Ester 6:1 - Tupanaarü Ore

¹ Rü yema chütaxü̃gu ga ãẽ̱xgacü rü tama nape rü inadauecha. Rü yemaca̱x naxca̱x nangema ga yema napane ga nagu naxümatüxü̃ ga guxü̃ma ga yema ãẽ̱xgacü üxü̃ nax naxca̱x nüxü̃ nadaumatügüxü̃ca̱x.

Ester 6:1 Referans Kwoze

Danié 6:18

Rü yemawena rü nüma ga ãẽ̱xgacü rü napatawa naxũ rü tama nachibüãcüma nayape. Rü yema aixrügumaãcü naxüxü̃ ga norü taãxẽ rü marü tama nanaxü. Rü naétü ga yema chütaxü̃ rü tama yéma napexchaü̃.

Danié 2:1

Rü yexguma taxre ga taunecü marü ãẽ̱xgacü yixĩxgu ga Nabucudonochó rü ñuxree̱xpü̱xcüna naxãnegü. Rü yemaca̱x naxoegaãxẽ rü taguma mea na̱xcha̱xwa nape.

Ester 2:23

Rü nüma ga ãẽ̱xgacü rü naxca̱x ínicagüchigü nachiga ga yema nax yama̱xgüchaxü̃xü̃. Rü nüxü̃ nacuáchiga nax aixcüma yixĩxü̃ ga yema, rü yemaca̱x nanawẽxgünaxã ga yema taxre ga yatügü. Rü guxü̃ma ga yema ngupetüxü̃ rü ãẽ̱xgacüpe̱xewatama nanaxümatü nagu ga yema popera ga nagu naxümatüxü̃ ga yema ãẽ̱xgacügü üxü̃.

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

Ichaía 41:17

Rü yíxema ngearü diẽruã̱xgüxe rü tita̱xawae rü naxca̱x tadaugü i dexá natürü taxuxü̃ma itayangaugü. Rü ta̱xawamaxã tipaarü conüã̱x. Natürü choma ya Cori ya Tupana rü tá tüxü̃ charüngü̃xẽxẽxü̃, rü choma nax Iraétanüxü̃arü Tupana chixĩxü̃ rü taxũtáma tüxü̃ íchawogümare.

Ester 10:2

Rü guxü̃ma ga yema Achuéru üxü̃ ga yexguma ãẽ̱xgacü yixĩxgu rü yema norü porachiga rü yema popera ga Médiaanearü rü Pérchiaanearü ãẽ̱xgacügüchiga nagu ümatüxü̃gu naxümatü. Rü yexgumarüxü̃ ta yema poperagu naxümatü nax ñuxãcü Maduquéuxü̃ natachigaxẽẽxü̃ ga Achuéru rü ñuxãcü norü ngü̃xẽẽruxü̃ ga poraxü̃ nax yixĩxü̃.

Naanearü ügüchiga 22:14

Rü yemawena ga Abraáü̃ rü nanaxüéga ga yema nachica ñaxü̃maxã: —Cori ya Tupana rü tüxna nanaxã i ngẽma inaxwa̱xexü̃ —ñaxü̃maxã. Rü ngẽmaca̱x i ñu̱xma rü ta duü̃xü̃gü nüxü̃ nixu rü ñanagürügü: —Yima ma̱xpǘnewa Tupana tüxna nanaxã i ngẽma inaxwa̱xexü̃ —ñanagürügü.

Maraquía 3:16

Natürü yema duü̃xü̃gü ga Tupanaga ĩnüexü̃ rü wüxichigü namücümaxã nidexa ga Cori ya Tupanachiga. Rü nüma ga Cori ya Tupana rü inarüxĩnü ga yema nüxü̃ yaxugüxü̃. Rü Tupanape̱xewa rü wüxi ga poperagu nanaxümatü ga naéga ga yema duü̃xü̃gü ga naga ĩnüexü̃ rü namaxã taãẽgüxü̃.

Ester 5:8

Pa Ãẽ̱xgacüx, ngẽxguma chi aixcüma choxü̃ cungechaü̃gu, rü chi curü me yixĩxgu i ngẽma chanaxwa̱xexü̃, rü chi choxna cunaxãxchaü̃gu i ngẽma cuxna naxca̱x chacaxaxü̃, rü cuxna chaxu nax moxü̃arü ngunexü̃gu Amáü̃maxã nua chauxü̃tawa pexĩxü̃ naxca̱x i to i õna i pexca̱x tá chamexẽxẽxü̃. Rü ngéma tá nixĩ i cumaxã nüxü̃ chixuxü̃, Pa Ãẽ̱xgacüx, i ngẽma choxna naxca̱x cuca̱a̱xü̃ —ngĩgürügü.

Ester 2:22

Rü yexguma yemaxü̃ nacua̱xgu ga Maduquéu rü ãẽ̱xgacü naxma̱x ga Itémaxã nüxü̃ nixu ga ãẽ̱xgacüxü̃ nax yama̱xgüchaxü̃xü̃. Rü ngĩma ga Ité rü ãẽ̱xgacümaxã nüxü̃ iyaxu ga yema Maduquéu ngĩmaxã nüxü̃ ixuxü̃.

Ester 2:21

Rü wüxi ga ngunexü̃ ga yexguma Maduquéu ãẽ̱xgacüpataarü ĩã̱xwa dauxü̃taegu rü nüxü̃ naxĩnü ga taxre ga ĩã̱xarü dauruü̃gü ga Bigatáü̃ rü Tére ga nugaãcü nügümaxã idexagüxü̃ nachigagu nax ñuxãcü tá ãẽ̱xgacü ga Achuéruxü̃ yama̱xgüxü̃.