Rü ngẽmaca̱x ngẽxguma tama chomaxã nüxü̃ pixuxgu nax ta̱xacügu chaxãnegüxü̃ rü ta̱xacüchiga nax yixĩxü̃ rü guxãtáma i pemax rü tá pexna nangu i ngẽma poxcu i chaxueguxü̃. Rü pemax rü wüxigu pegü pixucu̱xẽgü nax doraxü̃ chomaxã pixuxü̃ca̱x nax ngẽmaãcü nüxü̃ charüngümaxü̃ i ngẽma chaunegü rü tama pexü̃ chapoxcuexü̃ca̱x. ¡Rü ẽcü chomaxã nüxü̃ pixu i ñuxãcü nax yixĩxü̃ i ngẽma chaunegü! Rü ngẽmawa tá nüxü̃ chacua̱x nax nüxü̃ pecuáxü̃ nax chomaxã nüxü̃ pixuxü̃ nax ta̱xacüchiga yixĩxü̃ —ñanagürü.