Ester 4:14 - Tupanaarü Ore

¹⁴ Rü ñu̱xma nax ngéma cungea̱xmarexü̃ rü tama naétüwa nax cuchogüxü̃ i tatanüxü̃ i Yudíugü, rü tóxnamana tá ne naxũ i ngü̃xẽxẽ nax nawa íinguxü̃xü̃ca̱x i ngẽma guxchaxü̃, natürü i cumax rü ngẽma cunatütanüxü̃ rü tá nayue. Rü nagu charüxĩnü nax toxü̃ ícupoxü̃xü̃ca̱x nixĩ i ãẽ̱xgacüma̱xwa nax cunguxü̃ i ñu̱xmax —ñanagürü.

Ester 4:14 Referans Kwoze

1 Chamué 12:22

Rü nümatama ya Cori ya Tupana rü marü pexü̃ nade yerü nanaxwa̱xe nax norü duü̃xü̃gü pixĩgüxü̃. Rü ngẽmaca̱x tagutáma pexü̃ ínawogü erü tama nanaxwa̱xe i texé nüxü̃ tixu nax tama yangu̱xẽẽãxü̃ i norü ore.

Ichaía 54:17

Natürü taxúema tá tanaxü i wüxi i naxne i pexü̃ rüxoxẽẽxü̃. Rü pemax, Pa Iraétanüxü̃x, rü tá peyanangea̱xgüxẽxẽ i guxü̃ma i ngẽma pemaxã guxchaca̱x daugüxü̃, erü choma i Cori ya Tupana rü aixcüma nüxü̃ charüngü̃xẽxẽxü̃ i ngẽma chorü duü̃xü̃gü ixĩxü̃. Rü pemaxã chanaxuegu nax ngẽmaãcü tá yixĩxü̃ —ñanagürü ga Tupana.

Wenaxarü naxümatü ga Tupanaarü mugü 32:36

Rü nüma ya Cori ya Tupana rü tá norü duü̃xü̃güxü̃ ínapoxü̃ i ngẽxguma nüxü̃ nada̱u̱xgu nax marü nangearü poraáxü̃. Rü tá nüxü̃ narüngü̃xẽxẽ i ngẽxguma nüxü̃ nada̱u̱xgu nax marü nataxuxü̃ma i norü duü̃xü̃gü i poraexü̃ i íyaxügüxü̃.

Ore i mexü̃ ga Matéu ümatüxü̃ 16:18

Rü choma cumaxã nüxü̃ chixu rü cuma rü Pedru quixĩ. Rü ngẽma cuéga rü “nuta”, ñaxü̃chiga nixĩ. Rü cuma tá nixĩ i chorü duü̃xü̃gümaxã icucuáxü̃. Rü ngẽma yuarü pora rü taxũtáma nüxü̃ narüyexera i ngẽma chorü duü̃xü̃gü.

Yeremía 30:11

Rü choma ya Cori ya Tupana rü ñachagürü: “Choma rü pemaxã changexma nax pexü̃ íchanguxü̃xẽxẽxü̃ca̱x naxme̱xwa i perü uanügü. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma pexna üxü̃ i poxcumaxã tá pexü̃ chapoxcue. Rü taxũtáma nüxü̃ chaxüpetümare nax pexü̃ chapoxcuexü̃” —ñanagürü.

Yeremía 46:28

Rü choma ya Cori ya Tupana rü ñachagürü pexü̃: ¡Taxṹ i pemuü̃exü̃́, Pa Chorü Duü̃ i Acóbutaagüx! Erü choma rü petanüwa tá changexma. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma perü chixexü̃gagu tá pexü̃ chaxucu̱xẽ. Rü taxũtáma nüxü̃ chaxüpetümare nax pexü̃ chapoxcuexü̃ —ñanagürü.

Édra 9:9

Rü woo to ga ãẽ̱xgacüme̱xẽwa nax tayexmagüxü̃ natürü i cumax rü tama toxü̃ ícuwogü. Rü ngẽma Pérchiaanearü ãẽ̱xgacügüãẽwa ícunanguxẽxẽ nax tomaxã namecümagüxü̃ca̱x. Rü toxna cudau nax ñu̱xma rü ta tamaxẽxü̃ca̱x, rü ngẽmaãcü tawoeguxü̃ca̱x, rü wena noxrirüxü̃ ga nachicagutama tanaxüxü̃ca̱x ya yima cupata ya taxü̃ne. Rü cumax, Pa Tupanax, rü toxna cudau i guxü̃ma i ñaa naane i Yudáanewa rü daa ĩane ya Yerucharéü̃wa.

Ester 2:15

Rü ngĩma ga Ité ga Maduquéueya̱x ga Abiyáixacü, rü yexguma ngĩwa nanguxgu nax ãẽ̱xgacüpe̱xewa ngĩxü̃ nagagüxü̃, rü ngĩma rü inayaxu ga yema Egái ga pacügüarü dauruü̃arü ucu̱xẽ. Rü meama ngĩgü inga̱xãxẽ yema ngĩmaxã nüxü̃ yaxuxü̃rüxü̃. Rü yema naigü ga pacügü rü poraãcü ngĩmaxã itaãẽgü ga yexguma ngĩxü̃ nadaugügu.

