Ester 6:10 - Tupanaarü Ore

¹⁰ Rü yexguma ga nüma ga ãẽ̱xgacü rü ñanagürü: —Namexẽchi nixĩ i ngẽma. ¡Ẽcü ñu̱xma rü nayaxu i ngẽma naxchiru rü ngẽma cowaru rü guxü̃ma i ngẽma nüxü̃ quixuxü̃ãcü naxü namaxã ya Maduquéu ya Yudíu ya chopataarü ĩã̱xarü dauruxü̃! Rü guxü̃ma i ngẽma nüxü̃ quixuxü̃ãcü tátama cuyanguxẽxẽ —ñanagürü.

Ester 6:10 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 18:7

¡Rü ñu̱xma nax ngẽma ĩanecüã̱x nügü yacua̱xüxü̃güxü̃ rü mexẽchixü̃wa nax namaxẽxü̃, rü ngẽxgumarüxü̃ tá ta nixĩ nax ngúxü̃ nüxü̃ pingexẽxẽgüxü̃ rü ngechaü̃ nüxü̃ pingexẽxẽgüxü̃! Erü ngẽma ĩanecüã̱x rü nügüãẽwa ñanagürügü: ‘Yixema rü ñoma wüxi i ngexü̃ i nachixü̃anearü ãẽ̱xgacüma̱xrüxü̃ mexẽchixü̃wa tangexmagü. Rü tagutáma wüxi i yutexü̃rüxü̃ tangechaü̃gü’, ñanagürügü i ngẽma ĩanecüã̱x.

Ore i mexü̃ ga Luca ümatüxü̃ 14:11

Erü texé ya tügü írütaxe rü Tupana tá tüxü̃ naxãnexẽxẽ. Natürü texé ya tügü írüxíraxe rü Tupana tá tüxü̃ nicua̱xüxü̃ —ñanagürü ga Ngechuchu.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Norü taxre ga popera ga ãẽ̱xgacügüchiga 10:10

Rü aixcüma guxü̃ma ga yema Cori ya Tupana Acáxtanüxü̃maxã ueguxü̃ ga poxcu rü ningu. Rü nümatama ya Cori ya Tupana rü marü nayanguxẽxẽ ga yema norü orearü uruxü̃ ga Eríawa nüxü̃ yaxuxü̃.

Ester 6:9

Rü chi chorü ngü̃xẽẽruü̃güeruxü̃ chamu nax nagu yacu̱xẽẽãxü̃ca̱x i ngẽma naxchiru rü chi cowaruétügu chanaxaunagüxẽxẽ nax ngẽmaãcü ĩanemaü̃gu namaxã chicaechigüxü̃ca̱x: “Ñaãcü nixĩ ya ãẽ̱xgacü i nüxü̃ yacua̱xüü̃xü̃ i wüxi i duü̃xü̃ i namaxã nataãẽxü̃”, ñachagürü chi —ñanagürü ga Amáü̃.

Ester 6:11

Rü yexguma ga Amáü̃ rü nanayaxu ga yema ãẽ̱xgacüchiru rü ga cowaru ga ãẽ̱xgacü natagu tonagüxü̃, rü Maduquéuxü̃ nicu̱xcuchi rü yema cowarutagu nayaga. Rü ĩanemaü̃gu namaxã nanaxũane rü namaxã nicaechigü rü ñanagürü: —Rü ñaãcü nixĩ i namaxã naxüaxü̃ i ngẽma yatü i ãẽ̱xgacü nüxü̃ icua̱xüü̃xü̃ —ñanagürü.

Wiyaegü 31:24

Rü guxãma i pema nax Cori ya Tupanaxü̃ ípenanguxẽẽgüxü̃, ¡rü peporae rü petaãxẽgü!