽ̱xgacü namaxã naxueguxü̃ca̱x nax yama̱xgüãxü̃.

Ester 7:7 Referans Kwoze

Ucu̱xẽgüchiga 19:12

Ngẽxguma nanuxgu ya ãẽ̱xgacü rü ñoma leóü̃ i ngĩ̱xnecüüxü̃rüxü̃ nixĩ. Natürü ngẽxguma nataãẽgu ya ãẽ̱xgacü, rü ñoma cherena i maxẽte̱xe iwaixẽẽxü̃rüxü̃ nixĩ.

Ester 1:12

Natürü ngĩma ga naxma̱x rü tama naga ixĩnü ga yema ãẽ̱xgacüarü duü̃xü̃gü ngĩmaxã nüxü̃ ixuxü̃. Rü yemaca̱x ga nüma ga ãẽ̱xgacü rü poraãcü nanu.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:9

Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.

Danié 3:19

Rü yema orexü̃ naxĩnügu ga Nabucudonochó, rü nanadeãchichiwe yerü yema tomaepü̱x ga ngextü̱xüxü̃gümaxã poraãcü nanu. Rü norü duü̃xü̃güxü̃ namu nax 7 e̱xpü̱xcüna naxüxüxü̃güãxü̃ca̱x ga yema poxcuchicaxü̃ ga iya̱u̱xraxü̃ nax yemaacü nanaxichixü̃ca̱x.

Ichaía 60:14

Rü yema ü̃pa perü uanügü ixĩgüxü̃ rü ngẽma nataagü rü tá núma pexü̃tawa naxĩ rü pepe̱xegu tá nügü ínarüxíxragü. Rü yema noxri pexchi aiexü̃ rü tá pepe̱xegu nacaxã́pü̱xügü rü tá pexü̃ ñanagürügü: “Perü ĩane ya Chióü̃ rü Iraétanüxü̃arü Tupana ya Üünecüarü Ĩane nixĩ”, ñanagürügü tá.

Ucu̱xẽgüchiga 14:19

Ngẽma duü̃xü̃gü i chixexü̃gu maxẽxü̃, rü duü̃xü̃gü i mea maxẽxü̃pe̱xegu tá nacaxã́pü̱xügü. Rü ngẽmagüarü ĩã̱xwa tá ngü̃xẽẽca̱x ínacagü.

Wiyaegü 112:10

Rü ngẽma chixexü̃ ügüxü̃ rü nanue ega nüxü̃ nadaugügu. Rü norü numaxã nixü̃́xchapütagü. Natürü ngẽma norü ĩnü i ngẽma chixexü̃arü üruü̃gü rü tá nagu nayarüchixe.

1 Chamué 25:17

Natürü yimá cute rü nachixecümaxü̃chi rü ngẽmaca̱x taxuacüma texé mea namaxã tidexa. ¡Rü nagu rüxĩnü nax ta̱xacü tá cuxüxü̃! Erü aixcüma tá cuteca̱x rü guxü̃ma i natanüxü̃ca̱x ínayagoõchi i Dabí —ñanagürü ngĩxü̃.

1 Chamué 20:9

Natürü ga Yonatáü̃ rü nanangãxü̃ rü ñanagürü: —Choma rü tagutáma ngẽma chaxü. Natürü ngẽxguma nüxü̃ chacuáxchigagu nax cuxü̃ timáxchaü̃xü̃ ya chaunatü rü tá cumaxã nüxü̃ chixu —ñanagürü.

1 Chamué 20:7

Ngẽxguma mea cuxü̃ tangãxü̃gu ya cunatü rü ngẽmawa tá nüxü̃ chacua̱x nax nataxuma i guxchaxü̃ i nagu tarüxĩnüxü̃ rü tá chataãxẽ. Natürü ngẽxguma tanuxgux rü ngẽmawa tá nüxü̃ cucua̱x nax choxü̃ timáxchaü̃xü̃.

Ester 1:5

Rü yema petawena rü nüma ga ãẽ̱xgacü rü to ga peta naxü ga ãẽ̱xgacüpataa̱xtüwa ga 7 ga ngunexü̃ taixü̃. Rü yema petawa rü nüxna naxu ga guxü̃ma ga yema duü̃xü̃gü ga Chúchacüã̱x ga ãẽ̱xgacüarü ngü̃xẽẽruü̃gü rü norü puracütanüxü̃ ixĩgüxü̃.

Ester 7:10

Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Ucu̱xẽgüchiga 14:35

Ngẽma ãẽ̱xgacüarü duü̃xü̃ i mea puracüxü̃ cuáxü̃, rü norü ãẽ̱xgacü rü namaxã nataãxẽ. Natürü ngẽma puracütanüxü̃ i tama mea puracüxü̃ cuáxü̃, rü norü ãẽ̱xgacü rü tama namaxã nataãxẽ.

Ucu̱xẽgüchiga 16:14

Ngẽxguma ãẽ̱xgacü duü̃xü̃gümaxã nuxgu, rü yu namaxã naxuegu, natürü yíxema tümaãẽxü̃ cuáxe rü dexa i ngüxmüxẽẽruü̃maxã tanangãxü̃.