Ester 7:4 - Tupanaarü Ore

⁴ Erü choma rü chautanüxü̃ rü marü toxü̃ naxüpane nax ngẽmaãcü toxü̃ nada̱i̱xü̃ca̱x ya guxãma. Rü ngẽxguma chi tomaxã nataxegügu nax togüarü puracütanüxü̃ tixĩgüxü̃ca̱x, rü choma rü chi taxṹ ñachagürümare, woo i ngẽma rü ta rü wüxi i chixexü̃ i taxü̃ nixĩ i cuxca̱x, Pa Ãẽ̱xgacüx —ngĩgürügü.

Ester 7:4 Referans Kwoze

Ester 3:9

Rü ngẽmaca̱x Pa Ãẽ̱xgacüx, ega curü me yixĩxgu i ngẽma nüxü̃ chixuxü̃ ¡rü ẽcü naxunagü i wüxi i mu i nüxü̃ ixuxü̃ nax noxtacüma nada̱i̱xü̃ i ngẽma Yudíugü! Rü choma rü tá 330,000 quíru nagúxü̃ i diẽrumü ichaxã nax ngẽmamaxã naxütanüxü̃ca̱x nüxü̃́ i ngẽma nada̱i̱xü̃ —ñanagürü.

Wenaxarü naxümatü ga Tupanaarü mugü 28:68

Rü woo nax Cori ya Tupana cumaxã nüxü̃ ixuxü̃ nax tagutáma wenaxarü ngẽma nama i Equítuanewa daxü̃gu tá naxca̱x cutaeguxü̃, natürü nüma ya Cori ya Tupana rü wapurugu tá nayamugü i cutanüxü̃ nax Equítuaneca̱x nawoeguxü̃ca̱x. Rü ngéma Equítuanewa rü tá curü uanügüna nanaxuaxü̃ nax mugüruxü̃ namaxã nataxegüxü̃ca̱x, natürü nataxutama i naxca̱x taxexü̃ —ñanagürü ga Moiché.

Ester 3:13

Rü yema ãẽ̱xgacüarü orearü ngeruü̃gü rü inayanuetanü ga yema popera nagu ga guxü̃ma ga yema nachixü̃anegü ga ãẽ̱xgacü namaxã icuáxü̃. Rü yema poperawa rü nüxü̃ nixu rü ñanagürü: —Meama nai ya 12 ya tauemacü ya Adágu ãégacüarü 13 ya ngunexü̃gu rü tá nadai i guxü̃ma i Yudíugü i yatüxü̃ rü ngexü̃ rü ngextü̱xüxü̃gü rü paxü̃gü rü buxü̃gü. Rü guxü̃ma i ngẽma norü ngẽmaxü̃gü rü ngẽma nada̱i̱xü̃me̱xẽwa tá nachoü̃ —ñanagürü.

Ester 8:11

Rü yema poperawa rü nüma ga ãẽ̱xgacü rü guxü̃ma ga Yudíugüna naxãga nax nügü nanutaque̱xegüxü̃ca̱x nax nügütama ínapoxü̃güxü̃ca̱x rü nadaiaxü̃ca̱x ga guxü̃ma ga duü̃xü̃gü ga guxchaxü̃ namaxã üxü̃ rü noxrüxü̃ yaxĩxẽẽgüãxü̃ca̱x ga yema naxca̱x íyaxüãchiü̃arü naanegü rü norü yemaxü̃gü.

Amúx 2:6

Rü ñanagürü ya Cori ya Tupana: —Pema i Iraétanüxü̃ rü poraãcü chixexü̃ pexügü. Rü tümamaxã petaxe ya yíxema taxuxü̃ma i chixexü̃ üchiréxe. Rü ngẽxgumarüxü̃ ta wüxi i chapatutanüxexpü̱x tümamaxã petaxe ya yíxema ngearü diẽruã́xẽ. Rü ngẽmaca̱x taxũtáma íchayachaxãchi nax pexü̃ chapoxcuxü̃, Pa Iraétanüxü̃x.

Joel 3:6

Rü yáxü̃wama penagagü ga yema Yudáanecüã̱xgü rü Yerucharéü̃cüã̱xgü, rü ñu̱xũchi puracütanüxü̃xü̃ Griégugüxü̃ namaxã petaxegü.

