Ester 4:5 - Tupanaarü Ore

⁵ Rü ngĩma ga Ité rü naxca̱x ingema ga yema ngĩrü dauruü̃eru ga Atáx. Rü Maduquéuxü̃tawa inamu nax nüxna yaca̱xaxü̃ca̱x nax ta̱xacü ngupetüxü̃ rü ta̱xacüca̱x natémüchiruxü̃.

Ester 4:5 Referans Kwoze

Popera ga Yudíugü ga yaxõgüxü̃ca̱x ümatüxü̃ 4:15

Rü nüma ya Ngechuchu ya torü poxü̃ruxü̃ ya chacherdótearü ãẽ̱xgacü ixĩcü rü nüxü̃ nacua̱x nax tüxü̃ ínapoxü̃xü̃ i ngẽxguma Chataná tüxna ĩnügu, yerü nüma ga Chataná rü nüxna rü ta naxĩnü ngẽma tüxna nax naxĩnüxü̃rüxü̃. Natürü nüma ga Ngechuchu rü taguma pecadu naxü.

1 Corintios 12:26

Rü ngẽxguma chi wüxi i ngẽma taxünearü üye nüxü̃́ ngu̱xgu, rü guxü̃ma i ngẽma togü i natanüxü̃ rü ta nüxü̃́ nangu̱x. Rü ngẽxguma chi wüxi i ngẽma taxünearü üye taãẽgu, rü guxü̃ma i ngẽma togü i natanüxü̃ rü ta nataãxẽgü.

Romanos 12:15

¡Rü wüxigu tümamaxã petaãxẽgü ya yíxema taãxẽgüxe! ¡Rü wüxigu tümamaxã pexauxe ya yíxema ngechaü̃güxe rü auxexe!

Ester 1:12

Natürü ngĩma ga naxma̱x rü tama naga ixĩnü ga yema ãẽ̱xgacüarü duü̃xü̃gü ngĩmaxã nüxü̃ ixuxü̃. Rü yemaca̱x ga nüma ga ãẽ̱xgacü rü poraãcü nanu.

Ester 1:10

Rü yexguma 7 ga ngunexü̃ marü yangexgu ga yema peta, rü nüma ga ãẽ̱xgacü rü marü bínuarü ngu̱xmaxã nataãxẽ. Rü nanamu ga 7 ga norü ngü̃xẽẽruü̃gü ga Meumáü̃, rü Bichá, rü Arboná, rü Bixtá, rü Abáta, rü Chetáx, rü Cacá nax nape̱xewa ngĩxü̃ nagagüxü̃ca̱x ga yema naxma̱x ga Báti ga meama nga̱xãẽcü namaxã ga yema norü nga̱xcueruxü̃. Rü yemaacü nanamu nax guxü̃ma ga duü̃xü̃güxü̃ rü ãẽ̱xgacügüxü̃ ngĩxü̃ nawéxü̃ca̱x nax ñuxãcü namexẽchixü̃, yerü aixcüma imechametüxüchi.

Filipenses 2:4

¡Rü tama pegüguxicatama perüxĩnüe, natürü name nax ngẽma togügu perüxĩnüexü̃ rü pegü perüngü̃xẽxẽgüxü̃!

Ester 4:4

Rü yema ngĩxü̃taxü̃gü ga Ité rü yema yatügü ga ngĩrü dauruü̃gü ixĩgüxü̃ rü ngĩmaxã nüxü̃ nixugü ga yema Maduquéuxü̃ ngupetüxü̃. Rü yemaxü̃ naxĩnügu ga ngĩmax rü yexeraãcü inaxi̱xãchiãxẽ. Rü yemaca̱x Maduquéuca̱x yéma inamu ga mexü̃ ga naxchiru nax ínacuxuchixü̃ca̱x ga yema témüxü̃ ga naxchiru ga nagu yacúxü̃. Natürü ga nümax rü tama ínacuxuchichaü̃.

Ester 4:6

Rü nüma ga Atáx rü Maduquéuna nayaca ga ĩanearü ngutaque̱xechicawa ga ãẽ̱xgacüpataarü ĩã̱xarü to̱xma̱xtawa.

Ester 4:9

Rü nüma ga Atáx rü nataegu rü Itémaxã nüxü̃ nayarüxu ga yema Maduquéu namaxã nüxü̃ ixuxü̃.

Ester 4:10

Rü ngĩma ga Ité rü wenaxarü Maduquéuxü̃tawa inamu ga Atáx nax namaxã nüxü̃ yanaxuxü̃ca̱x ga ngĩrü dexa ga ñaxü̃: