Ester 6:14 - Tupanaarü Ore

¹⁴ Rü yexguma íyadexayane rü ínangugü ga ãẽ̱xgacü ga Achuéruarü duü̃xü̃gü nax Amáü̃ca̱x yacagüxü̃ca̱x nax Itéarü õnawa nagagüãxü̃ca̱x.

Ester 6:14 Referans Kwoze

Ester 5:8

Pa Ãẽ̱xgacüx, ngẽxguma chi aixcüma choxü̃ cungechaü̃gu, rü chi curü me yixĩxgu i ngẽma chanaxwa̱xexü̃, rü chi choxna cunaxãxchaü̃gu i ngẽma cuxna naxca̱x chacaxaxü̃, rü cuxna chaxu nax moxü̃arü ngunexü̃gu Amáü̃maxã nua chauxü̃tawa pexĩxü̃ naxca̱x i to i õna i pexca̱x tá chamexẽxẽxü̃. Rü ngéma tá nixĩ i cumaxã nüxü̃ chixuxü̃, Pa Ãẽ̱xgacüx, i ngẽma choxna naxca̱x cuca̱a̱xü̃ —ngĩgürügü.

Ester 5:14

Rü yexguma ga naxma̱x rü namücügü rü ñanagürügü nüxü̃: —¡Ẽcü duü̃xü̃güxü̃ naxüxẽxẽ i wüxi i wẽxnaxãchica i 22 metru i norü máchane, rü moxü̃ pa̱xmama rü ãẽ̱xgacüna naca nax ngẽmagu nawẽxnaxãgüaxü̃ca̱x i Maduquéu! ¡Rü ñu̱xũchi ngẽmaãcü chibüwa naxũ namaxã ya ãẽ̱xgacü! Erü marü taxugutáma curüxĩnü i ngẽxguma —ñanagürügü. Rü yema ĩnü rü norü me nixĩ ga Amáü̃ rü yemaca̱x duü̃xü̃güxü̃ nanaxüxẽxẽ ga wüxi ga wẽxnaxãchica.

Ester 5:5

Rü nüma ga ãẽ̱xgacü rü norü duü̃xü̃güxü̃ namu rü ñanagürü: —¡Naxca̱x peda̱u̱x ya Amáü̃ rü nua naxũ nax ngẽmaãcü nataãẽxü̃ca̱x i Ité! —ñanagürü. Rü ñu̱xũchi ga nüma ga ãẽ̱xgacü rü Amáü̃ rü yéma naxĩ nawa ga yema õna ga Ité naxca̱x üxü̃.

Ester 7:1

Rü nüma ga ãẽ̱xgacü rü Amáü̃ rü nawa naxĩ ga yema chibü ga Ité naxca̱x mexẽẽxü̃.