Ester 5:4 - Tupanaarü Ore

⁴ —Rü ngẽxguma chi curü me yixĩxgu, Pa Ãẽ̱xgacüx, rü cuxna chaxu nax chauxü̃tawa cuxũxü̃ca̱x erü cuxca̱x rü Amáü̃ca̱x chanaxü i wüxi i õna i mexü̃ i ñu̱xmax —ngĩgürügü.

Ester 5:4 Referans Kwoze

Ucu̱xẽgüchiga 29:11

Ngẽma tama naãẽxü̃ cuáxü̃ rü tama naxãne nax nanuxü̃. Natürü yíxema tümaãẽxü̃ cuáxe, rü yáxna namaxã taxĩnü i tümaarü nu.

Ester 5:8

Pa Ãẽ̱xgacüx, ngẽxguma chi aixcüma choxü̃ cungechaü̃gu, rü chi curü me yixĩxgu i ngẽma chanaxwa̱xexü̃, rü chi choxna cunaxãxchaü̃gu i ngẽma cuxna naxca̱x chacaxaxü̃, rü cuxna chaxu nax moxü̃arü ngunexü̃gu Amáü̃maxã nua chauxü̃tawa pexĩxü̃ naxca̱x i to i õna i pexca̱x tá chamexẽxẽxü̃. Rü ngéma tá nixĩ i cumaxã nüxü̃ chixuxü̃, Pa Ãẽ̱xgacüx, i ngẽma choxna naxca̱x cuca̱a̱xü̃ —ngĩgürügü.

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

Wiyaegü 112:5

Rü yimá yatü ya mecümacü rü norü ngẽmaxü̃gümaxã togüxü̃ narüngü̃xẽxẽ. Rü mea namaxã inacua̱x i guxü̃ma i ngẽma nüxü̃́ ngẽxmaxü̃.

Ester 3:15

Rü yexgumatama inaxĩãchi ga yema poperaarü ngeruü̃gü ga ãẽ̱xgacü imuãchitanüxü̃. Rü guma ĩane ga Chúchawa rü ta duü̃xü̃güxü̃ nüxü̃ nacua̱xẽxẽ ga yema mu. Rü yoxni nüma ga ãẽ̱xgacü rü Amáü̃maxã mechawa narütogü rü naxaxegü. Rü yexgumayane ga duü̃xü̃gü ga ĩane ga Chúchacüã̱xgü rü nanaxĩ̱xãchiãẽgü.

Naanearü ügüchiga 32:20

Rü ¡ñapegü nüxü̃: “Acóbu ya cuenexẽ ya cuxü̃ ngechaü̃cü rü toweama ne naxũ”, ñapegü nüxü̃! —ñanagürü ga Acóbu. Rü yemaacü nayaxucu̱xẽ ga yema duü̃xü̃gü yerü ñaxü̃gu narüxĩnü: —Ñaa ãmaregü i chope̱xegu chimugüxü̃maxã tá chanangüxmüxẽxẽ ya chauenexẽ. Rü ngẽmawena rü chomaxü̃chi tá nüxü̃ chadau. Rü bexmana ngẽmaãcü tá mea choxü̃ nayaxu —ñaxü̃gu narüxĩnü.

Naanearü ügüchiga 27:25

Rü yexguma ga nanatü rü ñatarügü nüxü̃: —Cü ¡choxü̃ nachibüxẽxẽ, Pa Chaunex, nax chanangṍxü̃ca̱x i ngẽma cuexü̃! Rü ngẽmawena tá mexü̃ cumaxã chaxuegu —ñatarügü. Rü nüma ga Acóbu tüxü̃ nachibüxẽxẽ ga nanatü rü bínu rü ta tüxna nanaxã. Rü nüma ga Ichaá rü nachibü rü naxaxe.

Ester 5:3

Rü nüma ga ãẽ̱xgacü rü ngĩxna naca rü ñanagürü: —¿Ta̱xacü cuxü̃ nangupetü, Pa Itéx? ¿Rü ta̱xacü cunaxwa̱xe? ¡Rü woo chi ngãxü̃gu i chauchixü̃aneca̱x choxna cuca̱xgu rü chi cuxna chanaxã! —ñanagürü. Rü Ité rü inangãxü̃ rü ngĩgürügü:

Ester 5:5

Rü nüma ga ãẽ̱xgacü rü norü duü̃xü̃güxü̃ namu rü ñanagürü: —¡Naxca̱x peda̱u̱x ya Amáü̃ rü nua naxũ nax ngẽmaãcü nataãẽxü̃ca̱x i Ité! —ñanagürü. Rü ñu̱xũchi ga nüma ga ãẽ̱xgacü rü Amáü̃ rü yéma naxĩ nawa ga yema õna ga Ité naxca̱x üxü̃.

Ester 1:9

Rü napatawa ga Achuéru naxma̱x ga Báti rü ta, wüxi ga õna ga taxü̃ ixü naxca̱x ga naxma̱xgü ga yema nüxna naxugüxü̃.