Ester 6:11 - Tupanaarü Ore

¹¹ Rü yexguma ga Amáü̃ rü nanayaxu ga yema ãẽ̱xgacüchiru rü ga cowaru ga ãẽ̱xgacü natagu tonagüxü̃, rü Maduquéuxü̃ nicu̱xcuchi rü yema cowarutagu nayaga. Rü ĩanemaü̃gu namaxã nanaxũane rü namaxã nicaechigü rü ñanagürü: —Rü ñaãcü nixĩ i namaxã naxüaxü̃ i ngẽma yatü i ãẽ̱xgacü nüxü̃ icua̱xüü̃xü̃ —ñanagürü.

Ester 6:11 Referans Kwoze

Ore i mexü̃ ga Luca ümatüxü̃ 1:52

Rü marü ínanawoxü̃ ga yema ãẽ̱xgacügü ga nügü icua̱xüü̃güxü̃. Natürü guxema duü̃xẽgü ga tama tügü icua̱xüü̃güxe, rü poraãcü tüxü̃ narüngü̃xẽxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:9

Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.

Ichaía 60:14

Rü yema ü̃pa perü uanügü ixĩgüxü̃ rü ngẽma nataagü rü tá núma pexü̃tawa naxĩ rü pepe̱xegu tá nügü ínarüxíxragü. Rü yema noxri pexchi aiexü̃ rü tá pepe̱xegu nacaxã́pü̱xügü rü tá pexü̃ ñanagürügü: “Perü ĩane ya Chióü̃ rü Iraétanüxü̃arü Tupana ya Üünecüarü Ĩane nixĩ”, ñanagürügü tá.

Ester 9:3

Rü ñu̱xũchi yema togü ga nachixü̃anegüarü ãẽ̱xgacügü rü Yudíugüxü̃ narüngü̃xẽẽgü yerü Maduquéuxü̃ namuü̃e.

Ester 8:15

Rü yema ngunexü̃ ga nagu naxunagüxü̃ ga yema mu, rü nüma ga Maduquéu rü nagu nicu̱x ga ãẽ̱xgacüchiru ga cómüxü̃ rü yáuxü̃. Rü nügü natüãtü namaxã ga wüxi ga tüãtüruxü̃ ga línuchinaxca̱x ga dauxracharaxü̃. Rü nügüeruwa nayanga̱xcuchi ga wüxi ga nga̱xcueruxü̃ ga úirunaxca̱x. Rü yemaacü ínaxũxü̃ ga ãẽ̱xgacüpatawa. Rü guxü̃ma ga duü̃xü̃gü ga Chúchacüã̱x rü tagaãcü nüxü̃ nicua̱xüü̃gü.

Édra 6:13

Rü nüma ga Tatenái ga taxtü ga Eufrátearü oéstewaamaarü ãẽ̱xgacü rü Chétaru-bonái rü norü ngü̃xẽẽruü̃gü rü paxãma naga naxĩnüe ga yema mu ga ãẽ̱xgacü ga Daríu unagüxü̃.

Ester 6:10

Rü yexguma ga nüma ga ãẽ̱xgacü rü ñanagürü: —Namexẽchi nixĩ i ngẽma. ¡Ẽcü ñu̱xma rü nayaxu i ngẽma naxchiru rü ngẽma cowaru rü guxü̃ma i ngẽma nüxü̃ quixuxü̃ãcü naxü namaxã ya Maduquéu ya Yudíu ya chopataarü ĩã̱xarü dauruxü̃! Rü guxü̃ma i ngẽma nüxü̃ quixuxü̃ãcü tátama cuyanguxẽxẽ —ñanagürü.

Ester 6:12

Rü yemawena rü nüma ga Maduquéu rü nataegu nax ãẽ̱xgacüpataarü ĩã̱xna yadauxü̃ca̱x. Natürü nüma ga Amáü̃ rü nügü nidüxchiwe rü nangechaü̃ãcüma paxa nachiü̃wa naxũ.

Ucu̱xẽgüchiga 27:18

Yíxema nüxna dauxe i tümaarü igunecü rü tá tanangõ̱x i norü o. Rü yíxema mea nüxna dauxe i tümaarü coriarü ngẽmaxü̃gü, rü tümaarü cori rü tá tümamaxã nataãxẽ.