Ester 7:1 - Tupanaarü Ore

¹ Rü nüma ga ãẽ̱xgacü rü Amáü̃ rü nawa naxĩ ga yema chibü ga Ité naxca̱x mexẽẽxü̃.

Ester 7:1 Referans Kwoze

Ester 5:8

Pa Ãẽ̱xgacüx, ngẽxguma chi aixcüma choxü̃ cungechaü̃gu, rü chi curü me yixĩxgu i ngẽma chanaxwa̱xexü̃, rü chi choxna cunaxãxchaü̃gu i ngẽma cuxna naxca̱x chacaxaxü̃, rü cuxna chaxu nax moxü̃arü ngunexü̃gu Amáü̃maxã nua chauxü̃tawa pexĩxü̃ naxca̱x i to i õna i pexca̱x tá chamexẽxẽxü̃. Rü ngéma tá nixĩ i cumaxã nüxü̃ chixuxü̃, Pa Ãẽ̱xgacüx, i ngẽma choxna naxca̱x cuca̱a̱xü̃ —ngĩgürügü.

Ester 3:15

Rü yexgumatama inaxĩãchi ga yema poperaarü ngeruü̃gü ga ãẽ̱xgacü imuãchitanüxü̃. Rü guma ĩane ga Chúchawa rü ta duü̃xü̃güxü̃ nüxü̃ nacua̱xẽxẽ ga yema mu. Rü yoxni nüma ga ãẽ̱xgacü rü Amáü̃maxã mechawa narütogü rü naxaxegü. Rü yexgumayane ga duü̃xü̃gü ga ĩane ga Chúchacüã̱xgü rü nanaxĩ̱xãchiãẽgü.

Ester 6:14

Rü yexguma íyadexayane rü ínangugü ga ãẽ̱xgacü ga Achuéruarü duü̃xü̃gü nax Amáü̃ca̱x yacagüxü̃ca̱x nax Itéarü õnawa nagagüãxü̃ca̱x.

Ester 7:2

Rü yexguma norü bínu íyaxaxgüyane rü nüma ga ãẽ̱xgacü rü wena ngĩxna naca ga Ité, rü ñanagürü: —¿Ta̱xacü nixĩ i naxca̱x ícuca̱xchaü̃xü̃, Pa Cho̱xma̱x, Pa Itéx? ¡Rü choxna naxca̱x naca i ngẽma cunaxwa̱xexü̃ rü choma rü tá cuxna chanaxã woo chi naxca̱x ícuca̱xgu i ngãxü̃gu i chauchixü̃ane! —ñanagürü.