Ester 6:4 - Tupanaarü Ore

⁴ Rü yexguma íyadexagüyane rü yoxni ga nüma ga Amáü̃ rü yéma nangu rü yemaca̱x ĩã̱xtüwa nayexma nax ãẽ̱xgacüna yacaxü̃ca̱x nax Maduquéuxü̃ yema wẽxnaxãchica ga naxüxü̃gu nawẽxnaxãxü̃ca̱x. Rü yexguma ga nüma ga ãẽ̱xgacü rü ínaca rü ñanagürü: —¿Texé tixĩ ya ĩã̱xtüwa ngẽxmaxe? —ñanagürü.

Ester 6:4 Referans Kwoze

Ester 5:14

Rü yexguma ga naxma̱x rü namücügü rü ñanagürügü nüxü̃: —¡Ẽcü duü̃xü̃güxü̃ naxüxẽxẽ i wüxi i wẽxnaxãchica i 22 metru i norü máchane, rü moxü̃ pa̱xmama rü ãẽ̱xgacüna naca nax ngẽmagu nawẽxnaxãgüaxü̃ca̱x i Maduquéu! ¡Rü ñu̱xũchi ngẽmaãcü chibüwa naxũ namaxã ya ãẽ̱xgacü! Erü marü taxugutáma curüxĩnü i ngẽxguma —ñanagürügü. Rü yema ĩnü rü norü me nixĩ ga Amáü̃ rü yemaca̱x duü̃xü̃güxü̃ nanaxüxẽxẽ ga wüxi ga wẽxnaxãchica.

Ester 4:11

—Guxü̃ma i duü̃xü̃gü rü nüxü̃ nacua̱x rü ngẽxguma texé ãẽ̱xgacüxü̃tawa ũmaregu rü tama nüma tümaca̱x nangemaãcüma rü tayu ega nüma ya ãẽ̱xgacü rü tama norü úirumena̱xã nawe̱xnagügu. Rü chomax rü marü 30 i ngunexü̃ taguma cha̱u̱xca̱x nangema ya ãẽ̱xgacü —ngĩgürügü.

Wiyaegü 2:4

Natürü nüma ya Cori ya Tupana ya daxũguxü̃ i naanewa ãẽ̱xgacü ixĩcü rü nüxü̃ nacugümare.

Ester 5:1

Rü tomaepü̱x ga ngunexü̃guwena rü ngĩma ga Ité rü nagu iyacu̱x ga ngĩrü ãẽ̱xgacüma̱xchiru rü ñu̱xũchi ãẽ̱xgacüpatagu ixücu. Rü yema ucapu ga ãẽ̱xgacü nawa rütoxü̃arü ĩã̱xarü we̱xgu iyachi ga ãẽ̱xgacü mea ngĩxü̃ ídauxü̃wa.

Ngu̱xẽẽtaeruü̃arü ore 9:10

Rü guxü̃ma i ngẽma puracü i nüxü̃ cucuáxü̃ nax cunaxüxü̃, ¡rü mea naxü! Erü ngẽxguma cuyu̱xgu rü tauquewa cungexmagu, rü taxuxü̃ma cuxü rü taxuguma curüxĩnü erü ngéma rü nataxuma i ta̱xacürü cua̱x.

Wiyaegü 33:19

Rü yuwa tüxü̃ ínapoxü̃ rü maxü̃ tüxna naxã ega ñoma i naanewa taiya ínguxgu.

Yox 5:13

Nüma ya Cori ya Tupana rü norü chixexü̃gutama nanayixẽxẽ i ngẽma dorata̱a̱xgüxü̃. Rü ñu̱xũchi nagu nayanachixexẽxẽ i norü ĩnügü i chixexü̃ i nagu naxĩnüexü̃.

Ester 7:9

Rü yexguma ga Arboná ga ãẽ̱xgacüarü ngü̃xẽẽruxü̃ ixĩxü̃ rü ñanagürü: —Pa Cori, Pa Ãẽ̱xgacüx, ñaa Amáü̃ rü duü̃xü̃güxü̃ nanaxüxẽxẽ i wüxi i wẽxnaxãchica i 22 metruarü ngãxü̃ i norü máchane nax ngẽmagu nawẽxnaxãxü̃ca̱x ya Maduquéu ga cuxü̃ ípoxü̃cü ga yexguma Bigatá rü Tére cuxü̃ ima̱xgüchaü̃gu. Rü ngẽma wẽxnaxãchica rü Amáü̃pataa̱xtüwa nangẽxma —ñanagürü ga Arboná. Rü nüma ga ãẽ̱xgacü rü nanangãxü̃, rü ñanagürü: —¡Ngẽmagu peyawẽxnaxã i Amáü̃! —ñanagürü.

Ester 6:3

Rü yemaxü̃ naxĩnügu ga ãẽ̱xgacü rü ínaca rü ñanagürü: —¿Ta̱xacürü ãmare rü cua̱xüxü̃ nixĩ ga nayaxuxü̃ ga Maduquéu naxca̱x ga yema mexü̃ ga cha̱u̱xca̱x naxüxü̃? —ñanagürü. Rü nüma ga norü ngü̃xẽẽruü̃gü rü nanangãxü̃gü rü ñanagürügü: —Taxuxü̃ma noxtacüma, Pa Ãẽ̱xgacüx —ñanagürügü.

Ester 6:5

Rü yema norü ngü̃xẽẽruü̃gü rü nanangãxü̃ rü ñanagürügü: —Amáü̃ nixĩ i ngéma ngẽxmaxü̃ —ñanagürügü. Rü nüma ga ãẽ̱xgacü rü ñanagürü: —¡Namaxã nüxü̃ pixu rü nua naxũ! —ñanagürü.