Ester 7:6

Rü ngĩma rü inangãxü̃ rü ngĩgürügü: —Ngẽma torü uanü i chixexü̃ tomaxã üxchaü̃xü̃ rü ñaa chixecümaxü̃ i Amáü̃ nixĩ —ngĩgürügü. Rü yexguma yemaxü̃ naxĩnügu ga Amáü̃ rü poraãcü norü muü̃maxã nanaxi̱xãchiãxẽ nape̱xewa ga ãẽ̱xgacü rü naxma̱xpe̱xewa.

Neemía 5:5

Rü ñanagürügü: —Toma rü natanüxü̃xüchi tixĩgü i ngẽma diẽruã̱xgüxü̃. Rü tonegü rü nanegümaxã nawüxigumare. Natürü i toma rü ngẽma diẽruã̱xgüxü̃na tanamugü i tonegü rü toxocügü nax toxna naxããxü̃ca̱x i diẽru nax tanaxütanüxü̃ca̱x i ngẽma diẽru ga ãẽ̱xgacü ngĩgu unetacü. Rü ngẽmaca̱x i ñuxre i tonegü rü toxocügü rü ngẽma diẽruã̱xgüxü̃arü puracütanüxü̃ nixĩgü rü tüma rü taxucürüwa wena toxca̱x tawoegu erü tangearü diẽruã̱xgü rü ngẽma torü naanegü rü torü úbanecügu rü togüme̱xẽwa nangẽxmagü —ñanagürügü.

1 Chamué 22:23

¡Natürü nua chauxü̃tawa nangẽxma rü taxṹ i cumuü̃xü̃! Erü ngẽma cuxü̃ imáxchaü̃xü̃ rü choxü̃ rü ta nimáxchaü̃. Natürü i choma rü tá cuxü̃ íchapoxü̃ —ñanagürü.

Yochué 9:23

Rü ñu̱xma i pemax rü tá chixexü̃wa pengẽxmagü rü guxü̃gutáma puracütanüxü̃ pixĩgü, rü üxüarü yaxuwa rü dexáarü yaxuwa tá pepuracüe naxca̱x ya yimá chorü Tupanapata —ñanagürü.

Ore i mexü̃ ga Luca ümatüxü̃ 12:45

Natürü ngẽxguma chi ngẽma duü̃xü̃ nagu rüxĩnügu rü norü cori rü tama paxa nax ínanguxü̃, rü inaxügüãgu nax chixri namuaxü̃ i natanüxü̃ i yatüxü̃gü rü ngexü̃gü, rü peta naxü̱xgu rü nachibügu, rü naxaxegu, rü nügü nangãxẽẽgu, rü ngürüãchi ngẽma ngunexü̃ rü ngẽma ora i tama nagu ínangu̱xẽẽãxü̃gu tá ínangu i norü cori. Rü poraãcüxüchi tá nanapoxcu namaxã i ngẽma poxcu i ngẽma tama yaxõgüxü̃xü̃ namaxã napoxcuxü̃.

Ester 7:5

Rü yexguma ga nüma ga Achuéru rü ngĩxna naca rü ñanagürü: —¿Texé tixĩ ya yíxema tügü írüporaxe nax ngẽma chixexü̃ cumaxã taxüxü̃? —ñanagürü.

Ester 8:6

Rü ngẽmaca̱x taxucürüwa yáxna namaxã chaxĩnü i ngẽma chixexü̃ i chautanüxü̃maxã naxueguxü̃ nax nadaixchaü̃ãxü̃ —ngĩgürügü.

Ester 9:25

Natürü yexguma ngĩma ga Ité rü ãẽ̱xgacü ga Achuérumaxã nüxü̃ iyarüxu ga yema Amáü̃ nagu rüxĩnüxü̃ nax Yudíugüxü̃ nada̱i̱xü̃ca̱x, rü nüma ga ãẽ̱xgacü rü wüxi ga poperagu nanaxümatü nax Amáü̃xü̃ yama̱xgüxü̃ca̱x naxca̱x ga yema chixexü̃ ga nagu naxĩnüxü̃. Rü yemaacü Amáü̃xü̃ rü nanegüxü̃ nawẽxnaxãgü.

Danié 6:2

Rü yema 120 ga ãẽ̱xgacügüétüwa nüxü̃ naxuneta ga tomaepü̱x ga naerugü nax nüxü̃ yadaugüxü̃ca̱x ga yema probínchiaarü üyearü ãẽ̱xgacügüarü puracü, rü yemaacü ga nüma ga Daríu rü taxuxü̃ma ga guxchaxü̃ nüxü̃́ yexmaxü̃ca̱x. Rü wüxi ga yema tomaepü̱x ga naerugü rü Danié nixĩ.