Ore i mexü̃ ga Matéu ümatüxü̃ 24:22

Rü ngẽxguma Tupana tama nanoxrexẽẽgu i ngẽma ngunexü̃gü, rü taxúetama tamaxü̃. Natürü Tupana tá nananoxrexẽxẽ i ngẽma ngunexü̃gü tümaca̱x ya yíxema nüma tüxü̃ nadexe.

Ichaía 49:23

Rü ngẽma togü i nachixü̃anegüarü ãẽ̱xgacügü rü tá penatürücügü nixĩgü, rü ngẽma naxma̱xgü rü tá peerücügü nixĩgü. Rü pepe̱xegu tá nacaxã́pü̱xügü rü tá nanade̱xexgü i perü mairaxü̃chipatügü. Rü tá nüxü̃ picua̱xãchitanü nax chaxicatama Tupana chixĩxü̃ rü ngẽma choxü̃́ yaxõgüxü̃ rü tagutáma naxãneexü̃ —ñanagürü.

Ester 2:7

Rü nüma ga Maduquéu rü nüxü̃́ iyexma ga wüxi ga nanepüxacü ga guxü̃wama ta̱xcucü. Rü ngĩéga rü Adachá rüe̱xna Ité nixĩ. Rü ngĩma rü imechametüxüchi rü ngĩxĩne rü namexẽchi.

Naanearü ügüchiga 22:14

Rü yemawena ga Abraáü̃ rü nanaxüéga ga yema nachica ñaxü̃maxã: —Cori ya Tupana rü tüxna nanaxã i ngẽma inaxwa̱xexü̃ —ñaxü̃maxã. Rü ngẽmaca̱x i ñu̱xma rü ta duü̃xü̃gü nüxü̃ nixu rü ñanagürügü: —Yima ma̱xpǘnewa Tupana tüxna nanaxã i ngẽma inaxwa̱xexü̃ —ñanagürügü.

Neemía 6:11

Natürü ga choma rü chanangãxü̃ rü ñachagürü nüxü̃: —Ngẽma yatügü i chauxrüxü̃ tama muü̃exü̃ rü tama nibuxmü rü bai nax Tupanapata ya taxü̃negu yanacu̱xgüxü̃ nax ngẽmaãcü taxuxü̃ma nüxü̃ ngupetüxü̃ca̱x. Choma rü taxũtáma ngẽxma chayarücu̱x —ñachagürü nüxü̃.

1 Chamué 17:29

Rü nüma ga Dabí rü nanangãxü̃ga rü ñanagürü: —¿Ta̱xacü ẽ̱xna chaxü rü ngẽmaca̱x ngẽma ñacuxü̃ choxü̃? Rü nua chidexamare —ñanagürü.

Ãẽ̱xgacügü ga guxchaxü̃güarü mexẽxẽruü̃gü 15:6

Rü nüma ga Firitéutanüxü̃ rü naxca̱x ínicaetanü nax texé tixĩxü̃ ga guxema yexü̃ wagüxe. Rü düxwa nüxü̃ nacua̱xgü ga Chanchóü̃ nax yixĩxü̃ ga norü numaxã yexü̃ wagüxü̃ na̱xtü ga Tinácüã̱xgagu, yerü ga naxma̱x ga Chanchóü̃ rü wüxi ga namücüna ngĩxü̃ tamu. Rü yemaca̱x ga nüma ga Firitéutanüxü̃ rü tüxü̃ ínagu ga guxema na̱xtü ngĩmaxã ga yema Chanchóü̃ naxma̱x.

Yox 9:18

Rü oegaãẽmaxã chi choxü̃ nanapaxẽxẽ rü choxü̃́ nanaguxchaxẽxẽ nax chingü̃ãcüüxü̃ca̱x.

Norü taxre ga popera ga ãẽ̱xgacügüchiga 13:5

Rü nüma ga Tupana rü yéma nanamu ga wüxi ga ngü̃xẽẽruxü̃ nax Chíriaanearü ãẽ̱xgacüme̱xẽwa Iraéanecüã̱xgüxü̃ ínanguxü̃xẽẽxü̃ca̱x. Rü yemaacü ga Iraéanecüã̱xgü rü noxrirüxü̃ taãẽãcü namaxẽ ga napatagüwa.

Ester 4:15

Rü yexguma ga ngĩma ga Ité rü ñaãcü Maduquéuca̱x yéma imuga:

Ester 2:17

Rü yexguma ngĩxü̃ nada̱u̱xgu ga Achuéru rü poraãcü nüxü̃́ ingúchaü̃ guxcü ga naigü ga pacüarü yexera. Rü yemaca̱x ngĩeruwa nayanga̱xcuchi ga yema nga̱xcueruxü̃ ga ãẽ̱xgacüma̱xca̱x ixĩxü̃, rü ngĩxü̃ naxuneta nax naxma̱x yixĩxü̃ ngĩchicüxü ga Báti.

Ngu̱xẽẽtaeruü̃arü ore 3:7

Rü nangẽxma i ngunexü̃ i nagu naxchirugu igáugüxü̃, rü ngunexü̃ i nagu inga̱i̱xchiruxü̃. Rü nangẽxma i ngunexü̃ i nagu iyarüchianegüxü̃, rü ngunexü̃ i nagu idexagüxü̃.